Read MUKANDA WANZAMBI Lisamu 103 Bible Online

Lisamu 103 - MUKANDA WANZAMBI bible

Lisamu 103

¹DaDavidi. Mukiswili Yehova nkisu, eyi muchima wami; niyejima yidimudami yikiswili ijina dindi dajila nkisu.

²Mukiswili Yehova nkisu, eyi muchima wami, bayi wuvulamenaŋa mwejima mwakwilaŋayi chachiwahuku;

³Wakwanakenaŋa mwejima muwaluwilaŋa; wakuukaŋi nyisoŋu yeyi yejima;

⁴Wakúulaŋa wumi weyi wubuli kukisika; wakuvwikaŋa chibaŋula chaluwinawushona;

⁵Wakutiyishapa kuwaha mukanwa nayuma yayiwahi; kulonda wukwenziweyi wili wawiha neyi wambuulu.

⁶Yehova wayililaŋa anakabishuwu nyidimu yaloŋa i, yawuji.

⁷Wamwilukishili Mosi mwekalilayi, wayilukishili nianyana kaIsarela mwelilaŋa ayi.

⁸Yehova wenzala wushona, waseha, hazuwaŋa swayuku, wasweja luwi.

⁹Hakahosholaŋi hosholee-ku, hela kuhila hakahilaŋa hilee-ku.

¹⁰Hanatwili mwesekena nshidi jetuku, hela kutwinka muloŋa wesekananakuluwa kwetuku.

¹¹Chimwaleha iwulu nahanu heseki, dimu mwashika niluwi lwindi kutohalwa anakena payi awa amwaakamaŋa.

¹²Nafumishi nyiŋa yetu, nayitwali kwakulehi neyi kufumisha kumusela nakushika kumuji ka.

¹³Chatiyilanyi tata yawantu anyanindi wushona, dichi chatiyilaŋa ayi yehova awa amwaakamaŋa wushona.

¹⁴Muloŋa yena weluka nyijimba yetu, waanukaŋi kwindi nindi hilunkuŋu hohu kwalu.

¹⁵Muntu kwindi mafuku indi adi neyi matahu; wakulaŋa neyi wuluya wamumpata;

¹⁶Chihakuhita mpepela kukasumuka hosi; hela hana hiwadiŋi kutwesha kwiluka neyi dihu hiwadiŋi nehi.

¹⁷Kwinza luwi lwaYehova lwakuyitiyilaŋa antu amwaakamaŋa, lwakufumishakunyaka vejima nakutwala kunyaka yahaya nyaka, nikuloŋa kwindi kwashika kudi ezukulu awu,

¹⁸Kwashika kudi awa elaŋi mwaya chitiyaŋenu chindi, nikudi awa aanukaŋi mwafumba ŋayi kulonda kwilamu.

¹⁹Yehova nakoleshi itanda dindi dawanta mumawulu; wanta windi wayulaŋa antu ejima.

²⁰Mukiswilenu Yehova nkisu, enu aŋelu jindi, enu mwasweja Ŋovu, mwelaŋa mwahoshaŋyi, mwatiyililaŋa izu dindi dahoshaŋayi.

²¹Mukiswilenu Yehova nkisu enu mazaza indi ejima, mwamukopelaŋi, mwelaŋa mwatiyayi kuwaha.

²²Mukiswilenu Yehova nkisu, enu nyidimu yindi yejima, mwekala wantawindi mwejima; mukiswili Yehova nkisu, eyi muchima wami.