Read MUKANDA WANZAMBI Exoda 4 Bible Online

Exoda 4 - MUKANDA WANZAMBI bible

Exoda 4

¹Mosi wa akwili nindi, Wena kwawu hiyakapitiyaku, hiyakatiya mwizu damuku, akela nawu, Yehova hanadi mwekeshi kudeyuku.

²Yehova wamwilili nindi, Chumanyi chidi muchikasa cheyi? Nindi, Mbwechi.

³Nindi, Yinati heseki. Wayinatili heseki, yabalumukili kapela, Mosihakukatemuka.

⁴Yehova hakumwila Mosi, nindi, Ololaku chikasa cheyiwukakwati kumukila. Yena wolweli chikasa chindi wakakwatili, kabalumukili cheŋi mbwechi muchikasa chindi.

⁵Yehova nindi, Kulonda aketiyinawu Yehova, Nzambi yawankakulula jawu, Nzambi yaAbarahama, Nzambi yaIsaka, Nzambi yaYakoba, nadi mwekeshi kudeyi.

⁶Yehova wamwilili cheŋi, nindi, Ipŋaku chikasa cheyi muntulu yeyi. Wemŋili chikasa chindi muntulu yindi. Chachiidishiliyi kutala chi kasachindi chinakwati dehi musopu wambumba, chineli dehi to-o neyi mpemba.

⁷Nindi, Ipŋaku cheŋi chikasa cheyi muntulu yeyi. Wemŋili cheŋi chi kasachindi muntulu yindi, chachiidishiliyi muntulu yindi kutala chinabalumuki dehi cheŋi neyi mujimba windi wunashaluku.

⁸Yehova nindi, Neyi akaleka kukwitiya hela kusha muchima kuchinjikijilu chakusambila nehi, aketiya chinjikijilu chakukuminina.

⁹Chakela neyi akaleka kwitiya hela yinjikijilu iyi yiyedi, neyi akabula kutiya nimwizu deyi, wakatambuli meŋamu kaŋa wakayimwaŋili heseki dawuma, owu meji wakatambula mukaŋa akabalumuka mashi heseki dawuma.

¹⁰Mosi wamwilili Yehova, nindi, Ala Mwanta wami! Ami nelukakuhosha wanyi! Kanda dehi niilukapahu dehi kuhoshaku, hela ichichiwunahoshi nanami kambuŋeyi hineluki kuhoshaku, ami kwami nalemendenda mukanwa, idimi dami dalema.

¹¹Yehova wamwilili nindi, Indi wamwinkeli muntu kanwa hinyi? Indi wamwinkeli muntu helawumama, hela kujika matu, hela kutona, hela wuputamesu, hinyi? Hiyami yehovaku, tahindi?

¹²Yaku dinu, ami nakekala nakanwa keyi, nakakuleja mwejima muwakahosha.

¹³Yena nindi, Ala Mwanta wami! Atemeshi mwani, yowu wunatemeshi yowu.

¹⁴Kuzuwa kwaYehova kwamubutukilili Mosi, hakumwila nindi, Aroni, kaLevi, himana kweyuku? Namwiluki yena weluka kuhosha chachiwahi. Ninochu yena hakwinza nakukukinkilila; chakukumonayi wukutiya kuwahamumuchima windi.

¹⁵Wakahoshaŋa nindi yena, wakashapa mazu mukanwakindi, ami nakekala nakanwa keyi, nakekala ninakanwa kindi, nakayilejaŋachi mwakela.

¹⁶Yena wakakuhoshelaŋaku kudi antu, chakela yena wakekala neyi diyi kanwa keyi, eyi neyi wakekala neyi Nzambi yindi.

¹⁷Wakasendi muchikasa cheyi mbwechi oyu, wakeli nachu yinjikijilu.

¹⁸Mosi wayili, wafuntili kudi muku windi Yetero, wamwilili nindi, Aŋitiji mwani, niyi nifunti kudi ana kwami ekala muEjipitu, nakatali neyi achidi amomi. Yetero wamwilili Mosi, nindi, Yaŋa chachiwahi.

¹⁹Yehova wamwilili Mosi mwadiŋi yi muMidiyani, nindi, Yaŋa wufunti muEjipitu, muloŋa amayala ejima akeŋeli kukujaha afwa dehi.

²⁰Mosi watambwili niŋodindi ni anyanindi, wayendesheleli hachimbulu, wafuntili mwituŋa daEjipitu. Mosi wasendeli mbwechi yaNzambi muchikasa chindi.

²¹Yehova wamwilili Mosi nindi, Chiwakafunta cheŋi muEjipitu, chipawakelapa kumesu aFwaro yuma yejima yakuhayamisha yinakushili muchi kasacheyi; ilaŋa ami nakamuchinchi kisha muchima windi, hakatŋia antu kuyaku.

²²Wakamwili Fwaro neyi, Tiya chanahoshiyi Yehova, nindi, Isarela himwanami weyala, diyi wedi wami.

²³Ninami nakwila dehi nami, Muleki mwanami ayi akankalakeli; hakwila eyi kwonti kweyi kumuleka; dichi dinu ami nakajaha mwaneyi weyala, yowu wedi weyi.

²⁴Munjila yawu hakaminuwu, Yehova wamubulakeni, wakeŋa eli kumujaha.

²⁵Zipora wanoneni ilola datwa wa alamishili mwanindi, wamuketwili muvumbu windi, wawunatilili kunyendu yindi, nindi, Ami nakumoniwiyala wamashi.

²⁶Nzambi amúumbaku ni kumuumbaku. Yenamumbanda hakwila nindi, Eyi wiyala wamashi, nakwalamisha kwalamishiliyi mwanindi.

²⁷Yehova wamwilili Aroni, nindi, Yaku mwisapa wakabulakani naMosi. Wayili, wamubulakeneni mumpidi yaNzambi, wamupwepujoleli.

²⁸Mosiwa mulejeli Aroni mazu ejima amulejeliyi Yehova hamutemesheliyi, niyinjikijilu ejima yamwinkeliyi.

²⁹AMosi naAroni ayili, apompesheli awakulumpi ejima ahadi anyana kaIsarela.

³⁰Aroni wahosheli mazu ejima ahosheliyi Yehova naMosi, welili yinjikijilu kumesu awantu.

³¹Antu etiyili. Chatiyiluwu nawu Yehova nahempuli dehi anyana kaIsarela, namoni dehi niyihuŋu yawu, hiyakubandama nyitu yawu hiyakudifukula.