Read MUKANDA WANZAMBI Jobo 19 Bible Online

Jobo 19 - MUKANDA WANZAMBI bible

Jobo 19

¹Yoba hakwakula nindi:

²Saŋa mwankabishila ho-o, mwakaleka mwakanyi? Munchikachikaŋa tuhu namazu?

³Munanhoshi dehi chatama mapampa ikumi; himunatiyi nsonyi yakuŋila chatamaku.

⁴Hela neyi chalala naluwi, kuluwa kwami hinsaŋu yamami aweni.

⁵Neyi chalala munakeŋi kuditohesha nanami, munsompeshi nanichi chinasawuki,

⁶ilukenu kwenu nenu Nzambi diyi nandimbwishi hamaseki, diyi nannyeŋumwishi wanda windi kwi-ndo.

⁷Neyi nukukaloka nami, Anankwate! Kuntiya nehi. Hela neyi nukukaloka nami, Nkwashenukwo! Kwosi wukunsompelaku.

⁸Nakoleki ikoli munjila yami kulonda nikaŋanyi mwakuhitila, munendaŋa nashumu mwidima.

⁹Nanvúuli kulema kwami, nanfumishi chibaŋula kunamutu wami.

¹⁰Nankotoli dehi niniku niniku, nayi dehi kwami; chikuhwelela chami nachibwiti dehi kwindi neyi mutondu.

¹¹Nambutwili ndombu yindi neyi kesi, nanfuukuli dehi neyi nimukwankunyi nindi.

¹²Yenduyindi yanjita hiyikuhwila hamu nakudima mukwakwa wamuhaŋa wakwinza nakulwa nanami, hiyakuteeka kwitenti dami kwi-ndo.

¹³Ana kwami nayishi dehi kwakulehi nanami, antu nadiluka nawu anekali dehi enyi chikupu.

¹⁴Awusoku wami anakaŋanyi, amabwambu jami nadikunda nawu ananvulameni.

¹⁵Ashakama mwitala dami, hela aŋamba jami awambanda anfuukula dehi neyi ni mwenyi; ananmoni dehi neyi nimuntu wakumuza wacheŋi.

¹⁶Chinukutambika ŋamba yami kwitiya kwindi nehi; hela tuhu neyi nukumulembelela nakanwa kami, hohamu.

¹⁷Múuya wami kudi iŋodami wela dehi watama hohu, nikulembelela kwami kwela dehi kwatama kudi anyana avwalika mwivumu damama.

¹⁸Hela anyana anyanya andiwulaŋa; chinukunyamuka hiyakuntuŋula.

¹⁹Amabwambu jami ejima nasweja kudi njilila nawu hiyakuntiya kumuchima kuzemba; awa nakeŋeli ananfutaleli dehi.

²⁰Mafwahami anominini kwikowa dami nikunyisunyi yami, napulukili kwikowa dakumaji ami.

²¹Antiyili luwi, antiyili luwi, enu amabwambu jami; muloŋa chikasa chaNzambi chinankunki.

²²Mukunkabishiladi neyi Nzambi? Mubuli kutiya kuwaha nakuntena chatama?

²³Mazu ami neyi adiŋi akusoneka! Neyi adiŋi akusoneka dehi mumu kanda!

²⁴Neyi adiŋi akubaza chakubaza helola haya nyaka nansonekesuyachikuŋu nansumbu!

²⁵Ilaŋa mi neluki nami Nkúuli yami himumi, nami, kunyaka yakukuminina wakemana hanu hamaseki;

²⁶nami, neyiikowa dami dakisika dehi, hela chakadi mujimba wami nakamumona Nzambi;

²⁷nakadimwenayi ami aweni, nakamumona namesu amami aweni, bayi awachenuku. Muchima wami wanoŋa dehi mwivumu.

²⁸Neyi mukwilanenu, O chitwakamukabisha! Kutoŋa muji wansaŋu wunamwekanimudami;

²⁹tiyenu woma wampoku yakabali; muloŋa ndombu yaletaŋa kubabesha kwampoku yakabali; kulonda mwiluki nenu, Kusompesha kudikwoku.