Read MUKANDA WANZAMBI Exoda 6 Bible Online

Exoda 6 - MUKANDA WANZAMBI bible

Exoda 6

¹Yehova wamwilili Mosi nindi, Ichi dinu wukumona chinukumwila Fwaro; wakayumbaku nachikasa chaŋovu hohu, wakayite muna chakuyitemuna mwituŋa dindi nachikasa chaŋovu hohu.

²Nzambi wahosheli naMosi, wamwilili nindi, Ami yami Yehova.

³Chinadimwekesheli nikudi Abarahama, nikudi Isaka, nikudi Yakoba, nadimwekesheli nejina dami daNzambi Chinaweji, ilaŋa hinadimwekesheli nejina dami daYehovaku.

⁴Natiyaŋani nawu chitiyaŋenu chami, naminakayinka ituŋa daKenani, dodituŋa dazonkamenuwu, mwomu mwashakaminuwu chawenyi.

⁵Natiyi nichakwabawu anyana kaIsarela anakakejuwu aEjipitu muwuduŋu. Ami na anuki chitiyaŋenu chami.

⁶Dichi wukuhoshanawanyana kaIsarela, neyi, Yehova nindi, Ami yami Yehova, kuyiteliya waEjipitu nakayifumishaku, nakayamwina kuwuduŋu wawu, nakayi kúulana chikasa chakwolola, nakusompesha kwakweni kweneni hohu;

⁷nakayitambula mwakekala antu ami, ninami nakekala Nzambi yenu; mwakelukanenu, ami yami Yehova Nzambi yenu wayifumishili mukusenda yiteliya waEjipitu.

⁸Nakayitwala mwituŋa dinasanyikilili Abarahama, naIsaka, naYakoba nami nakayinkadu, nakayinkadu denu, dakekala wuswana wenu; ami yami Yehova.

⁹Mosi wayilejeli anyana kaIsarela mwenomu, ilaŋa wena kwawu kumutiyilila Mosi nehi, muloŋa munyichima yawu hijinakumi dehi, nawuduŋu wawu wawukatu.

¹⁰Yehova wamwilili Mosi,

¹¹nindi, Iŋilaku wuhoshi namwanta waEjipitu Fwaro, neyi, Yileki anyana kaIsarela akafumi mwituŋa deyi.

¹²Mosiwahosheli kumesu aYehova, nindi, Yowe! anyana kaIsarela wowu ákubula kuntiyilila, indi Fwaro wakantiya mwakanyi, ami ni kweti kanwa kawudima!

¹³Yehova wahosheli naMosi naAroni, wayinkeli mudimu wakuhoshanawanyana kaIsarela, niwakuhosha namwanta waEjipitu, Fwaro, wakuyifumisha anyana kaIsarela mwituŋa daEjipitu.

¹⁴Tiyenu atulamba akumavumu awu; anyana kaRubeni amayala, wedi waIsarela, iwu Hanoki, iwu Palu, iwu Hezeroni, iwu Karami, diyi yisaka yaRubeni.

¹⁵Anyana kaSimeyona amayala, iwu Yemuweli, iwu Yamini, iwu Ohadi, iwu Yakini, iwu Zohari, iwu Shawulu mwana kamumbanda wamuKenani, diyi yisaka yaSimeyona.

¹⁶Tiyenu majina awanyana kaLevi amayala mwomwavwalikililuwu, iwu Gereshoni, iwu Kohati, iwu Merari. Nyaka yahandiliyi Levi yashi kili munyaka nkulakaji namakumi asatu nanyaka yitanu nayiyedi.

¹⁷Anyana kaGereshoni amayala, iwu Libini, iwu Shimeyi, mwomwekala yisaka yawu.

¹⁸Anyana kaKohati amayala, iwu Amarama, iwu Izihari, iwu Heberoni, iwu Uziyeli. Nyaka yahandiliyi Kohati yashi kili munyaka nkulakaji namakumi asatu nayisatu.

¹⁹Anyana kaMerari amayala, iwu Mahili, iwu Mushi. Diyi yisaka yawaLevi mwavwali kililuwu.

²⁰Amarama wasumbwili Yokebedi muhelatata yindi, wamuvweleli niAroni niMosi. Nyaka yahandiliyi Amarama yashi kili munyaka nkulakajinamakumi asatu nanyaka yitanu nayiyedi.

²¹Anyana kaIzihari amayala, iwu Kora, iwu Nefweŋi, iwu Zikiri.

²²Anyana kaUziyeli amayala, iwu Mishayeli, iwu Elizafwana, iwu Sitiru.

²³Aroni wasumbwili Elisheba, mwana kaAminadabi, muhela Nahashoni; yena wamuvweleli iwu Nadabi, iwu Abihu, iwu Eleyazari, iwu Itamari.

²⁴Anyana kaKora amayala, iwu Asiru, iwu Elekana, iwu Abiyasafwi; diyiyisaka yawaKora.

²⁵Mwana kaAroni Eleyazari hadi anyana kaPutiyeli awambanda wasumbwiluhu wumu; yena wamuvweleli Fwinehasi. Awadiwu atulamba ahadi aLevi mwomwekala yisaka yawu.

²⁶Diwu wowu Aroni naMosi alejeliyi Yehova, nindi, Yifumishenu anyana kaIsarela mwituŋa daEjipitu, hayendu yawu, hayendu yawu.

²⁷Diwuahosheli naFwaro, mwanta wakuEjipitu, kulonda ayifumishi anyana kaIsarela muEjipitu; diwu wowu aMosi naAroni.

²⁸Chelili hefuku dahosheli Yehova naMosi mwituŋa daEjipitu,

²⁹Yehova wahosheli naMosi, nindi, Ami yami Yehova; mwejima munakahosha neyidimu wakahosha naFwaro mwanta wakuEjipitu.

³⁰Mosi wahosheli kumesu aYehova, nindi, Yowe! Ami ni kweti kanwa kawudima! Fwaro wakantiya mwakanyi!