Read MUKANDA WANZAMBI Jobo 41 Bible Online

Jobo 41 - MUKANDA WANZAMBI bible

Jobo 41

¹Leviyatani f wukutwesha kumulowa nanzambu? Hela kukanyika idimi dindi namwonji?

²Hela kumusha mwonji hamazulu indi? Hela kulokola chibaŋa chindi nelowa?

³Yena akulembeleli lembelele-e, tahindi? Yena ahoshi naneyi mazu amwovu, tahindi?

⁴Atiyaŋani naneyi jakumukwata wuŋamba wahaya nyaka, tahindi?

⁵Wuhemi nindi neyi chakuhema nakajila, tahindi? Wumukasi ekali wawayaŋadima yeyi tahindi?

⁶Akwakuta anshi amulandujoli, tahindi? Ayanjaŋeniyi akwakulandulula, tahindi?

⁷Wunatweshi kumwasola mayoŋa, akwila chitembi chindi chejima kwamayoŋa akweti nyana hohu, tahindi? Hela namutu windi kwanyumba hohu, tahindi?

⁸Mukwati ntahi chikasa cheyi; neyi watoŋa janjita, bayi wilamu cheŋuku.

⁹Wukumukuhwelela tuhu chamukunkulwayi; muntu kumumona hakutiya mumafwaha zoŋuku?

¹⁰Kwosi muntu wukweti wulobu wakumusaŋumuna yenaku, neyi chochu, wukutwesha kwimana kumesu ami hinyi?

¹¹Muntwinyi wasambilahu dehi kunyinka chuma mwaka ninzi nimulubwilichu? Yuma yejima yidi mwishina dewulu yamami hohu.

¹²Hinukuleka kutena nyendu yindi nimakasindi, hela nyitakalaji yindi, hela kuwaha kwamujimba winduku.

¹³Hinyi wukutwesha kumuvúula wuvwalu windi wahewulu? Hinyi wukutwesha kwijila munyikuku yamaji indi yiyedi?

¹⁴Hinyi wukutwesha kwenzulula yenzelu yakumesu indi? Kumaji indi kwi-ndo kwekala kufwa antu mutentu.

¹⁵Makalu indi aŊovu wowu adisambilaŋayi, ayijika hamu neyi chakujika nachilamiki chalamakana.

¹⁶Ikalu dimu didi kwakwihi nankashi nadikwawu chakukaŋanya muuya kwijila mukachi kawu.

¹⁷Adinuŋa hamu, alamata hamu mbe, kutwesha kuyambula nehi.

¹⁸Chakuchihulayi, chihwe, chihwe, kutooeka nito-o! Mesu indi adi neyi nlabu jakusela kwetaŋwa.

¹⁹Mukanwa kindi mwedikaŋa nyilaŋu yakesi, ninsasi jakesi mwaa, mwaa!

²⁰Mumazulu indi mwakakumukaŋa wishi ka-ka-ka, neyi wamwinuŋu yidi nakubwakata, hela neyi katapakalali kanakwati kesi.

²¹Chakwonayi, makala hiyakukwata kesi, muzuzu hiwukufuma nimukanwa kindi.

²²Kunshiŋu yindi kwekala Ŋovu, mutentu wahaŋanaŋa kwakuyayi.

²³Nyitandu yambiji yindi yadiselasela hamu, yadikwata hamujimba windi mbe, kutwesha kuyiswija nehi.

²⁴Muchima windi wakola mbe neyi ilola; mwalala kwaamu, wakola mbe neyi ilola dakuhala dakwishina.

²⁵Chakudinyamunayi, akwaŋovu hiyakutiya niwoma; kwakuhayama hohu, nimwakwila nehi.

²⁶Hela kumulotokela kudi muntu nampoku yakabali hichikumutweshaku, hela tuhu neyoŋa, hela nakadiyoŋa kanyanya, hela namumba.

²⁷Yena yikuŋu wayifuukula neyi matahu, wuneŋu wawufuukula neyi mutondu watoka dehi.

²⁸Nsewu kutwesha kumutemuna nehi, malola akwasa namwonji kudi yena abalumukaŋa neyi ntotu hohu.

²⁹Nkunyi wayifuukulaŋa neyi ntotu tuhu, wasehaŋa iyoŋa dikuhita hwa-a.

³⁰Chindi chamwivumu chidi neyi yizanda yatwa; waalaŋa hamalowa chuma chidi neyi chuma chakuhúula nachu.

³¹Wabwakatishaŋa inyiŋi neyi inuŋu; welaŋa kaluŋalwiji hikakwikala neyi manji.

³²Munyima mwanenziyi washaŋamu njila yidi nakutoŋeka, muntu keŋa atoŋojoki nindi, Inyiŋi didi nanvu.

³³Hamaseki hihekala ehuma chakuleŋa chakadi woma chidi neyi yenaku.

³⁴Yuma yejima yidi hewulu hahalehi wayimonaŋa; himwanta wawakwakudinka wanta ejima.