Read MUKANDA WANZAMBI Exoda 28 Bible Online

Exoda 28 - MUKANDA WANZAMBI bible

Exoda 28

¹Wakatambuli hadi anyana kaIsarela mana kweyi Aroni nawanyanindi amayala, wakayishikŋi kwakwihi naneyi, kulonda akankalakeli mudimu wawupristu, diwu aAroni naNadabi naAbihu, ni aEleyazari naItamari, wowanyana kaAroni amayala.

²Wakamuchimini mana kweyi Aroni yuma yakuvwala yajila yakulema nalubanji.

³Wakahoshi nawantu ejima akweti maana munyi chima yawu, inenzeshi naspiritu yama ana, kulonda akachimi yuma yaAroni yakuvwala yakumujilika nachu, kulonda akankalakeli mudimu wawupristu.

⁴Tiya yuma yakuvwala yakachimawu; nichibwiku chakuvwala hantulu, niifwodi, ni kanji, nichikovwelu chahewulu chamaasamaasa, ninkuku, nimuya wamumbanda; diyi yuma yakuvwala yajila yakachiminawu nimanakweyi Aroni ni anyanindi amayala, kulonda yena akankalakeli mudimu wawupristu.

⁵Antu akatambuli niwuru, niwuzeeli, niwusombu, niwanda wuchinana nge, niwanda wawuwahi.

⁶Ifwodi akayituŋa nawuru, nawuzeeli, nawusombu, nawanda wuchinana nge, nawanda wawuwahi wakushinta, yakwila kudi muntu wukweti wukalawenu.

⁷Dakekali namahina akumafwiji ayedi akunuŋila kunsa jiyedi jefwodi, kulonda dakanuŋewi hamu.

⁸Nimuya wakutuŋa nawukalawenu, wudi kwifwodi, wakuyikasa nachu, wakekali wakutuŋila mwomumu, wehina dodimu, wakekali wawuru, nawuzeeli, nawusombu, nawanda wuchinana nge, nawanda wawuwahiwakushinta.

⁹Wakanoni malola atushohama ayedi, wakabazuhu majina awanyana kaIsarela;

¹⁰majinawu atanu nadimu helola dimu, majina anashaluku atanu nadimu helola di kwawu, mwomwavwalikililuwu.

¹¹Wakabazi malolawa muyayedi wawu, mwomwekala majina awanyana kaIsarela, wakabazi mwomwakoŋelaŋayi mukwakubaza malola, mwomwabazilaŋawu ilola dachinjikijilu; wakayipati muwupatilu wawuru.

¹²Malolawa ayedi wakayishi hamahina akumafwiji akwifwodi, kulonda ekali malola akwanukisha nachu anyana kaIsarela; Aroni akasendi majinawu hamafwiji indi ejima ayedi kumesu aYehova, kulonda kwanukisha nachu.

¹³Wake liyakupatila yawuru,

¹⁴nimaleŋi ayedi awuru wakoseka to-o, wakayili neyinyonji, yakushinta yakushinta, ana maleŋi akushinta wakayishi hayuma yakupatila.

¹⁵Wakeli nichibwiku chakusompesha chakuvwala hantulu, chakwila kudi muntu wukweti wukalawenu; wakachituŋa mwomuna mwakatuŋilawu ifwodi, wakachituŋa chawuru, nawuzeeli, nawusombu, nawanda wuchinanange, nawanda wawuwahi wakushinta.

¹⁶Chakekali nambaŋu jiwana, chakuvuŋa, mukuleha kwachu muchikasa chakusamanesha, mukutohakwachu muchikasa chakusamanesha.

¹⁷Wakashumu wupatilu watumalola, nyi kana yiwana yatumalola, kumukana wumu dasaridini, nidantopaza, nidakeji keji, dimu mwakekala mukana wakusambila;

¹⁸kumukana wamuchiyedi kwakayi daemeraladi, nidakasafira, nidakayahalu;

¹⁹kumukanawa muchisatu kwakayi dailishemi, nidaishebu, nidakachelama;

²⁰kumukanawa muchiwana kwakayi dakatarishi, nidakashohama, nidanja siperi, akayipati muwuru mwomwakuyipatila.

²¹Malolawa akekali mwomwekalila majina awanyana kaIsarela, ikumi nayedi, mwomwekalila majinawu; akayibazi mwomwabazilaŋawu ilola dachinjikijilu, akekali anyichidi ikumi nayiyedi, mwomwekalila majinawu, iwu nejina dawu, iwu nejina dawu.

²²Chibwiku chakuvwala hantulu wakachichilili maleŋi ayedi neyi nyonji, yakushinta yakushinta yawuru wakoseka to-o.

²³Chibwiku chakuvwala hantuluwaka chichilili nituzeya twawuru tuyedi, tuzeya tuna tuyedi wakatushi kunsajiyedi jachibwiku chakuvwala hantulu.

²⁴Maleŋi ayedi akushinta awuruwakayishi namutuzeya tuna tuyedi kunsa jachibwiku chakuvwala hantulu.

²⁵Insa jikwawu jiyedi hamaleŋi ayedi akushinta wakajinuŋi kuyuma yiyedi yakupatila malola, wakayishi hamahina akumafwiji akwifwodi kumbidi yayu.

²⁶Wakeli tuzeya twawuru tuyedi, wakatushi kunsa jiyedi jachibwiku chakuvwala hantulu kumbavu yachu, kumbadi yefwodi yamukachi.

²⁷Wakeli nawa tuzeya tuyedi twawuru nawa, wakatunuŋili kwishina damahina akumafwiji akwifwodi kumbidi yayu, kwakwihi nakwakudinuŋa, hewulu damuya wefwodi wakutuŋa nawukalawenu.

²⁸Kukasa chibwiku chakuvwala hantulu akaleti tuzeya twakuchibwiku, akaleti tuzeya twakwifwodi, akatu kasili hamu namwonji wawuzeeli, kulonda chakekali hamuyawa kwifwodi wakutuŋa nawukalawenu, kulonda chibwiku chakuvwala hantulu chakabuli kusubuka kwifwodi.

²⁹Aroni, hakeŋila ŋayi mwajila, wakasendaŋa hamuchima windi majina awanyana kaIsarela muchibwi kuchakusompesha chakuvwala hantulu, kulonda kwanukisha nachu kumesu aYehova mafuku ejima.

³⁰Muchibwiku chakusompesha chakuvwala hantulu wakashilumu niWurimi niTumimi, twakekalaŋa hamuchima waAroni, hakeŋilaŋayi kumesu aYehova; Aroni wakasendaŋa hamuchima windi kumesu aYehova hefuku hefuku kusompesha kwakasompeshawu anyana kaIsarela.

³¹Kanji yefwodi wakachima yejima yawuzeeli hohu.

³²Hakachi kayuhakekali hakulokola mwakuhichila namutu; kwakayilokwelawu akachi machimuku munuku kwi-ndo, kulonda yibuli kutabuka, neyi chachiminaŋa wuhalokolawu chi kovwelu chatuyi kuŋu chakunjita.

³³Kumukundulu wayuwakeliluku ibula dimu dimu, mudi dawuzeeli, mudi dawusombu, mudidichinana nge, chochina hohu kwi-ndo, akasowashani nampwembu jawuru kwi-ndo;

³⁴mwakeli mudi lupwambu lwawuru mudi ibula, mudi lupwambulwawuru mudi ibula, kumukundulu wakanji kwi-ndo.

³⁵Jakekali hamujimba waAroni kulonda kukalakala nachu; jakavumaŋa, ngeli, ngeli, nichakeŋila ŋayi mwajila kumesu aYehova, nichakedi kaŋayi, kulonda akabuli kufwa.

³⁶Wakeli cheŋa chawuru wakoseka to-o, wakabazuhu, neyi chabazaŋa wulola dachinjikijilu, neyi, Wajila Wayehova.

³⁷Wakachishi hakamwonjika wuze-eli, chakekali hankuku, hohambidi yankuku hohichakekala.

³⁸Chakekali hehama daAroni, Aroni akasendi kuluwa kwayuma yajilayakajili kawu anyana kaIsarela muyamukunkulu yawu yajila yejima; chakekali hehama dindi mafuku ejima, kulonda akayitiyi kuwaha kudi Yehova.

³⁹Wakatuŋi ihina damaasamaasa dawanda wawuwahi dachikovwelu chahewulu, wakatuŋi ninkuku nehina dawanda wawuwahi, wakatuŋi nimuya, wakekali mudimu wamukwakuchima nakusowashana.

⁴⁰Nianyana kaAroni amayala wakayichimini yi kovwelu, wakayituŋalininyiya, nimabonye, kulonda kulema nalubanji.

⁴¹Wakavwiki nachu manakweyi Aroni, nawanyanindi hamu. Wakayiwayishi manji nakuyikunjika kumudimu nakuyijilika, kulonda akankalakeli mudimu wawupristu.

⁴²Wakayichimini tuputula twamahina amawahi, twakuyibuta nachu abuli kwikala nzekesi, twakafumi hambunda nakushika nikumatafu;

⁴³Aroni nawanya nindi amayala akatuvwalaŋa hakeŋilaŋawu mwitenti dakubulakena, hela hakashikaŋawu kwakwihi nakameŋa kulonda akakalakali mudimu mwajila; kulonda akabuli kusenda kuluwa, akabuli kufwa; chakekalihichidika chahaya nyaka chayena nawanyanindi amba kamulondelaŋaha nyima.