Read MUKANDA WANZAMBI Exoda 32 Bible Online

Exoda 32 - MUKANDA WANZAMBI bible

Exoda 32

¹Antu chamwenuwu nawu Mosi hakulaba, kukunkumuka swayiliampidi nehi, antu hiyakumupompela Aroni, hiyakumwila nawu, Nyamukaku wutwilili akishi etu atwaminaŋa kumbidi kutukuya; yeniwu Mosi, iwu iyala watufumishili mwituŋa daEjipitu, hituneluki kwanayiyuku.

²Aroni wayilili nindi, Kotolenu tuzeya twawuru tudi kumatu awaŋodi jenu, nikudi kumatu awanyanenu amayala, nikudi kumatu awanyanenu awambanda, namutunleteli.

³Antu ejima akotweli tuzeya twawuru twadiŋi kumatu awu, atutweli kudi Aroni.

⁴Watutambwili kumakasawu, wayibazili nachi kuŋuchakubaza nachu, welili nachu mwana kaŋombi wakweŋununa chakweŋununa; elili nawu, Diwu akishi enu, enu aIsarela, diwu ayifumishili mwituŋa daEjipitu.

⁵Aroni chamweniyi chochina, watuŋili kwenoku kameŋa; Aroni wabidikili, nindi, Kumadiki twakadya chawija chaYehova.

⁶Hakuchaha amenekesheli budidi, ocheli nyilambu yakushita, atweli ninyilambu yakuwunda; antu ashakamini nakudya nakunwa, anyamukili cheŋi nakuhema.

⁷Yehova wahosheli naMosi, nindi, Yaku, kunkumukaku; muloŋa antu eyi wafumishili mwituŋa daEjipitu, anaditokeshi dehi bululu;

⁸anasenuki dehi swayi swayi munjila yinayilejeli; aneli dehi ŋombi yawu wakweŋununa, anamufukamini dehi, anamuketwili dehi niyimuna, aneli nawu, Awadiwu akishi enu, enu aIsarela, diwu ayifumishili mwituŋa daEjipitu.

⁹Yehova wamwilili Mosi, nindi, Awa antu nayimoni dehi komana hiyantu achinchika;

¹⁰ichi dinu nleki kwami kuzuwa kwami kuyitatili neyi kesi, niyinoŋeshi kwami, nikuvulishi eyi wili muza weneni.

¹¹Mosi walembeli kumesu aYehova Nzambi yindi, nindi, Eyi Yehova, antu eyi iwafumishili mwituŋa daEjipitu naŋovu yeneni, nachikasa chaŋovuhohu, wuyizuwili nankashi mwejimomu?

¹²Indi aEjipitu akahoshana wudi? Akahosha nawu, Chayi fumishiliyi mwituŋa komana walona dehi kuyikoŋa chatama, komana walondeli kuyŋahila kumapidi, kulonda ayinoŋeshi ji-i hewulu deseki. Lekaku kuzuwa kweyi kunasweji, wubalumukimu muchima wuleki kuyifuukwila antu eyi mwenimu mwatama.

¹³Anukaku Abarahama, naIsaka, naIsarela, ambuŋeyi, wasanyikilili chakudisanyika eyi aweni, wayilili neyi, Nakavulisha anyanenu neyi chikwatu tumbwatwa mwiwulu, niituŋa idi dejima dinateni nakadinka anyanenu, mwakadiswana dakekala denu dahaya nyaka.

¹⁴Yehova wabalu mukili mumuchima, walekeli omu mwatama mwahosheliyi nindi nukuyikoŋa antu ami.

¹⁵Mosi wabalumukili cheŋi, wakunkumukili hampidi, muchikasa chindi nasendi malola awubasa awunsahu ayedi; malola awubasa akusonekani ishinadi niishinadi, heshinadi dimu niheshinadi di kwawu anasonekuhu.

¹⁶Wena malola awubasa owu adiŋi mudimu wakwila kudi Nzambi, ninsona jadiŋi nsona jakusoneka kudi Nzambi, jakubaza hamalola owuawubasa.

¹⁷Yoshuwa chatiyiliyi ipumba dawantu adiŋi nakudikuwa, wamwilili Mosi, nindi, Muchilombu mudi ipumba danjita.

¹⁸Yena nindi, Hiizuda wantu akuyikaku, hela dawantu akukaloka nakuyitapaku, ami natiyi neyihiizu dawantu akwimba tumina.

¹⁹Cheliliyi nashiki dehi kwakwihi nachilombu, hakumona ni mwanaka ŋombi niantu akuhaŋana, Mosi abutukani kesi laku, nazuwi dehi nankashi, hakunata nimalola awubasa adiŋi mumakasindi, hakuyi humona mwishina dampidi.

²⁰Owu mwana kaŋombi eliluwu, hakumutwala, hakumwo chanakesi, hakumutwa puchi puchi hiwuŋa hohu, hakuwulakumuna hameji, hakuyinwishawu anyana kaIsarela.

²¹Mosi wamwilili Aroni nindi, Indi awa antu akwilili ŋahi mwakawuyi kojeji nshidi yatoha chi kuma hichi?

²²Aroni nindi, Mwanta wamibayi asweja kuzuwaku; awa antu wunayiluki dehi, ata kwawu nyichimayawu hakwila yuma yatama.

²³Wena diwu aŋilili nawu, Twilili akishi etu atwaminaŋa kumbidi kutukuya; nawu, Yeniwu Mosi, iwu iyala watufumishili mwituŋa daEjipitu, mwanayiyi hituneluki mwoku.

²⁴Ninaminayilili nami, Yowu muntu wukweti wuru awukotoli, dichi wena awunyinkeli, ami nawu umbilili mukesi, himukwidika niniwu mwana kaŋombi.

²⁵Mosi chamweniyi antu adi nzekesi, muloŋa Aroni wayivu ulishili mahina, walondeli atiyi nsonyi hadi ayilumbu jawu;

²⁶Mosi hakwimana muchisu chachilombu, hakuhosha nindi, WaYehova waYehova hinyi? Enzi kunu kunidami. Anyana kaLevi amayala ejima apompa nikupompakudi yena.

²⁷Wayilili nindi, Tiyenu chanahoshiyi Yehova, Nzambi yawaIsarela, nindi, Wejima wenu vwalenu mpoku jenu jatubali hamakata, yenuŋa nakukumbuka mwahita chilombu kuchisu nachisu nakutapa akwenu, iwu nakutapa mana kwindi, iwu nakutapa mukwawu adikatayi nindi, iwunakutapa mukwawu atuŋayi nindi.

²⁸Anyana kaLevi elili mwomwizu daMosi; denodu ifuku hafwili antu neyi kwiji makombakaji asatu.

²⁹Mosiwelili nindi, Dikunjikenu lelu kudi Yehova, mwalala iwu hamujimba wamwanindi weyala, iwu hamujimba wamana kwindi, kulonda ayikiswilinkisu lelu.

³⁰Chikwachili Mosi wayilili antu, nindi, Enu munavulumuni nshidiyeneni; ichi dinu hinukukandama cheŋi hampidi niyi kudi Yehova, hadahanakela yakubuta nachu nshidi yenu.

³¹Mosi wafuntili cheŋi kudi Yehova, welili nindi, Nalembi mwani, awa antu anavulumuni dehi nshidi yeneni, aneli dehi akishi awu awuru.

³²Ichi dinu neyi wukuyanakena nshidiyawu! Neyi nehi, anjimi mwani kumukanda weyi wunasoneki.

³³Yehova wamwilili Mosi, nindi, Yowu nanvulumuni diyi nukujima kumukanda wami.

³⁴Ichi dinu yaku wakayilomboli awa antu ayi kunakuleja dehi; nikaŋelu kami wakatwaminaŋa kumbidi kuwukuyeyi. Helachochina kudiifuku dinakayishikijila nshidi yawu.

³⁵Yehova wayibabesheli antu nanowu mwana kaŋombi eliliyi Aroni.