Read MUKANDA WANZAMBI Exoda 23 Bible Online

Exoda 23 - MUKANDA WANZAMBI bible

Exoda 23

¹Hansaŋu yakutwamba bayi wakakwata hokuku; bayi wakadibombana muntu watama nakwikala chinsahu chaheŋaku.

²Bayi wakalondela mudendu dawantu wakakoŋi chatamaku; bayi wakahoshahela nsaŋu yakwambuka munjila wuyi mukuya antu amavulu, muhoshi muloŋa wakukwatila mafwefuku;

³bayi wakamuhakwilaku kazwe ijina nsaŋu yinduku.

⁴Neyi wakawana ŋombi yachilumbu cheyi hela chimbulu chindina jimbali, chalala wakamufuntishiliyu cheŋi.

⁵Neyi wakamona chimbulu chamukwankunyi neyi nadimbuki dehi nachiteli chindi, neyi wunakeŋi kuleka kumukwashaku, chalala wakamukwashuku hohu.

⁶Kazweŋi keyi bayi wakamukwatila hamuloŋa windi mafwefuku.

⁷Kunsaŋu yakutwamba ambukakuku kwakulehi; muntu waloŋa, wakadi muloŋa, bayi wakamujahaku; muloŋa ami hinaka muyiŋisha muntuwa tamaku.

⁸Bayi wakatambula iselekaku, muloŋa iseleka daputish aŋamesu amuntu wamonaŋa, daheŋeshaŋa mazu amuntu waloŋa.

⁹Bayi wakamukabisha mwenyuku, muloŋa enu muneluki muchimawa mwenyi chiwudi, nanochu chimwadiŋi kwenu enyi mwituŋa daEjipitu.

¹⁰Wakadimi ituŋa deyi nyaka yitanu nawumu, wakakuŋulumu yakudya yidumu;

¹¹ilaŋa mwaka wamu chitanu nachiyedi wakadileki dakedili; kulonda atuzweŋi ahadi antaŋa jeyi akadyi kwawu; yakashiyawu wena anyama amumpata akadyi. Itempa deyi danyivinyu niitempa deyi danyi olive wakayili mwomumu.

¹²Mafuku atanu nadimu wakakalakali nyidimu yeyi, ifuku damu chitanuna chiyedi wakanooki; kulonda niŋombi yeyi nichimbulu cheyi akano okuhu, ni mwana kanduŋu yeyi wamumbanda, ni mwenyi, akatiyihi-i.

¹³Kuyuma yejima yinayileji shenuku muchima; bayi mwakatenahu majina awakishuku, hela kuyitiyahu mukanwa kenu bayi akayitiyaku.

¹⁴Wakandiilili chawija mapampa kasatu hamwaka.

¹⁵Wakadyi chawijacha mankendi akadi iluŋi; wakadyi mankendi akadi iluŋi mafuku atanu nayedi, mwomunakulejeli, hohefuku dinakukanini mukakweji kaAbibi, muloŋa diku kakweji ki mwafumini muEjipitu; kwosi muntu wakashi kakumesu ami makasa kasaku;

¹⁶nichawija chakudya yakudya yamumaha, yanyikabu yatachi yakunyidimu yeyi, yimwadimaŋa mwiha; nichawija chakwaŋula, hakukumisha mwaka, chiwaka aŋula nyidimu yeyi yejima yamwiha.

¹⁷Mapampa kasatu hamwaka, ayeyi amayala ejima akamwekani kumesu aMwanta Yehova.

¹⁸Bayi wakalambula mashi achimuna chami hamu nadinkendi dikweti iluŋuku, hela manji akuchawija chami bayi akashakama wufuku wejimanakushika kubudiduku.

¹⁹Nyikabu yatachi yamaheyi wakayishi kŋi mwitala daYehova Nzambi yeyi. Bayi wakateleka mwana kampembi mumayeli amama yinduku.

²⁰Tala, ami hinukutemeshela kaŋelu kumbidi kuwukuya, kulonda akakuhembaŋa munjila, akakushikŋi kuna kunakuloŋesheli.

²¹Mushenu kumuchima, mutiyilili mwizu dindi; bayi mumuvulokaku; muloŋa yena hakayanakena nyiloŋa yenuku; muloŋa ijina dami dekala mudi yena.

²²Ilaŋa neyi chalala wakatiyilila mwizu dindi, neyi wakela yejima yinahosha, nakekala chilumbu chawayilumbu jeyi, nakadikaŋa nawakwa kudi kamana neyi.

²³Muloŋa kaŋelu kami wakatwaminina kumbidi kuwukuya, wakakushi ki nikudi aAmori, nikudi aHiti, nikudi aPerizi, nikudi aKenani, nikudi aHivi, nikudi aYebusi; ami nakayijilumuna.

²⁴Bayi wakafukamina akishi awuku, hela kuyipeshaku, hela kwila mwelaŋawuku; chiŋa wakayihinuna hamaseki chikupu, nakuchika tuposhi twawu puchi-puchi.

²⁵Mwaka mukalakelaŋa Yehova Nzambi yenu, wakakiswila nkisu nikudyakweyi nimeji eyi; nakafumisha yikatu mukachi kenu.

²⁶Kwosi wakafwisha ivumu hela kwikala nshinta mwituŋa deyuku; nakawanisha mafuku eyi mwanayichindiluwu.

²⁷Nakatemeshaŋahu dehi woma wami kuwakaya, nakakisaŋana antu ejima kuwakaya, nakayila akwankunyi neyiejima akakutalisha nyima jawu.

²⁸Nakatemeshaŋahu dehi mayanvu kuwakaya, diwu akakutemwinamu kuwakaya niaHivi, ni aKenani, niaHiti.

²⁹Hinakakutemwinawu kumesu eyi mumwaka wumu hohu bweŋuku; mukunkulwayi ituŋa dakekala neyi chihembi tuhu, nianyama amumpata akasemununa tuhu nakukuvulila.

³⁰Nakakutemwinawu kumesu eyi chovu chovu, chiŋa wunavuli dehi, hiwakaswana niituŋa.

³¹Ŋinza yeyi nakakubalwilaya kutachikila kuKaluŋa lwŋi Kachinana yakashika nikukaluŋalwijika waFwilistinu, yakafuma nikwisaŋa, yakashika nikuKaloŋa; muloŋa ashakama mwituŋa denodu nakakwinkawu; wakayitemunumu kuwakaya.

³²Bayi wakatiyaŋana nawu chitiyaŋenu hela nawakishi awuku.

³³Bayi akashakama mwituŋa deyuku, akenda kakunvulu mwisha; muloŋa neyi eyi wakapesha akishi awu, chakakubalu mukila muhetu wakufwamu eyi aweni.