Read MUKANDA WANZAMBI Exoda 30 Bible Online

Exoda 30 - MUKANDA WANZAMBI bible

Exoda 30

¹Wakatuŋi kameŋa kakwochelahu insensi; wakakatuŋi nanyito nduvu Uyanyishitimi.

²Mukuleha kwaku mwakashiki munkotweli yachikasayimu, mukutoha kwaku munkotweli yachikasa yimu; kakeli kambaŋu jiwana jesekana; muwuzandamu waku mwakeli munkotweli jachikasajiyedi; nseŋu jaku jakeli hakutuŋila hamu nakameŋa, chuma chochimu hohu.

³Wakalamikuhu wuru wakoseka, nihewulu daku, nihambavu jaku kwi-ndo, nihanseŋu jaku; wakatuŋiluhu mukinkita wawuru kwi-ndo.

⁴Wakaka tuŋilituzeya twawuru tuyedi twakwishina damukinkita waku; wakatutuŋi twakumbavu jaku jiyedi, twakumbaŋu jaku jiyedi; twakeli twakushila nyikambu yakusendela.

⁵Wakeli nyikambu yanyitondu yanyishitimi, wakalamikuhu wuru.

⁶Wakakashi kwakwihi nehina dakujika nachu dekalakuchimbaŋu chawunsahu, kwokumesu etanda daluwi dekala hewuludawunsahu, kwokunakabulakena neyi.

⁷Aroni wakochelaŋahu habudidihabudidi insensi yanyitondu yamavumba amawahi; wakochelaŋahu insensi hohakaloŋeshayi manoŋu.

⁸Aroni hakabutulaŋayi manoŋu hamelela wakochelaŋahu insensi kumesu aYehova mafuku ejima, yakazenza mudi mbaya nyaka yejima yamba kavwali kilaŋawu anyanenu.

⁹Bayi mwakaka kumwishiluhu insensi yacheŋuku, hela himulambu wakushitaku, helahimulambu wawupaku, hela kuhuŋunwinahu himulambu wakuhuŋununaku.

¹⁰Aroni akeli yakubuta nachu hanseŋu jaku kamu hohu hamwaka; wakeliluhuyakubuta nachu namashi akuhimulambu wahanshidi wakubuta nachu, kamu hohu hamwaka, kunyaka yejima yamba kavwali kilaŋawu anyanenu, kajila nankashi kaYehova.

¹¹Yehova wahosheli naMosi,

¹²nindi, Chiwakachinda anyana kaIsarela kulonda kwiluka mwekalawu kuvula kwawu, wejima wawu hamuntuha muntu akamwinki Yehova chuma chakudikuula nachu, chiwakayi chinda; kulonda mubuli kwinza chipupu mukachi kawu, chiwakayi chinda.

¹³Tiyachakahanawu, wejima wawu hamuntu hamuntu, akahita kudi ana akachindawu, akahani lushekeli lwachibalu mwomwekala lushekeli lwakumalala, lushekeli hijingera makumi ayedi; lushekeli lwachibalu hihimulambu wambala waYehova.

¹⁴Wejima wawu, hamuntu hamuntu, akahita kudi ana akachindawu, ninawa anyaka makumi ayedi ninawa abadikamu, akahani himulambu iwu waYehova.

¹⁵Chakahanawu himulambu iwu waYehova kulonda kwilayakudibuta nachu, chiŋa ahani lushekeli lwachibalu, mukwakuheta bayi abadisha mwoku, kazweŋi bayi akehesha mwoku.

¹⁶Chiwakatambula kudianyana kaIsarela mali akubuta nachu, wakakunjiki kumudimu wetentidakubulakena; kulonda mali awa akeli akwanukisha nachu anyana kaIsarela kumesu aYehova, kulonda kwila yakudibuta nachu.

¹⁷Yehova wahosheli naMosi,

¹⁸nindi, Wakatuŋi mbashila yawuneŋu, niitentaminu dayu dakekali dawuneŋu, kulonda kuwelelamu; wakayishihakachi, hela itenti dakubulakena iku kameŋa nawa iku, wakashumu nimeji.

¹⁹Aroni nawanyanindi amayala akesukilaŋamu kumakasawu ni kuwelelamunawa kunyendu yawu;

²⁰chiyakeŋilaŋawu mwitenti dakubulakena akesukaŋa nameji, nikuwela nawa kulonda abuli kufwa; hela chakenzaŋawu kwakwihi nakameŋa kulonda kukalakala, kulonda kumwochela Yehova himulambu wakwila nakesi,

²¹akesukaŋa kumakasawu nikuwela nawakunyendu yawu kulonda abuli kufwa; lwakeli chidika chawu chahayanyaka, chayena nawanyanindi mwamba kavwali kilaŋawu anyanawu.

²²Kunuŋaku nawa, Yehova wahosheli cheŋi naMosi,

²³nindi, Tambulaku nyitondu yepukaŋa mavumba amawahi abadika, nimora yakweŋamanji jishekeli makulakaji atanu, nisinamoni yanunka chachiwahi yakwesekaneyi muhafu, dimu mujishekeli makulakaji ayedi namakumi atanu, ninyisachiyanunka chachiwahi jishekeli makulakaji ayedi namakumi atanu,

²⁴nikasiya jishekeli makulakaji atanu akwesekela mulushekeli lwakumalala, nimanji aolive akwesekela munswaha yimu;

²⁵wakeli nachu manji ajila akuwayishaŋa, hiyuma yakubombabomba chachiwahi yevumba dadiwahi mwomwelaŋayi muntu wukweti wukalawenu wakubombabomba mavumbaeŋi na eŋi, akekali manji ajila akuwayishaŋa nachu.

²⁶Wakawayishi nachuniitenti dakubulakena nichimbaŋu chawunsahu,

²⁷nimesa niyuma yawuyejima, niinoriu niyuma yadu, nikameŋa kainsensi;

²⁸nikameŋa kahimulambu wakushita niyuma yaku yejima kumu nawa, nimbashila yakuwelela niitentaminudayu.

²⁹Yuma yina wakayijiliki, kulonda yakeli yajila nankashi; hela muntu hela chuma chikuyikunka chikwikala chajila hohu.

³⁰Wakawayishi Aroni nawanyanindi amayala manji, hiwakayijilika kulonda akankalakeli mudimu wawupristu.

³¹Wakahoshi nawanyana kaIsarela, neyi, Manji awa akekali akuwayishaŋa nachu, akunjilikila ambala amami hadianyanenu ejima amba kavwalikilaŋa.

³²Bayi ayihuŋunwina hamujimbawa muntuku, hela kwila acheŋi afwana neyi awa akubombabomba mwomumu, chinjila; ajila, kudenu akeli ajila hohu.

³³Yowu muntu wakabombabomba adi chochina, hela kumushilawu mwenyi hamujimba windi, akamufumishi mudi antaŋa jindi.

³⁴Yehova wahosheli cheŋi naMosi, nindi, Tambulaku nyitondu yepukaŋa mavumba amawahi, niweŋu wanunka chachiwahi, nichecheleti, nichelibena; hinyitondu yepukapa mavumba amawahi yakubomba nalibona ditooka to-o; kweseka yejima pezu yoyimu hohu;

³⁵wakeli nachu insensi, hiyuma yakubombabomba chachiwahi yevumba dadiwahi mwomwelaŋayi muntuwaheta maana akubombabomba mavumba, akashuku nimuŋwa, yakeliyitooka to-o, yajila.

³⁶Wakanonuhu yi kwawu wakayitwi puchi-puchi, wakashi kumesu awunsahu mwitenti dakubulakena kwokunakabulakena neyi; kudenu yakekali yajila nankashi,

³⁷bayi mwakadilila enu aweni insensi yakubombabomba chochinaku; kudeyi yakekali yajila yambalaya Yehova hohu.

³⁸Yowu muntu wakela yidi chochina kulonda kununkaku, akamufumishi mudi antaŋa jindi.