Read MUKANDA WANZAMBI Exoda 7 Bible Online

Exoda 7 - MUKANDA WANZAMBI bible

Exoda 7

¹Yehova wamwilili Mosi, nindi, Tala, nakubalumuni wikali nzambi kudi Fwaro, nimana kweyi Aroni wakekala kaprofwetu keyi.

²Wakahoshi mwejima munakakuleja; nimana kweyi Aroni akahoshi naFwaro, akamwili nindi, Yileki anyana kaIsarela afumi mwituŋa deyi.

³Ami nakachinchi kishamuchima waFwaro, nakavulisha yinjikijilu yami nayihayamishayami mwituŋa daEjipitu.

⁴Fwaro kwindi hakatŋiaku, ninami nakakwatachikasa chami hetuŋa daEjipitu, nakedishamu yendu yawantu ami, anyana kaIsarela, nakayiidisha mwituŋa daEjipitu nakusompesha kwakweni kwabadika.

⁵Chinakolola chikasa chami hetuŋa daEjipitu nakwidishamu anyana kaIsarela mukachi kawu, aEjipitu akeluka nawu ami yami Yehova.

⁶Mosi naAroni elili mwenomu. Mwomwayilejeliyi Yehova dimu mweliluwu.

⁷Nyaka yaMosi yashi kili mumakumi atanu nasatu, nyaka yaAroniyashi kili mumakumi atanu nasatu nayisatu, hahosheluwu naFwaro.

⁸Yehova wahosheli naMosi naAroni,

⁹nindi, Chakayi hoshayi Fwaro, nindi, Nlejenu chihayamisha chenu, eyi wakamwili Aroni, neyi, Nonakumbwechi yeyi, wuyinati hamaseki kumesu aFwaro kulonda yibalumuki kapela.

¹⁰Mosi naAroni epilili mwadiŋiyi Fwaro, elili mwomuna mwayilejeliyi Yehova; Aroni wanatili mbwechi yindi hamaseki kumesu aFwaro, ni kumesu awambuŋindi, yabalumukili kapela.

¹¹Fwaro niyena watambikili niakwamaana niakwakupanda, wowu atutepa amuEjipitu, niwena nawa nelili mwomumu nawana wawu.

¹²Wejima wawu anatili mbwechi jawuhamaseki, jabalumukili tupela. Ilaŋa mbwechi yaAroni yaminyini mbwechi jawu.

¹³Muchima waFwaro wadi kapili, haytŋiluku, mwomwahosheliyi.

¹⁴Yehova wamwilili Mosi, nindi, Muchima waFwaro wunadikaŋili mbe, kwonti kwindi kuyileka antu.

¹⁵Wakayi kudi Fwaro habudidi, wakamuwanawudi nakuya kukaloŋa, wakemani kuchi kumu chakaloŋa kulonda wubulakani nindi, wakakwati muchikasa cheyi mbwechi yabalumukili kapela.

¹⁶Wakamwili neyi, Yehova, Nzambi yawaHeberu, nantemeshikudeyi, nindi, Yileki antu ami ayi akankalakeli mwisaŋa; hakwila eyinihanu kwitŋia kanda.

¹⁷Tiya chanahoshiyi Yehova, nindi, Tiya chuma chiwakeluka nachu neyi ami yami Yehova, ami nukweta meji adi mukaloŋa nambwechi yidi kuchikasa chami, akubalumuka mashi.

¹⁸Anshi adimu kaloŋa akufwa, ni kaloŋa kakununka chatama, ni aEjipitu akutiya kutamanankashi kunwa meji amukaloŋa.

¹⁹Yehova wamwilili Mosi, nindi, Mwili Aroni neyi, Sendaku mbwechi yeyi, wololi chikasa cheyi hameji muEjipitu, nihatuloŋa twawu twamaneni, nihatuloŋa twawu twanyanya, nihamajiya awu, nihayibweti yawu, kulonda abalumuki mashi; mwejima mwahita ituŋa daEjipitu mukwi kala mashi hohu, nimuyuma yanyitondu, nimuyuma yamalola.

²⁰Mosi naAroni elili mwayilejeliyi Yehova; yena wanoneni mbwechi, weteli meji adiŋi mukaloŋa kumesu aFwaro, ni kumesu awambuŋindi; mejiejima adiŋi mukaloŋa abalumukili mashi.

²¹Anshi adiŋi mukaloŋa afwili, kaloŋa kanunkili chatama, aEjipitu hiyatwesheli kunwa meji amukaloŋaku; mwejima mwahitili ituŋa daEjipitu mwadiŋi kwamashi hohu.

²²Atutepa amuEjipitu niwena elili chochimu nawapa wawu; muchima waFwaro wachinchikili, haytŋiluku, mwahosheliyi Yehova.

²³Fwaro wabalumukili, wepilili mwitala dindi, hela chumochu hachishili kwindi kumuchimaku.

²⁴AEjipitu ejima atapwili kwakwihi nakaloŋa kulonda akamoni meji akunwa, muloŋa meji amukaloŋa hiyatwesheli kuyinwaku.

²⁵Mwahitili mafuku atanu nayedi nanochu heteliyi Yehova kaloŋa.