Read MUKANDA WANZAMBI Lisamu 104 Bible Online

Lisamu 104 - MUKANDA WANZAMBI bible

Lisamu 104

¹Mukiswili Yehova nkisu, eyi muchima wami. Eyi Yehova Nzambi yami, eyi wasweja kutoha; wavwala ni kulema niwanta.

²Wadibuta mwaana neyi ihina dakuvwala, watanjika mawulu neyi ihinadakukudika muchisu.

³Nyamba yamatalindi wayipataŋa mumeji, mavu wayibalumunaŋ kwikalaikalu dindi; wendaŋi hampuula jampepela;

⁴Mpepela wajibalumunaŋi kwikala antemesha jindi; akwaku mukoŋela wayi balu munaŋi kwikala kesi kanyizuzu;

⁵Wahatishili iseki hamashina adu, kulonda dibuli kuswila chahaya nyaka.

⁶Wadibutili inyiŋi wi-i neyi ihina dakuvwala; meji emeneni hewuludamapidi.

⁷Chiwayiliosholeli hiyakutemuka; chatiyiluwu izu dadidimini nvula yeyi hiyakuya lufuchi;

⁸Hiyakukandajala nihamapidi, hiyakukunkumokela nimuyinekineki, ashikanimwawu muwayi loŋesheleli.

⁹Wunayishili ŋinza kulonda abuli kumotokamu; akenza kafunta cheŋi nakujimika iseki.

¹⁰Watemeshaŋ tuseloki muyinekineki, hitukuya nilufuchi mwaya mapidi;

¹¹Hitukunwisha anyama amumpata ejima, aŋila hiyakuketwishila kumpwila yawu.

¹²Kwokwatuŋilawu atujila ahaluzwizu hakushakaminawu, hiyakuhoshelakunyitayi yanyitondu.

¹³Watukumwinaŋi mapidi meji akufuma kwitala dindi; iseki hidikwikutanyikabu yakunyidimu yeyi.

¹⁴Wameneshaŋi matahu awayimuna, niyisakola yakukwasha antu, kulonda asoŋeshi yakudya yamumaseki.

¹⁵Nivinyu yakuluŋisha nachu muchima wamuntu, nimanji akulezumwisha nachu mesu indi, niyakudya yakoleshaŋa muntu mumuchima.

¹⁶Nyitondu yaYehova yinekuti; yoyu nyisida yakuLebanoni yatumbiliyi,

¹⁷Kwatuŋilaŋawu atujila yisakala yawu, hela atukumbikumbi matalawu adikwokunyijiwu.

¹⁸Mapidi amalehi ambala awampembi amwisaŋa; malola diwu akubatamina ayibatata.

¹⁹Wamufuukula dehi kakweji nindi kayilaaka; niitaŋwa weluka hindi hahuminaŋayi.

²⁰Eyi welaŋa mwidima, hikukwila niwufuku, henohu nianyama amwisaŋejima hiyakwendola.

²¹Ninyenzi yanyituŋa yabulumaŋi nakukeŋi akukwatawu, hiyakutalatala yakudya yawu kudi Nzambi.

²²Itaŋwa hidikusela, hiyakudiyila kwawu, hiyakuya nakukambama kuyididiyawu.

²³Muntu hakwidika nakuya kumudimu windi, hakukalakala nakushikija kumelela.

²⁴Eyi Yehova, o nyidimu yeyi o kuvula! Wunayili yejima nama ana; iseki dinenzali to-o namaheteyi.

²⁵Oku kudi kalujilwiji, muneni wa-aya, mwekala yuma yendaŋi yayivuluya kachinde waŋi, mwekala anyama nianyanya niamaneni.

²⁶Maatu amaneni ana akuya ana. Leviyatani owu, iwaleŋeli kulonda ahemenumu.

²⁷Wejima wawu akutalilaŋeyi, kulonda wuyinki yakudya yawu hadiilaŋawu.

²⁸Yina yiwukuyinka hiyakuyikuŋula, wakamununaŋi muchikasa cheyi, hiyakwikuta yayiwahi.

²⁹Wayi swekelaŋi mesu eyi, hiyakukabakana; wayitambulaŋa muuya wawu, hiyakufwa, hiyakufunta cheŋi mulunkuŋu lwawu.

³⁰Hiwukutemesha spiritu yeyi, hiya kulenewa; hiwukubalumuna hesekiheli hahaha.

³¹Kulema kwaYehova kushakamaŋa haya nyaka; Yehova ativaŋa nyidimuyindi kuwaha;

³²Hatali heseki hidikuzaala nikuzaala, hakwati hamapidi hiyakukakumuka niwishi.

³³Nukumwimbila Yehova tumina nyaka yejima nichidi kuhanda; nukuseŋi Nzambi yami nyaka yejima nichidi hohu.

³⁴Chinukutoŋashana yena achitiyi, eli nindi chatowala; nukuzaŋilala naYehova.

³⁵Akwanshidi anoŋi heseki ji-i, atama amani to-o. Mukiswili Yehova nkisu, eyi muchima wami. Aleluya.