Read MUKANDA WANZAMBI Exoda 27 Bible Online

Exoda 27 - MUKANDA WANZAMBI bible

Exoda 27

¹Wakeli kameŋa kanyitondu yanyishitimi, mukuleha munkotweli jachikasa jitanu, mukutoha munkotweli jachikasa jitanu; kameŋakakesekani hamu ndwa, mumbaŋu jaku jiwana; mukuleha kwiwulu mwakeli munkotweli jachikasa jisatu.

²Wakeli nseŋu jaku hamawombu aku awana; nseŋu jakeli jakutuŋila hamu nakameŋa; wakalamikuhu wuneŋu.

³Wakelini manuŋu aku akufumisha nachu mawuti, ni mafwosholu aku, niyeŋa yaku, nitutuwa twaku twanyisomu, niyifoyu yaku yakesi; yuma yaku yejima wakayili nawuneŋu hohu.

⁴Wakaka tuŋili kanyungulu kawuneŋu kakutuŋaneyi wanda wakuta nachu; hawandowu wakatuŋiluhu tuzeya twawuneriu tuwana twakushila kumawombu awu awana.

⁵Wakawishi mwishina dakameŋa kwishina damutondu wuduku wasompokaku kwi-ndo, kulondawanda wushiki hakachi kakameŋa kwishina kuleha, nikwiwulu nawa kuleha.

⁶Wakeli ninyikambu yakameŋa, nyikambu yanyitondu yanyishitimi, wakalami kuhuwuneŋu.

⁷Nyi kambu yaku wakayishi namutuzeya, nyikambu yakekali hambavu jejima jiyedi jakameŋa, kulonda kutembeka nachu.

⁸Wakakatuŋi nampoku mukachi, kakutuŋa namapalanga; mwomwa kulejeluwu hampidi dimu mwakakatuŋiluwu.

⁹Wakeli nichipaŋu chakutabanaka; kukabeta kakuchidiilu kwakeli mahina akukudika kuchipaŋu, awanda wawuwahi wakushinta, kuleha kwamutamba wumu munkotweli jachikasa nkulakaji;

¹⁰niyishimi yachumakumi ayedi, nimayanda akwimikila yishimi makumi ayedi, awuneŋu; nimbwambu jakuyishimi jakukudikila nimakozayu asiliva.

¹¹Chochimunawa nikukabeta kakuchimunswa, mukuleha mwakekali mahina akukudika munkotweli jachikasa nkulakaji, niyishimi yachu makumi ayedi, nimayanda akwimikila yishimi makumi ayedi, yawuneŋu, nimbwambu jakuyishimpaku kudi kila nimakozayu asiliva.

¹²Mukutoha kwachipaŋu kumutamba wakumujika mwakeli mahina akukudika akweseka munkotweli jachikasa makumi atanu, yishimi yawu ikumi, nimayanda akwimikila yishimi ikumi.

¹³Mukutoha kwachipapu mutamba wakumusela, kwokumusela, mwakeli munkotweli jachikasa makumi atanu.

¹⁴Mahina akukudika mbadi yachisuyimu akekali mukuleha munkotweli jachikasa ikumi najitanu; yishimi yawuyisatu, nimayandayu akwimikila yishimi asatu.

¹⁵Kumbadi yi kwawukwakekali mahina akukudika mukuleha munkotweli jachikasa ikumi najitanu, yishimi yawu yisatu, nimayandayu akwimikila yishimi asatu.

¹⁶Kuchi suchakuchipaŋu kwakekali ihina dakujikaku damunkotweli jachikasa makumi ayedi, dawuze eli, niwusombu, niwanda wuchinana nge, niwanda wawuwahi wakushinta, dakutuŋa kudi mukwakuchima nakusowashana, yishimi yaduyiwana, nimayandayu akwimikila, awana.

¹⁷Yishimi yejima yakuchipaŋu muchahitila kwi-ndo akayishi makoza asiliva, nimbwambu jayu jakukudi kilajasiliva, nimayandayu akwimikila awuneŋu.

¹⁸Mukuleha kwachipaŋu mwakeli munkotweli jachikasa nkulakaji, mukutoha makumi atanu kwejima, mukuleha kwiwulu wanda wawuwahi wakushinta wakweseka munkotweliŋa chikasa jitanu, nimayandayu awuneŋu akwimikila yishimi.

¹⁹Yumaya kutabanaka yejima yanyidimu yayu yejima, nimpopu jayu jejima, nimpopu jakuchipaŋu, jakeli jawuneŋu.

²⁰Wakaleji anyana kaIsarela akakuleteli manji aolive atooka to-o akusohola, achejeji, akubutwisha nachu inoŋu mafuku ejima.

²¹Mwitenti dakubulakena, hanzi yehina dakujika hakachi, dekala kumesu awunsahu, Aroni nawanyanindi amayala akadiloŋeshi kufumisha kumelela nakushi kakubudidi kumesu aYehova; chakekali chidika chanyaka yejima mwamba kavwali kila ŋawu chakuyililaŋa anyana kaIsarela.