Read MUKANDA WANZAMBI Jobo 12 Bible Online

Jobo 12 - MUKANDA WANZAMBI bible

Jobo 12

¹Yoba hakwakula nindi:

²Mwalala, antu yenu hohu kwenu, chimwakafwenu nimaanaakafwila kumu.

³Ninami ni kweti tuhu maana neyi enu, hinakumina mwokuku. Ochu yuma yidi neyi iyi wabula kuyiluka hinyi?

⁴Nimuntu kwami asehaŋawu kudi akwetu, nimuntu watambikili Nzambi, Nzambi hakumwitiya. Muntu waloŋa walala, divi asehaŋawu.

⁵Muntu washakama chachiwahi zo-o, diyi wadiwulaŋa mwahalwilaŋa mukwawu; kuhalwa anakuloŋesheli dehi akukeŋa kuselumuka kumwendu.

⁶Kumatenti awakwakubuwa kwafuka, niamuvulokaŋa Nzambi adiwunjika kwawu zo-o, Nzambi waletaŋa yayivulu muchikasa chawu.

⁷Ihulaku ntahi anyama akuleji; nitujila twahaluzwizu akushimwini.

⁸Hela maseki, hoshaku nawu akuleji; hela inshi jamumeji akushimwini.

⁹Muntwinyi wukubula kwilukila kuyuma yejimiyi, nindi, Chikasa chaNzambi dichi chinakoŋi mwenimu?

¹⁰Muchikasa chindi mwomwekala wumi wayuma yahandaŋaa yejima, nimuuya wawantu ejima mwekalilawu.

¹¹Itu hidesekaŋa mazu neyi chatompaŋa kanwa mbŋuku, tahindi?

¹²Maana ekala kudi atushinakaji, kumafuku kuvula kwokudi kashinshi.

¹³Kudi Nzambi kudi maana niŋovu, kwokwekala mpùŋa nikashinshi.

¹⁴Talenu, chakuhumunayi yena, wacheŋi kutwesha kuchituŋaulula cheŋi nehi; chakumwenzelavi muntu, kwosi wakatwesha kumwenzululaku.

¹⁵Talenu, yena welaŋa chakulekeshayi meji, hiyakuuma nichau; cheŋi nawa chakuyitemeshayi hiyakukuvumika iseki.

¹⁶Kudi yena diku kudi niŋovu, nima ana alala; niwadimbewaŋa niwadimbanaŋa ejima indi hohu.

¹⁷Watwalaŋa aŋaji abuwewa dehi, wabalumunaŋa ansompeshi hiyakwikala ayisupi.

¹⁸Wasubulaŋa nyonji yawanyanta, wayivwikaŋa nyiya mumayawu.

¹⁹Watwalaŋa ayilolu abuwewa dehi, wadimbwishaŋa kwaŋovu.

²⁰Wafumishaŋa mazu awakwakashinshi. Wayitambulaŋa awakulumpi kashinshi.

²¹Wasawishaŋa nankashi atulamba. Wasubulaŋa nyiya yawakwaŋovu.

²²Wedishaŋa mumwidima yuma yakunama. Wulelu wakufwa wawuletaŋa kukucha.

²³Wavulishaŋa nyuza yawantu, wayijilumunaŋa nawa. Watanjikaŋa nyuza mwahita matuŋa, wayifuntishaŋa cheŋi nawa.

²⁴Wafumishaŋa nyichima yawantu ahamaseki alema, hakuyikimbisha mwisaŋa mwakadi njila.

²⁵Hiyakupuputa mumwidima chakadi chimunyi, hakuyipedaŋesha neyi muntu nasheti walwa.