Read MUKANDA WANZAMBI Exoda 33 Bible Online

Exoda 33 - MUKANDA WANZAMBI bible

Exoda 33

¹Yehova wahosheli cheŋi naMosi, nindi, Nyamukenu, mufumi kununineyi niantu iwafumishili mwituŋa daEjipitu, muyi kwituŋa dinasanyi kilili Abarahama, naIsaka, naYakoba, ituŋa dinelili nami, Nakadinka anyaneyi.

²Nakatemeshaŋahu kapelu kumbidi kuwukuya; nakatemunamu kaKenani, ni kaAmori, nikaHiti, nikaPerizi, nikaHivi, nikaYebusi.

³Nakakutwala mwituŋa dalumbama mayeli nawuchi; ami kwami hinukuyanenu mukachi kenuku, muloŋa enu muyantu achinchika, nakenzakayinoŋesha tuhu munjila ji-i.

⁴Antu chatiyiluwu mazu owu atama, adilili, hosi muntu niwumu wavweliyuma yindi yakudiwahisha nachuku.

⁵Muloŋa Yehova wamwilili Mosi, nindi, Yili anyana kaIsarela, neyi, Enu muyantu achinchika, hela neyi nukuyamukachi kenu kapinji kamu hohu nukuyinoŋesha tuhu ji-i, dichi dinusubulenu yuma yenu yakudiwahisha nachu kulonda niiluki kwami munukuyila.

⁶Anyana kaIsarela kufumisha kuna kumpidi yaHorebi nikwayiluwu kumbidi asubwili yuma yawu yakudiwahisha nachu.

⁷Henohu Mosi watwelelaŋa itenti nakudilema kupandakana hachilombu kwakulehi nachilombu; waditeneni nindi, Itenti dakubulakena. Elili neyimuntu hakukeŋa Yehova hakwidika muchilombu hakuya kwitenti dákubula kena dadiŋi oku kwakupandakana chilombu.

⁸Chelilaŋayi Mosi hakwidi kamuchilombu hakuya kwitenti, antu ejima hiyakunyamuka, hiyakwimana, muntu muchisu chetenti dindi, muntu muchisu chetenti dindi, hiyakuhuŋununa mesu nakutala mwakuyayi Mosi nichichakwijila yi mwitenti.

⁹Chelilaŋayi Mosi hakwijila mwitenti, chishimi chevu hichi kuzenzumuka, hichikwimana kwokuchisu chetenti, niYehova hakuhosha naMosi.

¹⁰Antuejima amweni chishimi chevu hichikwimana kuchisu chetenti, niantu ejima hiyakunyamuka, hiyakudifukula, muntu muchisu chetenti dindi, muntumuchisu chetenti dindi.

¹¹Yehova wahosheli naMosi mesu namesu, neyichahoshaŋayi muntu nebwambu dindi. Yena wafuntilaŋa cheŋi muchilombu; ilaŋa kambanji kindi, mwana kaNuni Yoshuwa, mukwenzi weyala, saŋa emenayi mwitenti.

¹²Mosi wamwilili Yehova, nindi, Tala, wunaŋili neyi, Twalaku antu awa, ilaŋa wunabuli kunleja iwakantemesha nindi. Ilaŋa eyi wunahoshi neyi, Nakwiluki ijina deyi, neyi, Nakutoŋi.

¹³Ichi dinu mwani, neyi wunantoŋi, anleji dinu njila yeyi, kulonda ni kwiluka, kulonda wuntoŋi; atali hadi muzdiwu wuyiluki neyi antu ami.

¹⁴Yena nindi, Mesu ami akaya naneyi, nakakunookesha.

¹⁵Mosi wamwilili nindi, Neyi mesu eyi kuya nanami nehi, bayi wututwalaku.

¹⁶Indi antu akwiluka ŋahi nawu ami wunantoŋi ninamini antu eyi? Hiyakwiluka nanochu chitukuya naneyuku? Ami nawantu eyimwenomu dimu tukwambukila kudi antu ejima ekala hewulu damaseki, indiheŋi nawa?

¹⁷Yehova wamwilili Mosi, nindi, Ami nukwila chumichi chiwunahoshi, muloŋa nakutoŋi, nakwiluki ijina deyi.

¹⁸Yena nindi, Anmwekesheli mwani, kulema kweyi.

¹⁹Nzambi nindi, Kuwaha kwami kwejima nukukuhitisha kumesu eyi, nukubidika nakutena ijina daYehova kumesu eyi; yowunukukeŋa kutoŋa diyi nukutoŋa, yowu nukutiyila wushona, diyi nukutiyilawushona.

²⁰Nindi, Hiwukutwesha kumona kumesu amuku, muloŋakwosi muntu wakanmonami ahandaku.

²¹Yehova welili nindi, Tala, kunukunidi kudi kwakwimena, wukwimana helola;

²²chikwila chikukuhita kulemakwami nukukusha mumwaji welola, nukukubuta nachikasa chami nichinukuhita.

²³Nukufumisha chikasa chami, wakanmona chanyima, ilaŋamesu ami hiyakamonewaku.