Read MUKANDA WANZAMBI Exoda 26 Bible Online

Exoda 26 - MUKANDA WANZAMBI bible

Exoda 26

¹Wakeli nitabanaka namahina ikumi akutuŋa nawanda wawuwahiwakushinta, niwawuzeeli, niwawusombu, niwuchinana nge, niakerubi akuchiminamu kudi akwawukalawenu.

²Kuleha kwehina dimu kwakashi ki munkotweli jachikasa makumi ayedi najitanu najisatu, mukukuluka kwehinadimu munkotweli jachikasa jiwana; mahinawa ejima akesekani hamu hohu.

³Mahina atanu akayinuŋili hamu dimu nadikwawu, mahina atanu akayinuŋili hamu dimu nadikwawu.

⁴Wakeli ŋanda jawuzeeli hansa yehinadakuma kunsa yamahina mwayinuŋilawu, dichi wakeli nawa nihansayehina dakuma kunsa yamahina amakwawu mwayinuŋilawu.

⁵Wakeli ŋanda makumi atanu kwihina dimu, wakeli niŋanda makumi atanu hansayehina didi kumahina amakwawu mwayinuŋilawu; ŋanda jakaditali dimunadi kwawu.

⁶Wakeli ninkobu jawuru makumi atanu, mahina wakayinuŋili hamu nankobu, nitabanaka yakekali yimu.

⁷Wakeli mahina amavuji ampembi kulonda itenti dakubuta hatabanaka; wakeli mahina ikumi nadimu.

⁸Kuleha kwehina dimu kwakashi ki munkotweli jachikasa makumi asatu, kukuluka kwehina dimu munkotweli jachikasa jiwana; mahina ejima ikumi nadimu akesekani hamu.

⁹Wakanuŋi mahina atanu nahawu, mahina atanu nadimu nahawu, ihina damu chitanuna dimu wakadifunyini oku kumesu etenti.

¹⁰Wakeli ŋanda makumi atanu hansa yehina dimu dakuma kunsa yamahina mwayinuŋilawu, niŋanda makumi atanu hansa yehina dakuma kunsa yamahina amakwawu mwayinuŋilawu.

¹¹Wakeli ninkobu jawuneŋu makumi atanu, nkobu wakajishimuŋanda, wakanuŋi niitenti hamu, kulonda chakekali chuma chimu.

¹²Chibeli chasompokaku kumahina etenti, chochibalu chehina chashalaku, chakasompoki kunyima yatabanaka.

¹³Odu daditulaku kumahina etenti, munkotweli yimu yachikasa ishinadi dimu, munkotweli yimu yachikasaishinadi di kwawu, dakasompokuku hambadi jatabanaka niishinadi idi niishinadidi kwawu, kulonda kuyibuta.

¹⁴Wakeli chifwiku chetenti chayitembiyayizamba yanyikoku yakuloomba wulombu wuchinana, nichifwiku chayitembiya mayobu hewulu.

¹⁵Wakeli mapalanga emana atabanaka anyitondu yanyishitimi.

¹⁶Kuleha kwepalanŋa dimu munkotweli jachikasa ikumi, kutoha kwepalanŋa dimu munkotweli yimu yachikasa nachiketu.

¹⁷Kwakeli nyishi kayiyedi kwipalanga kwipalanga yakunuŋila hamu wumu namukwawu, dichiwakeli namapalanga ejima atabanaka.

¹⁸Wakeli mapalanga atabanaka, mapalanga makumi ayedi akumutamba wakabeta, kwokukabeta kakuchidiilu.

¹⁹Wakeli kwishina damapalanga mayanda asiliva makumi awana akwimena mapalanga makumi ayedi, mayanda ayedi mwishina depalanga dimuna nyendu yadu yiyedi, mayanda ayedi mwishina depalanga dikwawuna nyendu yadu yiyedi.

²⁰Hamutamba wukwawu watabanaka, hamutamba wakabeta kakuchimunswa mapalanga makumi ayedi,

²¹nimayanda awu asiliva makumi awana, mayanda ayedi mwishina depalanga dimu nanyenduyadu yiyedi, mayanda ayedi mwishina depalanga di kwawu.

²²Wakeli mapalanga atanu nadimu amutamba wakunyima yatabanaka kumujika.

²³Kunyima yatabanaka wakeli mapalanga ayedi amumawombu.

²⁴Akekali akubombela hamu ayedi kwishina, chochimu nawa nikwiwulu akekali akubomba ayedi kunyitu yawu nakazeya kamu; ejima ayedi akekali chochina; akekali akumawombu ayedi.

²⁵Kwakekali mapalanga atanu nasatunamayandawu asiliva, mayanda ikumi natanu nadimu; mayanda ayedi mwishina depalanga dimu, mayanda ayedi mwishina depalanga dikwawu.

²⁶Wakeli nkaŋalu janyitondu yanyishitimi, jitanu jakumapalanga ambaŋu yimu yatabanaka;

²⁷nkaŋalu jitanu jakumapalanga ambaŋu yi kwawuyatabanaka, nkaŋalu jitanu jakumapalanga ambapu yatabanaka, jakumutamba wakunyima wakumujika.

²⁸Lukaŋalulwa hakachi lwakahitili hakachika mapalanga lwaka hanukizwa lufuma kunsa yimu nakushika kunsa yikwawu.

²⁹Hamapalanga wakalamikuhu wuru, nituzeya twawu twakusha nkaŋalu wakatutuŋi nawuru; nihankaŋalu wakalamikuhu wuru.

³⁰Wakale mitabanaka mwomweseka chesekelu chakumwekesheleluwu hampidi.

³¹Wakatuŋi ihina dakujika nachu, dawuzeeli, nawusombu, nawanda wuchinana nge, niwanda wawuwahi wakushinta, akadituŋa nawakerubi akuchiminamu kudi akwawukalawenu;

³²wakadikudiki hayishimi yiwana nyanyitondu yanyishitimi yakulamikahu wuru, mbwambu jayu jakukudi kilajakeli jawuru, mayandayu akuyimikila asiliva.

³³Ihina dakujika nachuwakadikudi ki mwishina dankobu, mwenomu mukachi kehina dakujika nachu wakeŋijumu chimbaŋu chawunsahu; ihina dakujika nachu dakayambwili mwajila namwamweni mwajila.

³⁴Wakashi itanda daluwi hewulu dachimbaŋu chawunsahu muna mwamweni mwajila.

³⁵Mesa wakayishihanzi yehina dakujika nachu, niinoriu wakadishi kukabeta katabanaka kakuchidiilu dakaditali mesu namesa, mesa wakayishi kumutamba wakukabetakaku chimunswa.

³⁶Wakatuŋi ihina dakukudika muchisu chetenti, dawuzeeli, nawusombu, nawanda wuchinana nge, nawanda wawuwahi wakushinta, mudimu wamukwakuchi manakusowashana.

³⁷Ihina diŋa mwakadituŋali yishimi yitanuya nyitondu yanyishitimi, mwakalamikuhu wuru, mbwambu jayu jakukudi kilaja keli jawuru; mwakayiwumbili mayanda awuneŋu akuyimikila.