Read MUKANDA WANZAMBI Exoda 31 Bible Online

Exoda 31 - MUKANDA WANZAMBI bible

Exoda 31

¹Yehova wahosheli cheŋi naMosi,

²nindi, Tala, namutambi kiBezaleli mwana kaUri, Uri mwana kaHuri, wakumuchidi waYuda, hejina dindi;

³namwinzeshi naSpiritu yaNzambi, muma ana, nimukashinshi, nimukwiluka, nimuwukalawenu wejima,

⁴kulonda akatoŋojoki chachiwahi muwililu wanyidimu yawutotombu yakukalakala nawuru, nasiliva, nawuneŋu,

⁵akaketoli nitumalola twakupata, akabazi nyitondu, akakalakali mwejima mwaya wukalawenu.

⁶Tala, ami nabombeluku hadi yena Oholiyabi, mwana kaAhisamaki, wakumuchidi waDani; munyichimayawantu ejima akweti maana nashumu maana kulonda akatuŋi yumayejima yinakuleji;

⁷akatuŋi niitenti dakubulakena, nichimbaŋu chawunsahu, niitanda daluwi dekalahu, niyuma yejima yamwitenti;

⁸nimesa, niyumayayu, niinoŋu ditooka to-o, niyuma yadu yejima, nikameŋa kainsensi;

⁹nikameŋa kahimulambu wakushita, niyuma yaku yejima, nimbashilayakuwelela niitentaminu dayu;

¹⁰niyuma yakuvwala yakutuŋa chachiwahi, yuma yajila yakuvwala kapristu Aroni, niyuma yakuvwala anyanindi amayala kulonda akakalakali nachu mudimu wawupristu;

¹¹nimanji akuwayishaŋanachu, niinsensi yevumba dadiwahi yamwajila; akeli mwejima munakuleji.

¹²Yehova wahosheli cheŋi naMosi,

¹³nindi, Hoshaku nawanyana kaIsarela, neyi, Chiŋa muhembaŋa sabata jami, muloŋa hichinjikijilu chetunanami nanenu, mwamba kavwalikaŋawu anyanenu; kulonda mwakelukaŋanenu ami yami Yehova nayijilikaŋa.

¹⁴Dichi mwakahembaŋa sabata, muloŋa yajila kwenu; yowu muntu wakayijilola, chiŋa akamujaha hohu; yenowu muntu wakakalakelamu mudimu, akamufumishi mudi antaŋa jindi.

¹⁵Mafuku imukukalakalaŋa nyidimu wowu atanu nadimu hohu, kwinza ifuku damu chitanu nachiyedi hisabata yakunooka kwalema, dajila dambala daYehova hohu; yowu muntu wakakalakala mudimu hefuku dasabata, chiŋa akamujaha hohu.

¹⁶Dichi anyana kaIsarela akahembaŋa sabata, akashi sabata kumuchima kunyaka yejima amba kavwalikaŋa anyanawu, yachitiyaŋenu chahaya nyaka.

¹⁷Hichinjikijilu chetu, nanami nawanyana kaIsarela chahaya nyaka; muloŋa mafuku atanu nadimu Yehova wale dehi mawulu namaseki, hefuku damu chitanu nachiyedi hakunooka, hakutiyanihi-i.

¹⁸Chakumishiliyi kuhanjika nindi hampidi yaSinayi wamwinkeli Mosi malola awunsahu ayedi, malola awubasa, akusoneka namunu waNzambi.