Read MUKANDA WANZAMBI Exoda 35 Bible Online

Exoda 35 - MUKANDA WANZAMBI bible

Exoda 35

¹Mosi wapompesheli chipompelu chawanyana kaIsarela chejima, wayilili nindi, Tiyenu mazu anayilejiyi Yehova kulonda muyili.

²Nindi, Mafuku atanu nadimu mwakakalakali nyidimu, ilaŋa hefukudamu chitanu nachiyedi hakekali ifuku denu dajila, hisabata yakunooka kwalema kwakumunookela Yehova; yowu wakakoŋelamu mudimu akamujahi.

³Mumatalenu ejima bayi akabutula mwoku kesi hefuku dasabataku.

⁴Mosi wahosheli nachipompelu chawanyana kaIsarela chejima, nindi, Tiya chuma chanayilejiyi Yehova,

⁵nindi, Pompeshenu mukachi kenuhimulambu waYehova; yowu wukweti muchima wakutiyamu kuwaha diwuwukuwuleta, hihimulambu waYehova; niwuru, nisiliva, niwuneŋu,

⁶niwuzeeli, niwusombu, niwanda wuchinana nge, niwanda wawuwahi, nimavuji ampembi;

⁷niyitembi yanyikoku yayizamba, yakuloomba wulombuwu chinana, niyitembi yamayobu, ninyitondu yanyishitimi;

⁸nimanjienoŋu, ninyitondu yanunka mavumba amawahi yakwila nachu manji akuwayisha nachu, niyakwila nachu insensi yevumba dadiwahi;

⁹nitumalola twatushohama, nitumalola twakupata chachiwahi, nitwefwodi, nitwachibwi kuchakuvwala hantulu.

¹⁰Antu ejima amukachi kenu akweti maana munyichima yawu, enziatuŋi yuma yejima yanayilejiyi Yehova;

¹¹nitabanaka, niitenti dindi, nichifwiku chindi, ninkobu jindi, namapalanga indi, ninyikambu yindi, niyishimi yindi, nimayanda akwimikila;

¹²nichimbaŋu, ninyikambu yachu, niitanda daluwi, niihina dakujika nachu hakachi;

¹³nimesa, ninyikambuyayu, niyuma yayu yejima, nimankendi akutenteka kumesu aNzambi;

¹⁴niinoŋu dakutoŋeka chejeji, niyuma yadu, nimanoŋu adu, nimanji achejeji;

¹⁵ni kameŋa kainsensi, ninyikambu yaku, nimanji akuwayisha nachu, niinsensi yevumba dadiwahi, niihina dakukudika muchisu, mwomu chisucha kutabanaka;

¹⁶nikameŋa kahimulambu wakushita, hamu nakanyungulukaku kawuneŋu, ninyikambu yaku, niyuma yaku yejima, nimbashilayakuwelela, niitentaminu dayu;

¹⁷nimahina akukudika kuchipaŋu, niyishimiyachu, nimayanda akwimikila, niihina dakukudika muchisu chachipaŋu;

¹⁸nimpopu jakutabanaka, nimpopu jakuchipaŋu, ninyonji yaju;

¹⁹niyuma yakuvwala yakutuŋa chachiwahi, yakukalakala nachu mwajila, yoyuma yajila yakuvwala kapristu Aroni, niyuma yakuvwala anyanindi amayala, kulonda akakalakali mudimu wawupristu.

²⁰Chipompelu chawanyana kaIsarela chejima afumini kudi Mosi.

²¹Ejima atiyili nyichima yawu hiyi kuyibimbisha, atiyishiluwu kuwahakuspiritu yawu, atweli himulambu waYehova, wamudimu wetenti dakubulakena, niwakukalakala nachu mudimu wadu wejima, niwayuma yajila yakuvwala.

²²Ayili niambanda ni amayala, ejima atiyili kuwaha munyichimayawu, aleteli ninyibulu, niyingelingeli yakumatu, nituzeya twakunyinu yawu, ninyi kosa, yuma yalema yawuru yejima; diwu antu ejima amulambwili Yehova himulambu wawuru.

²³Niantu ejima adiŋi nawuzeeli, helanawusombu, hela nawanda wuchinana nge, hela nawanda wawuwahi, helanamavuji ampembi, hela nayitembi yayizamba yanyikoku yakuloomba wulombu wuchinana, hela nayitembi yamayobu, aleteli.

²⁴Antu ejima adiŋi nakulambula himulambu wasihva nawuneŋu awuleteli himulambu waYehova; niantu ejima adiŋi nanyitondu yanyishitimi yakukalakala nachumudimu himudimu, aleteli.

²⁵Ambanda ejima adiŋi nama ana munyichimayawu, atuŋili mahina namakasawu, aleteli atupiluwu, niwuzeeli, niwusombu, niachinana nge, niamawahi akushinta.

²⁶Ambanda ejima abimbishiluwu nyichima yawu nama ana atupili mahina amavuji ampembi.

²⁷Anyuli aleteli nitumalola twatushohama, nitumalola twakupata, nitwefwodi, nitwachibwi ku chakuvwala hantulu;

²⁸ninyitondu yamavumba amawahi, nimanji achejeji nimanji akuwayisha nachu, ni akwila nachu insensi yevumba dadiwahi.

²⁹Anyana kaIsarela ejima amayala nawambanda, adiŋi nanyi chimaya yitiyishili kuwaha kuleta yuma yamudimu wejima wayilejeli yehova kukanwa kaMosi, amuleteleli Yehova himulambu wakuleta chanyi chima yawu awenawu.

³⁰Mosi wayilili anyana kaIsarela, nindi, Tiyenu, Yehova namutambiki hejina dindi Bezaleli mwana kaUri, Uri mwana kaHuri, wakumuchidi waYuda;

³¹namwinzeshi dehi naSpiritu yaNzambi, muma ana, nimukashinshi, nimukwiluka, nimuwukala wenu wejima;

³²kulonda akatoŋo joki chachiwahi mwaya nyidimu yawutotombu, akakalakali nawuru, nasiliva, niwuneŋu,

³³akaketuhi nitumalola twakupatapata, akabazi ninyitondu, akakalakali mwejima mwaya wukalawenu wawutotombu.

³⁴Namushili mumuchima windi maana akuleja akwawu, niyena niOholiyabi, mwana kaAhisamaki, wakumuchidi waDani.

³⁵Wenawa nayinzeshi nama anamunyichima yawu kulonda akalakali mwejima mwaya wukalawenu, niwakubazayuma, niwamu kwakukoŋa nyidimu yawutotombu, niwamu kwaku chimana kusowashana niwuzeeli, niwusombu, niwanda wuchinana nge, niwanda wawuwahi, akalakali nimwaya wukalawenu wamukwakutuŋa mahina, hela wawukalawenu wejima, wukalawenu hiwukalawenu, helawawantu atoŋojokapa chachiwahi mwakwila nyidimu yawutotombu.