Read MUKANDA WANZAMBI Exoda 39 Bible Online

Exoda 39 - MUKANDA WANZAMBI bible

Exoda 39

¹Nawuzeeli, nawusombu, nawanda wuchinana nge, atuŋili nachuyuma yakuvwala yakutuŋa chachiwahi yakukalakala nachu mwajila, atuŋili nachu niyuma yakuvwala Aroni yajila; mwomwamulejeluwu Mosikudi Yehova.

²Watuŋili ifwodi nawuru, nawuzeeli, nawusombu, nawanda wuchinanange, nawanda wawuwahi wakushinta.

³Wuru awuchilili muwubasa wi kaliwapepela, awuleŋeli hiwukwikala nsambu kulonda awusowi muwuzeeli, nimuwusombu, nimuwanda wuchinana nge, nimuwanda wawuwahi, mudimu wamuntu mukwawukalawenu.

⁴Atuŋili mahinadu akumafwiji, akunuŋila hamu, kunsa jawu jiyedi kwokwadinuŋililuwu.

⁵Nimuyawakutuŋa nawukalawenu, wadiŋi hewulu, wakudi kasa nachu, wadiŋiwakwihina dodimu, wakutuŋila mwomumu, wawuru, nawuzeeli, nawusombu, nawanda wuchinana nge, nawanda wawuwahi wakushinta; mwomwamulejeluwu Mosi kudi Yehova.

⁶Wakalakeli malola atushohama, akupata muwupatilu wawuru, akubaza mwomwabazila ŋawu ilola dachinjikijilu, mwomwahita majina awanyana kaIsarela.

⁷Wayishili hamahina akumafwiji akwifwodi, kulonda ekali malola akwanukila anyana kaIsarela; mwomwamulejeluwu Mosi kudi Yehova.

⁸Welili chibwiku chakuvwala hantulu, chadiŋi chakukalakala kudi mukwawukalawenu neyi chakalakeluwu ifwodi, chawuru, nawuzeeli, nawusombu, nawanda wuchinana nge, nawanda wawuwahi wakushinta.

⁹Chadiŋi nambaŋu jiwana; chibwiku chakuvwala hantulu elili chakuvuŋa, muwulehi wachu muchikasa chamuntu chakusamanesha, muwihi wachumuchi kasa chakusamanesha nawa, chakuvuŋa.

¹⁰Akwatishilumu nyikanayiwana yatumalola; kumukana wumu kwadiŋi nidasaridini, nidantopaza, nidakeji keji, diwu mukana wakusambila.

¹¹Kumukana wamuchiyedi kwadiŋi nidaemeraladi, nidakasafira, nidakayahalu;

¹²kumukana wamuchisatu kwadiŋi nidailishemi, nidaishebu, nidakachelama;

¹³kumukana wamuchiwana kwadiŋi nidakatarishi, nidakashohama, nidanjasiperi; ayipatili muwuru mwomwakuyipatila mwomwakuyikwatishila.

¹⁴Malola adiŋi mwomwekalila majina awanyana kaIsarela, ikumi nayedi, mwomwekalila majinawu; mwomwabazilaŋawu ilola dachinjikijilu, adiŋi anyichidi ikuminayiyedi, mwomwekala majinayu, iwu nejina dawu, iwu nejina dawu.

¹⁵Hachibwiku chakuvwala hantulu eliluhu maleŋi ayedi neyi nyonji, yakuyinda yakuyinda, yawuru wakoseka to-o.

¹⁶Elili yuma yawuru yiyedi yakupatila, nituzeya twawuru tuyedi, ashili tuzeya otu tuyedi hansa jiyedŋa chibwiku chakuvwala hantulu.

¹⁷Maleŋi akuyinda awuru ayedi ayishilili namutuzeya twawuru tuyedi kunsa jiyedi jachibwiku chakuvwala hantulu.

¹⁸Insa jikwawu jiyedi jamaleŋi ayedi akuyinda ajinuŋilili kuyuma yiyedi yakupatila, ayishili hamahina akumafwiji akwifwodi kumbidi yayu.

¹⁹Elilituzeya twawuru tuyedi, atushili kunsa jiyedi jachibwiku chakuvwala hantulu kumbavu jachu, kumbadi yefwodi yamukachi.

²⁰Elili tuzeya twawuru tuyedi, atunuŋilili kwishina damahina akumafwiji ayedi akwifwodi kumbidiyayu, kwakwihi nakwakudinupila, hewulu damuya wakwifwodi wakutupa nawukalawenu.

²¹Chibwiku chakuvwala hantulu achikasili nakukasila tuzeya twachu kutuzeya twakwifwodi namwonji wawuzeeli, kulonda chiikali hamuya wakwifwodi wakutupa nawukalawenu, kulonda chibwiku chakuvwala hantulu chakabuli kusubuka kwifwodi; mwomwamulejeluwu Mosikudi Yehova.

²²Welili kanji yefwodi yehina yakutuŋa yakutuŋa, yejima yawuzeeli hohu,

²³kanji ayilokweli hakachi neyi mwalokwelaŋawu chi kovwelu chakunjita chatuyikuŋu, yakuchima chima kwalokwelawu kwi-ndo kulonda yibuli kutabuka.

²⁴Kumukundulu wakanji anyeŋumwishiluku mabula, mudiawuzeeli, mudi awusombu, mudi awanda wuchinana nge, mudi awandawakushinta.

²⁵Elili nimpwambu jawuru wakoseka to-o, mpwamboju ayinyeŋumwishili hakachi kamabula kumukundulu wakanji kwi-ndo, hakachi kamabula;

²⁶elili mudi lupwambu mudi ibula, mudi lupwambu mudiibula, kumukundulu wakanji kwi-ndo, kulonda kukalakala nachu; mwomwa mulejelu wuMosi kudi Yehova.

²⁷Elili yi kovwelu yaAroni nawanyanindi amayala yawanda wawuwahiyakutupa yakutuŋa,

²⁸ninkuku yakutuŋa nawanda wawuwahi, nimabonye alubanji awanda wawuwahi, nituputula twawanda wawuwahi, twakutupanawanda wawuwahi wakushinta,

²⁹nimuya wawanda wawuwahi wakushinta, niwawuzeeli, niwawusombu, niwawanda wuchinana nge, mudimuwamu kwakuchima nakusowashana; mwomwamulejeluwu Mosi kudi Yehova.

³⁰Elili nicheŋa chachibaaba chajila chawuru wakoseka to-o, asonekeluhu nsona yidi neyi yabazaŋawu helola dachinjikijilu, nawu, WAJILA WAYEYOVA.

³¹Akasililuku kamwonji kawuzeeli kulonda kuwukasila hewulu dankuku; mwomwamulejeluwu Mosi kudi Yehova.

³²Dichi mudimu wejima watabanaka yetenti dakubulakena wamanini; anyana kaIsarela elili mwejima mwamulejeluwu Mosi kudi Yehova, dimumweliluwu.

³³Aleteli tabanaka kudi Mosi, niitenti niyuma yadu yejima, ninkobujadu, nimapalanga du, ninyikambu yadu, niyishimi yadu, nimayandayu;

³⁴nichifwiku chayitembi yayizamba yanyikoku yakuloomba wulombuwuchinana, nichifwiku chayitembi yamayobu, niihina dakujika hakachi;

³⁵nichimbaŋu chawunsahu, ninyikambu yachu, niitanda daluwi;

³⁶nimesa, niyuma yayu yejima, nimankendi akutentekaŋa kumesu aNzambi;

³⁷niinoŋu dakoseka to-o, nimanoŋu adu, wowu manoŋu akaloŋesha ŋawu, niyuma yadu yejima, nimanji enoŋu;

³⁸nikameŋa kawuru, nimanji akuwayisha nachu, niinsensi yevumba dadiwahi, niihina dakukudi kamuchisu chetenti;

³⁹mkameŋa kawuneŋu, nikanyungulu kaku kawuneŋu, ninyikambu yaku, niyuma yaku yejima, nimbashila yakuwelela, niishinadayu;

⁴⁰nimahina akukudi kaŋakuchipaŋu, niyishimi yachu, nimayandachu, niihina dakukudika leuchisu chakuchipaŋu, ninyonji yachu, nimpopu jachu, niyuma yejima yamudimu watabanaka, yetenti dakubulakena;

⁴¹niyumayakuvwala yakutuŋa chachiwahi yakukalakala nachu mwajila, niyumayakuvwala yajila yakapristu Aroni, niyuma yakuvwala yawanyanindi, yakukalakala nachu mudimu wawupristu.

⁴²Anyana kaIsarela ehli mudimu wejima mwejima mwamulejeluwu Mosi kudi Yehova.

⁴³Mosiwamweni mudimu wejima, komana anawili dehi; mwomwanalejiyi Yehova, mwomwenomu hohu dimu mwanawiluwu. Mosi wayi kiswilili nkisu.