Read MUKANDA WANZAMBI Jobo 28 Bible Online

Jobo 28 - MUKANDA WANZAMBI bible

Jobo 28

¹Chalala mungochi wakupunda siliva wekala kwoku, kwekala nikwakutookeshela wuru.

²Chikuŋu achifumishaŋa mumaseki, wuneŋu aweŋululaŋa kumalola.

³Muntu wakumishaŋa mwidima, wakeŋa akeŋaŋa malola amumwidima washishita, nimuwulelu wakufwa kwakweni kunsa kwakumina ŋinza.

⁴Walokolaŋa mungochi kwakulehi nakwashakama antu; antu ahitiluku avulamenaku dehi; ayikudeka kwakulehi nawantu, yayekelaŋa niniku niniku.

⁵Hakwila iseki dafumaŋa yakudya, anadikuvumiki mwishina dadu neyi nakesi.

⁶Kumalola adu kwokwekala tusafira, dikweti niwuŋa wawuru.

⁷Njila yenoyu kwosi kajila wakwataŋa akwawu wayilukaku, hela chikoji kukewukilaku disu nehi.

⁸Anyama ananukaŋa kuyidata nehi, hela mutupa wazuwa kuhitaku nehi.

⁹Muntu wololaŋa chikasa chindi nakukwata helola dabalulaŋaawu mukalula; wakuvumikaŋa mapidi ninyiji yayu kumu.

¹⁰Wabalulaŋa tupila mumalola; disu dindi damonaŋa yuma yayiwahi yejima.

¹¹Wakasaŋa tuloŋa kulonda tubuli kuvwa, chuma chadiŋi chakujinda hakuchiidisha kumwaana.

¹²Ilaŋa maana akuyiwana kudihi? Nikwekala kashinshi kudihi?

¹³Antu hiyeluka muwuseya wawuku, hiyayiwanaŋa mwituŋa dawantu amomuku.

¹⁴Inyiŋi nindi, Hiyekala mudamuku, kaluŋalwiji nindi, Hiyekala mudamuku.

¹⁵Hiyayilandaŋa nawuruku, hiyapezeleshaŋa siliva yamuwuseya wawuku.

¹⁶Wuru wakuOfwiri hiweseka nawuku, hela tuhu kashohama kalema, hela kasafira.

¹⁷Wuru nayibanjilu hiyashikila mwokuku; maana hiyayihimpaŋa hela nayuma yawuru wakosekaku.

¹⁸Korali nakristali kuyitena nehi; mwalala wuseya wamaana wabadika wamarubi.

¹⁹Ntopaza wamuEtiyopiya kushikilamu nehi, hela wuru wakoseka kweseka nawu nehi.

²⁰Indi maana afumaŋa kudihi? Nikwekala kashinshi kudihi?

²¹Maana ayisweka kumesu ayuma yayumi yejima ayijindawu atujila twahaluzwizu.

²²NiKujilumuka ni kufwa nawu, Tunatiyi mpuhu yawu namatu etu.

²³Nzambi diyi washinshika njila yawu, diyi weluka kwekalawu.

²⁴Muloŋa diyi watalaŋa nikunsa jeseki, diyi wamonaŋa mwishina dewulu dejima;

²⁵kulonda atuŋi pezu yakupezelesha nachu mpepela; mwalala diyi wesekaŋa meji nachesekelu.

²⁶Henkeliyi nvula lushimbi, halejeliyi kukenashana kwakudidima njila,

²⁷dihu hamweniyi maana, hakushimunamu, hakukoleshamu, mwalala, hakukeŋakeŋa nimwayawu.

²⁸Haku mwila muntu nindi, Tiya, kumutiya Mwanta woma wowu maana, kwambuka kuyatama koku kashinshi.