Read MUKANDA WANZAMBI Lisamu 102 Bible Online

Lisamu 102 - MUKANDA WANZAMBI bible

Lisamu 102

¹Hikulomba kwakulomba muntu wamona kukala, jinamukayi dehi, hakuwulumuna kudi Yehova matopi indi. Tiya chinukulomba, eyi Yehova, kubilela kwami kushikikudeyi.

²Hefuku dinukumona kukala bayi wunsweka mesu eyuku; nteŋelekeli itudeyi; hefuku dinukutambika akaŋitiyi swayi.

³Muloŋa mafuku ami hiyakunoŋa neyi wishi, mafwahami hiyakusukuma neyi luchawa lwahejiku.

⁴Muchima wami anawukupuli neyi matahu, hiwukuuma, hinukuvulamena kudya yakudya yami.

⁵Mafwahami hiyakukakela kwikowa chau, nanichi chinasweji kwabokanankashi.

⁶Nidi neyi mumpundu wamwisaŋa, neli neyi chikuŋulu wekala mwikunadoma chau.

⁷Nakonkamaŋa, neli dehi neyi kajila kashakama kanka waku hewuludetala.

⁸Ayilumbu jami anhoshaŋa chatama mwaana wejima; awa anfunyi naŋahi yakunshiŋi.

⁹Nabalumuni kudya mawuti neyi chikwanshima, yinukunwa hinukubombelamunikudila.

¹⁰Nanichi chiwunahili nakuzuwa, wunannyamuni wunannati kweyi.

¹¹Mafuku ami hiyakuya nakuhita neyi wulelu; hinukuuma neyi matahu.

¹²Hakwila eyi Yehova saŋi washakamina haya nyaka; akakwana kankumakipu ejima mwamba kavwalikilaŋawu antu.

¹³Wakanyamuka, wakatiyila Ziyona wushona, muloŋa mwaka wakumutoŋa, mwalala wowu mwaka washiikawu chikupu, wunashiki dehi.

¹⁴Muloŋambuŋeyi atiyaŋa malolindi kuwaha, mlunkuŋu lwawu alutiyaŋa wushona.

¹⁵Dichi nyuza yaka akama ijina daYehova, anyanta ejima ahanu hesekiaka akama kulema kweyi;

¹⁶Muloŋa Yehova natuŋi Ziyona, namwekani nakulema kwindi.

¹⁷Natali mesu kwakulombawu ampwampu, hanasekeshi mwanalombeluwuku.

¹⁸Chumichi akachisonekeli awa amba kavwalika; niantu amba kaleŋawu amba kamuhameka Yehova.

¹⁹Mwiwulu mwekalayi mumalalindi natali munu mwishina, Yehova mwadiyi mwiwulu natali hanu heseki swi-i;

²⁰Kulonda atiyi chakudishishimonawu ankoli; asubuli awa anatoŋoluwu kujaha;

²¹Kulonda antu akashimuni ijina daYehova muZiyona, akashimuni mwaku mushimekelawu muYerusalema;

²²Hohakupompa ninyuza yawantu nimawanta nakumukalakela Yehova.

²³Wazeyesheli Ŋovu yami munjila; wakehesheli mafuku ami.

²⁴Nelili nami, eyi Nzambi yami, bayi wuntambula hachidi mafuku amuku; nyaka yeyi hiyakumaŋai ku kumakiŋu ejima mwamba kavwalikilaŋawu antu.

²⁵Oku kunyaka waalili chikuku chakutuŋila iseki; nimawulu niwena himudimu wakumakaseyi.

²⁶Wena kwawu akanoŋa, hakwila eyi sapa wekalila; epaŋi, wejima wawu akakula chikwehina dakuvwala; wakayibalumuna neyi chi kovwelu,

²⁷Kwinza eyi mwomweyi, ninyaka yeyi hiyamba kakumaku.

²⁸Anyana kawambuŋeyi akashakama, ni anyanawu akayikolesha kumesu eyi.