Read MUKANDA WANZAMBI Exoda 5 Bible Online

Exoda 5 - MUKANDA WANZAMBI bible

Exoda 5

¹Kufuma henohu aMosi naAroni epilili mudi Fwaro, amwilili nawu, Tiya chanahoshiyi Yehova, Nzambi yaIsarela, nindi, Yileki antu ami ayi akadyi chawija chami mwisaŋa.

²Fwaro welili nindi, Yehova hinyi mwaka nitiyi mwizu dindi, ninzi niyumbuku aIsarela? Ami hinamwiluka Yehovaku, niaIsarela hinakayumbaku kwamuku.

³Nawu, Nzambi yawaHeberu tunadimoni nindi. Atuleki mwani, tuyi njila yakwenda mafuku asatu mwisapa, twakamuketwili Yehova Nzambi yetu yimuna, mukunkulwayiwakatuletela chipupu indi kwiji njita.

⁴Mwanta waEjipitu wayilili nindi, Enu aMosi naAroni, muloŋanyi munayifumishi antu kunyidimu yawu? Yenu mwakasendi yiteli yenu.

⁵Fwaro nindi, Komana, antu amwituŋa anavuli dehi, ninenu himukuyinookesha kuyiteli yawu.

⁶Ifuku dodenodu Fwaro walejeli tulala twawantu, nitupitawu twawu,

⁷nindi, Bayi muyinka cheŋi antu matahu akupika nachu matafwali neyichimwelaŋa dikaluku. Ayi akadikuŋwili awenawu matahu awu.

⁸Mwaka yesekelaŋa chi konkwanyi chamatafwali mwomwapi kilaŋawu chachikulu; bayi muchikeheshaku; komana akatala; dichi chakudililawu, nawu, Tulekenu tuyi twakamuketwili Nzambi yetu yimuna.

⁹Yivulishilenu amayala nyidimu yawu, kulonda akabakani nayu, kulonda abuli kutiyililamwaya mazu akutwamba.

¹⁰Tulala twawantu, nitupitawu twawu, edi kili hanzi, ahosheli nawantu, nawu, Tiyenu chanahoshiyi Fwaro, nindi, Hinukuyinka matahuku.

¹¹Nindi, Yenu enu aweni mwakakeŋakeŋi matahu enu kumunayiwani kwoku, ninyidimu yenu hiyakayi keheshaku.

¹²Nochu antu amwaŋeli mwahita ituŋa daEjipitu dejima nakukuŋula ntotu afwanishi neyi matahu.

¹³Atulala ayihindesheli, nawu, Manishenu nyidimu yenu mwomwese kayi konkwanyi yenu, neyi chimwelilaŋa himwadiŋi namatahu.

¹⁴Ayeteli tuŋitawu twawanyana kaIsarela twashililuwu tulala twaFwaro kuyitala, ayihwili nawu, Indi yikonkwanyi yenu yakupika matafwali, nichahaloshi, nichalelu, munayi kaŋenyidi kuyimanisha neyi chimwelilaŋa hakusambila?

¹⁵Tupitawu twawanyana kaIsarela ayili nakudila kudi Fwaro, nawu, Muloŋanyi wunatwili chenichi etu ambuŋeyi?

¹⁶Etu ambuŋeyi hiyanatwinki matahuku, hiyakutwila nawu, Pikenu matafwali, ninetu ambuŋeyi anatweti; ilaŋa antu eyi diwu anatamishi, bayi etuku.

¹⁷Yena welilinindi, Enu mwakatala, mwakatala, dichi chimwelaŋa nenu, Tuleki tuyitwakamuketwili Yehova yimuna.

¹⁸Yenu kwenu mwakakalakali; matahuhi yakayinkawuku, nichikonkwanyi chamatafwali chiŋa muchimanisha hohu.

¹⁹Cheliluwu nawu, Bayi mukeheshaŋa matafwali enuku, chiŋa ifuku nichikonkwanyi chadu, ifuku nichikonkwanyi chadu, atupitawu twawanyana kaIsarela amweni hichinatami dehi.

²⁰Chafuminuwu mwaFwaro ayibulakeni aMosi naAroni, anemani munjila,

²¹ayilili nawu, Yehova ayitali, asompeshi, muloŋa munatununkishi dehi chatama nikudi Fwaro nikudiambuŋindi, munayishili mumakasawu mpoku yakabali yakutujaha nachu.

²²Mosi wafuntili cheŋi kudi Yehova, welili nindi, Eyi Mwanta, awa antuwunayi koŋelidi chatama? Wantemesheladi?

²³Saŋa nenjila kudi Fwarona kuhosha mwijina deyi, yena kwakuyikoŋa awa antu chatama hohu; helakuyipulwisha antu eyi hiwunayipulwishi nihantuku.