Read MUKANDA WANZAMBI Exoda 29 Bible Online

Exoda 29 - MUKANDA WANZAMBI bible

Exoda 29

¹Tiya muwakayila kulonda kuyijilika, kulonda akankalakelaŋa mudimu wawupristu; wakakwati iyoŋa daŋombi wumu weyala, niyizamba yiyedi yanyikoku yakadi ninaha hiyatamina,

²nimankendi akadi iluŋi, nimankendi akadi iluŋi akubomba namanji, nitumankendi twawubasatwakadi iluŋi twakukwita manji; wakatuŋi nawuŋa watidiku wakusalulula chachiwahi.

³Wakashi mwibaŋu dimu, wakajisendeli mwibaŋu, hamuna ŋombi nayizamba yiyedi yanyikoku.

⁴Aroni nawanyanindi amayala wakayitwali kuchisu chetenti dakubulakena wakayiweleshi nameji.

⁵Wakanoni yuma yakuvwala, wakamuvwiki Aroni chi kovwelu chahewulu, ni kanji yefwodi, niifwodi yayeni, nichibwiku chakuvwala hantulu, wakamukasili mumbunda namuya wakwifwodi wakutuŋa nawukalawenu;

⁶wakamuvwiki nkuku hanamutu, wakashinichiba aba chajila hankuku.

⁷Wakanoni nimanji akuwayisha nachu, waka muhuŋunwini hanamutu windi, wakamuwayishi.

⁸Wakaleti ni anyanindi, wakayivwiki yi kovwelu.

⁹Wakayikasili Aroni nawanyanindi amayala nyiya yawu mumbunda jawu, wakayikasili nimabonye awu; niwupristu wakekali wawu wachidika chahaya nyaka; wakakunjiki aAroni nawanya nindi kumudimu owu.

¹⁰Wakaleti ŋombi kuchisu chetenti dakubulakena; Aroni nawanya nindi amayala akanaŋiki makasawu hanamutu waŋombi.

¹¹Wakajahi ŋombi kumesu aYehova kuchisu chetenti dakubulakena.

¹²Wakatambuli mashiaŋombi, wakalambi hanseŋu jakukameŋa namunu weyi, mashi akashalahu wakayi mwaŋili ejima kwishina dakameŋa.

¹³Wakatambuli nimanji ejima ajikaŋa hayuma yamwivumu niitandantulu dakumuchima, ninshiya mujiyedi, nimanji aduhu, wakayochi bwi hakameŋa.

¹⁴Ilaŋa nimbiji yaŋombi, nichitembi chindi, nituji twindi, wakafumishi muchilombu nakwochela kumpata, hihimulambu wahanshidi.

¹⁵Wakatambuli nichizamba wumu; Aroni nawanyanindi amayala akanaŋiki makasawu hanamutu wachizamba.

¹⁶Wakamujahi chizamba, wakatambuli mashi indi, wakasampuli hakameŋa kwi-ndo.

¹⁷Wakahaboli chizamba wejima hayidi hayidi, wakakosi niyuma yindi yamwivumu, ninyendu yindi namakasindi, wakayishi hayidi yindi yi kwawu nihanamutuwindi.

¹⁸Wakamwochi chizamba wejima hakameŋa; hihimulambu wakumushitila Yehova; hilupwembu, hihimulambu wakuhimulambu la Yehova nakesi.

¹⁹Wakatambuli chizamba mukwawu; Aroni nawanyanindi amayala akanaŋiki makasawu hanamutu wachizamba.

²⁰Wakamujahi chizamba, wakanonuhu mashi anti, wakashi nihansa yetu daAroni dachidiilu, nihansaja matu achidiilu awanyanindi, nihanyinu yamadimbanu yakumakasawu achidiilu, nihanyinu yamadimbanu yakunyendu yawu yachidiilu, wakasampuli mashi hakameŋa kwi-ndo.

²¹Awa mashi adi hakameŋa wakanonuhu, wakanonuku nimanji akuwayisha nachu, wakayisampwilu wuAroni niyuma yindi yakuvwala, ni anyanindi amayala, niyuma yawu yakuvwalahamu nayena; wakeli anamujiliki dehi niyena, niyuma yindiyakuvwala, ni anyanindi, niyuma yakuvwala yawanyanindi hamu nayena.

²²Kuchizamba wakafumishi nimanji, nimukila wamanji, nimanji abutaŋa hayuma yamwivumu, niitandantulu dakumuchima, ninshiya muji yedini manjiekalahu, nichikasa chachidiilu; muloŋa hichizamba chamukoku chakukunjika nachu kumudimu;

²³mwibapu damankendi akadi iluŋididi kumesu aYehova wakanonumu dimu, nidinkendi dakubomba namanji dimu, nikadinkendi kawubasa kamu;

²⁴wakatenteki yumiyi yejima hamakasa aAroni nihamakasa awanyanindi amayala, wakayinyinkeshi yakeli himulambu wakunyinkesha kumesu aYehova.

²⁵Wakayifumishi kumakasawu, wakayochi hakamejiŋa, wakayocheli hewulu dahimulambu wakushita, kulonda ivumba dadiwahi kumesu aYehova; hihimulambu wakuhimulambu la Yehova nakesi.

²⁶Kuchizamba chaAroni chakukunjika nachu kumudimu, wakanonuku ibwambu, wakadinyinkeshi dakeli himulambu wakunyinkesha kumesu aYehova; dakeli iseka deyi dakudya.

²⁷Wakajiliki niibwambu dakuhimulambu wakunyinkesha, nichikasa chakuhimulambu wakuleleka, chanyinkeshaŋawu, chaleleka ŋawu, chakuchizamba chamukoku wakukunjika nachukumudimu, yoyambala yaAroni, nawanyanindi amayala;

²⁸Yakekali yaAroni nawanyanindi amayala hichidika chakuyinkawu chahaya nyaka, chakutambula kudi anyana kaIsarela; muloŋa hihimulambu wakuleleka; wakekali himulambu wakuleleka wakudi anyana kaIsarela wakuyimuna yakuketolaŋawu yanyilambu yakuwunda, hihimulambu wawu nawa waYehova wakuleleka.

²⁹Yuma yakuvwala yaAroni yajila yamba kekalaŋa yawanyanindi amayala amba kahiŋamu, kulonda kuyiwayishilamu manji, nikuyikunjika nachukumudimu wawu.

³⁰Yowu mwana wakamuwana kuwupristu akayivwali mafuku atanu nayedi, hohakeŋilaŋayi mwitenti dakubulakena nakukalakala mwajila.

³¹Wakatambuli chizamba chamukoku chakukunjika nachu kumudimu, wakateleki mbiji yindi mwajila.

³²Aroni nawanyanindi amayala akadyimbiji yachizamba nimankendi adi mwibaŋu, akadiyili kuchisu chetenti dakubulakena.

³³Akadyi yuma yina yadibutiluwu nachu, kulonda kuyikunjika nachu kumudimu nikuyijilika; ilaŋa kuyidya kudi mwenyi chinjila muloŋa yajila.

³⁴Chikwakacha hela mbiji yakukunjika nachu kumudimu, hela dinkendi, neyi yinashaluhu yinashi ki kubudidi wakayochi nakesi; chinjila kuyidya, muloŋa yajila.

³⁵Dichi chiwakayili Aroni nawanyanindi amayala, mwejima munakulejeli; wakayikunjikaŋa mafuku atanu nayedi.

³⁶Hefuku hefuku wakalambulaŋa ŋombi weyala, himulambu wahanshidi kulonda kubuta nachu; chiwakela yakubuta nachu kameŋa wakakatookeshi; wakakawayishi nimanji nakukajilika.

³⁷Mafuku atanu nayedi wakeli yakubuta nachu kameŋa, nakukajilika; kambiŋa kakeli kajila nankashi, yuma yejima yakakunka kukameŋa yakeliyajila.

³⁸Tiya yuma yiwakalambulaŋa hakameŋa, anyana kanyikoku ayedi, anyana amwaka wumu hohu, akulambula hefuku hefuku.

³⁹Mwanakamukoku wumu wakahimulambu laŋa habudidi; mwana kamukoku mukwawu wakahimulambu laŋa hamelela;

⁴⁰mwana kamukoku wumu wakahimulambu i aŋanawuŋa wakusalulula chachiwahi wakweseka muchibalu chamwikumi chachimpaya, namanji akusohola akweseka muchibalu chamu chiwana chanswaha; nivinyu yakweseka muchibalu chamuchiwana chanswaha yahimulambu wakuhuŋununa.

⁴¹Mwana kamukoku mukwawu wakahimulambu laŋa hamelela, wakeli neyi chiwelaŋa nabudidi nahimulambu wawuŋana himulambu wawu wakuhuŋununa, kulonda kwipuka ivumba dadiwahi, hihimulambu wakuhimulambu la Yehova nakesi.

⁴²Wakekali kwawu himulambu wakushita wakulambulaŋa mafuku ejima mwamba kavwali kilaŋawu anyanenu, wakulambwila kuchisu chetenti dakubulakena kumesu aYehova; kwenoku nakabulakenaŋa nenu kulonda nakahoshaŋa naneyi.

⁴³Kweno kudiku nakabulakena nawanyana kaIsarela, niitenti dakajilikewa nakulemakwami.

⁴⁴Nakajilika niitenti dakubulakena nikameŋa; nakajilika niAroni nawanyanindi amayala hamu kulonda akankalakelaŋa mudimu wawupristu.

⁴⁵Hinakashakama dinu mukachi kawanyana kaIsarela, hinakekala Nzambi yawu.

⁴⁶Niwena akeluka nawu yami Yehova Nzambi yawu, yami nayifumishili mwituŋa daEjipitu, kulonda nakashakami nawu. Yami Yehova Nzambi yawu.