Read MUKANDA WANZAMBI Exoda 9 Bible Online

Exoda 9 - MUKANDA WANZAMBI bible

Exoda 9

¹Yehova wamwilili Mosi, nindi, Iŋilaku mudi Fwaro, wumwili neyi, Tiya chanahoshiyi Yehova, Nzambi yawaHeberu, nindi, Yileki antu ami ayi akankalakeli.

²Neyi kwonti kweyi kuyileka, neyi saŋa wayikakelahohu,

³wakamona chikasa chaYehova chakakwata hayimuna yeyi yidimumpata; nihatuwalu, nihayimbulu, nianŋameli, nihaŋombi, nihayimunayanyanya; kwakela musoŋu watama nankashi.

⁴Hayimuna yawaIsarelana yimuna yawaEjipitu Yehova waka ambula hakachi, hayimuna yejima yawanyana kaIsarela hihakafwa hoku niwumuku.

⁵Yehova nakani dehi nihakachi koŋelayi, nindi, Kumadiki Yehova wakakoŋa chumichi munumwituŋa.

⁶Dichi chikwachili Yehova welili chumochu, yimuna yejima yamuEjipitu yafwili; ilaŋa hayimuna yawanyana kaIsarela hihafwili hoku niwumuku.

⁷Fwaro watemesheluku nakwihula, komana chalala, hayimunaya waIsarela hihafwili hoku chimunaku, niwumuhu ntahi. Ilaŋa muchima waFwaro saŋa wadi kaŋila mbe, hayilekeli antuku.

⁸Yehova wayilili aMosi naAroni, nindi, Zomonenu wuti wamulutenina makasenu, Mosi awufukumuni mwiwulu Fwaro chochamutalayi.

⁹Wukwi kala lunkupu lwapepela nankashi mwejima mwahita ituŋa daEjipitu, wukubalumuka mahuti akubujika, niyilonda hamu, nihadi antunihadi anyama, mwejima mwahita ituŋa daEjipitu.

¹⁰Azomweni wutiwa muluteŋi, ayili nakwimana kumesu aFwaro. Mosi wawufukumwini mwiwulu, wabalumukili himahuti akubujika, niyilonda hamu nihadi antunihadi anyama.

¹¹Niatutepa akaŋenyi kwimana kumesu aMosi muloŋawa mahuti; muŋa niatutepa adiŋi namahuti, ni aEjipitu ejima adiŋi nawu.

¹²Yehova wachinchikishili muchima waFwaro, haytŋiluku, mwomwahosheliyi Yehova naMosi.

¹³Yehova wamwilili Mosi, nindi, Wakamenekeshapa budidi, wakayinakwimana kumesu aFwaro, wakamwili neyi, Tiya chanahoshiyi Yehova, Nzambi yawaHeberu, nindi, Yileki antu ami, ayi akankalakeli.

¹⁴Ichi dinunukutemesha hamuchima weyi, nihadi ambuŋeyi, nihadi antu eyi, yipupuyami yejima, kulonda wiluki neyi hanu hamaseki hejima hikudi wakwesekananamuku.

¹⁵Nukwolola kwami chikasa chami dinu kulonda ni kubabeshinineyi niantu eyi ejima nanyisoŋu; akakufumisha hanu hamaseki.

¹⁶Chalala dichi chinakulemesheli kulonda nikumwekesheli Ŋovu yami, kulonda ijina dami dakatiyakani mwejima mwahita maseki.

¹⁷Nihanu wudi kaŋaŋatuhu nawantu ami chakadi kuyumbaku, tahindi?

¹⁸Tiya, itaŋwa dakuma di kichidakashika itaŋwa hohenohu hidinashiki, nakanokesha nvula yamalola yeneni nankashi, antu kanda dehi amonaŋahu nvula yidi chochochumunu muEjipitu, kufumisha hamwaka wakusambila nakushika kwitaŋwadaleluku.

¹⁹Dichi dinu temeshaku wiŋiji swayi swayi yimuna yeyi, niyuma yeyi yejima yidi mumpata, muloŋa niantu ejima, nianyama ejima aka shintakeshawu mumpata, akabula kuletawu hamukala, nvula yamalola yakayinoka, akafwa.

²⁰Ahadi ambuŋa Fwaro atiyili woma wezu daYehova atemwishili ni aŋamba jawu niyimuna yawu nakuyiŋa mumatala;

²¹abulili kwakama izu daYehova ashiyili ni aŋamba jawu niyimuna yawu mumpata.

²²Yehova wamwilili Mosi, nindi, Ololaku chikasa cheyi kwiwulu kulondanvula yamalola yinoki mwituŋa dejima daEjipitu, yinoki niantu ni anyamani nyitondu yayisakola yakudima yejima yekala mumaha, mwejima mwahita ituŋa daEjipitu.

²³Mosi wolweli chikasa chindi kwiwulu nimbwechiyindi; Yehova watemesheli nikudidima ninvula yamalola, ni kesi kahitililufuchi nakuholokela hamaseki; Yehova wanokesheli hetuŋa daEjipitu nvula yamalola.

²⁴Kwadiŋi nimalola, ni kesi kadibomba namalola, kakala nankashi, kanda dehi achimonaŋahu dehi mwituŋa daEjipitu dejima kufumisha hatachi kiluwu aEjipitu kutuŋa nyikalaku.

²⁵Mwejima mwahitili ituŋa daEjipitu nvula yamalola yahumpwili yejima yadiŋi mumaha, niantuni anyama; nvula yamalola yahumpwili ninyitondu yayisakola yakudi mayamumaha, yakotweli ninyitondu yamaneni yejima yamumaha namumasaŋa.

²⁶Chiŋa mwituŋa daGosheni hohu, mwashakaminuwu anyana kaIsarela, mwomwabulili nvula yamalola.

²⁷Fwaro watemesheli nakutambika aMosi naAroni, wayilili nindi, Ichinavulumuni dehi; Yehova diyi waloŋa, ninami niantu ami twatama.

²⁸Mulembelelenu Yehova; iku kudidima kweneni ninvula yamalola yinawani dehi, nukuyileka kwami, himwakashakama nawa cheŋuku.

²⁹Mosiwa mwilili nindi, Chinukufuma hamukala nukumwolwela Yehova makasami, nikudidima kwakamwena, hikwakela nawa cheŋi ninvula yamalolaku, kulonda wakeluki neyi maseki ambala aYehova.

³⁰Hakwinza nineyini ambuŋeyi nayiiluki nami himwaka mutiya Yehova Nzambi womaku, kanda.

³¹Nifwalakisi nibali yachikekeli, bali yadiŋi yasoŋa dehi, fwalakisi yadiŋiyakenuka dehi.

³²Hakwinza tidiku namakundi hiyachikekeluku, muloŋa yachidiŋi kanda yikuli.

³³Mosi washiyili Fwaro, wafumini hamukala, wamwolweleli Yehova makasindi, nikudidima kwamweneni, ninvula yamalola yaketukili, ninvula yayeni hiyachabu mukili cheŋi hamasekuku.

³⁴Fwaro chamweniyi nvula yinaketuki dehi, nimalola nikudidima kunakumi dehi, wavulumwini cheŋi, wadikaŋili mumuchima windi, niyena ni ambuŋindi.

³⁵Muchima waFwarowa wachinchikili, hayitijili anyana kaIsarela kuyaku, mwomwahosheliyi Yehova naMosi.