Read MUKANDA WANZAMBI Exoda 24 Bible Online

Exoda 24 - MUKANDA WANZAMBI bible

Exoda 24

¹Wamwilili Mosi, nindi, Kandukenu mwinzi kudi Yehova, nineyi, niAroni, niNadabi, niAbihu, niakulumpi awaIsarela makumi atanu namakumi ayedi; mwakadifukwiluku kwakulehi;

²Mosi hohu kankawindi enzi kwakwihi naYehova; wena awakulumpi bayi akenza kwakwihuku; hela antu bayi akakanduka ninduku.

³Mosi wayili, wayilejeli antu mazu aYehova ejima, nimuwuŋaji windi wejima, antu ejima aakwili nezu dawu dimu hohu, nawu, Mazu ejima anahoshi Yehova tukwila.

⁴Mosi wasonekeli mazu aYehova ejima, wamenekesheli budidi yayeni, watuŋili kameŋa mwishina dampidi, nituposhi ikumi natuyedi, mwomwe kalilawunyi chidi yawaIsarela ikumi nayiyedi.

⁵Watemesheli anyi kwenziya wanyana kaIsarela, alambwili nyilambu yakushita, amuketwilili Yehova ŋombi janyilambu yakuwunda.

⁶Mosi wa ambwili mashi hakachi, amakwawu washili mujimbashila, amakwawu wasampwilili kameŋa.

⁷Wanoneni mukanda wachitiyaŋenu, wawutaŋili kulonda antu awutiyi; elili nawu, Yejima yanahoshiyi Yehova tukwila, tukwovwahila.

⁸Mosiwanoneni mashi, wayisampwilili antu, nindi, Talenu mashi achitiyaŋenu chana tiyaŋa niyi Yehova nanenu, namazu awa ejima.

⁹Henohu niMosi, niAroni, niNadabi, niAbihu, niakulumpi jawaIsarela makumi atanu namakumi ayedi akandukili;

¹⁰amweni Nzambi yaIsarela; amweni mwishina danyendu yindi mwadiŋi neyi chisesa chakutuŋa namalola asafwira, neyi iwulu dadeni kutooka.

¹¹Hadi atulamba twawanyana kaIsarela hakwatili hoku chikasaku; amweni Nzambi, adiili, anwini.

¹²Yehova wamwilili Mosi, nindi, Kandukilaku kunu kunidami kumpidi, wushakamuku; nikwinki malola awubasa, ninshimbi, nikuleja kunasoneki, kulonda wuyileji.

¹³Mosi wanyamukili naYoshuwa kambanji kindi; Mosi wakandukili mumpidi yaNzambi.

¹⁴Wayilili awakulumpi nindi, Tusha kamine nuku kunu, nichitukuyi wana; talenu, niAroni niHuri mudinawu; neyi kudi antu akweti nsaŋu ayi kudi wena.

¹⁵Mosi wakandukilili hampidi, ivu dabutili mpidi wi-i.

¹⁶Kulema kwaYehova kwashakamini hampidi yaSinayi, niivu dayibutili wi-i mafuku atanu nadimu; hefuku damu chitanu nachiyedi muna mwadiŋiyi mukachi kevu wamutambi kili Mosi.

¹⁷Kulema kwaYehova kwamwekeni kumesu awanyana kaIsarela hewulu dampidi neyi kesi kanoŋeshaŋa shitu.

¹⁸Mosiweŋilili lwe mwivu, wakandukili hampidi; Mosi wadiŋi hampidi mafuku makumi awana ni amwa ana ni awufuku.