Read MUKANDA WANZAMBI Jobo 4 Bible Online

Jobo 4 - MUKANDA WANZAMBI bible

Jobo 4

¹Elifwazi wakuTemani hakwakula nindi:

²Neyi muntu wukweseka kuhosha naneyi wukuhila, tahindi? Helachochu, hinyi wukutwesha kudilekesha kuhosha?

³Tala ntahi, yeyi wunaleji antu amavulu, yeyi nawa wunakoleshi makasa awakwenu azeya.

⁴Mazueyi ananiwimiki wakeŋa a kudimbuka, wunakoleshi manuŋu awakwenu abula Ŋovu.

⁵Ichi dinu chiwunamonumu eyi aweni hijinakukaŋi dehi; chichinakuwani dehi hiwukuzaaza.

⁶Indi kwakama kuwa mwakamaŋa Nzambi kwokudihi? Kudi wunjikilamu kweyi nehi? Indi kwenda kwakuwahi kuwendelaŋa kwokudihi? Kukuhwelelamu kweyi nehi?

⁷Toŋojokaku mwani. Hinyi wanoŋahu dehi chakadi muloŋa? Akwakashinshi ayifumishahu dehi mpatanyi?

⁸Ami nachimonahu dehi, adimaŋakuluwa, atumbaŋa kutama, diyi yadyaŋawu.

⁹Ajilu mukaŋa namuuya waNzambi, neyi nazuwi dehi chakupeŋayi hiyakunoŋa.

¹⁰Mwabulumaŋa mutupa, nimwahoshaŋa mutupa wazuwa, munakumi. Nimaji anyenzi yanyitupa anakotoki.

¹¹Mutuŋa wakula dehi wanoŋelaŋa kubula mbiji, nitwana kaŋodindi mwa-mwa.

¹²Anlejeli chuma kumbadi, natiyili mwitu shawu-shawu.

¹³Muyitonojoka yayimwenu yawufuku, haholokaŋawu antu namutulu twatweni,

¹⁴woma hiwukunkwata, hinukuzaala, nimafwahami ejima luku-luku.

¹⁵Chinzwiya hichikuhita kumesu ami lewa-lewa, ninsuki kunamutu kwi-kwi-kwi.

¹⁶Chiimana nizulumba, ami kutwesha kuchishinshika muchaya nehi; nimona nichuma; kumwena nizo-o, nitiya niizu

¹⁷nindi, Muntu wafwaŋa abadiki Nzambi kuloŋa? Muntu abadiki Nleŋi yindi kulumbuluka?

¹⁸Chikaŋa ambuŋindi hayikuhwelelaŋa kwinduku, chikaŋa aŋelu jindi wowu asupishaŋayi,

¹⁹winzi wumoni ashakama mumatala amaseki, afuma mulunkuŋu, achikekaŋa neyi kabubu?

²⁰Elaŋa budidi adi kwoku, namelela anachikeki dehi puchi-puchi, ajilu mukaŋa chakadi niniwu wukutalaku.

²¹Mwonji wetenti dawu hiwunajúuliki mukachi kawuku? Afwaŋa chakadi nima ana.