Read MUKANDA WANZAMBI Lisamu 106 Bible Online

Lisamu 106 - MUKANDA WANZAMBI bible

Lisamu 106

¹Aleluya. Musakililenu Yehova, himuwahi; luwi iwindi lwahaya nyaka.

²Hinyi wukutwesha kutena nyidimu yaYehova yaŋovu? Hela kutiyakesha mwakumushimekela mwejima?

³Akulamata muwuŋaji anakooleki; niwukwila mwaloŋa mafuku ejima nakooleki.

⁴Ŋanuki eyi Yehova, niwani wuselewa wawanaŋawu antu eyi kudeyi; nhempuli nawamwinu weyi;

⁵Kulonda nimoni chakuluŋawu antu eyi watonda, kulonda nizaŋalalina nochu chikutiya muza weyi kuwaha, kulonda nidihameki nawuswana weyi.

⁶Tunavulu muni hamu nawankakulula jetu, tuneli mwakuluwa, tunakoŋi chatama.

⁷Ankakulula jetu hiyashili muchima kuyi haya misha yeyi muEjipituku; yuma yayivulu yaluwi yiwelili hiyayanukiluku, ilaŋa chadiŋuwu kukalujilwiji, kwokuKaluŋalwiji Kachinana adikaŋili.

⁸Hela chochu, wayamwinini hayuma yejina dindi, kulonda atiyakeshaŋi ŋovu yindi yasweja.

⁹NiKaluŋalwiji Kachinana nawa wakahosholeli komini chau; wayilombweli nakuyi zambwisha hamanyiŋi neyi adi nakuhita mwisaŋa.

¹⁰Waya mwinini kudi yena wayiheleli, wayikuulili kudi chilumbu.

¹¹Akwankunyi nawu ajiminini mumeji lwe, hihasheli hoku niwumuku.

¹²Henohu etiyili mazu indi, hiya kumwimbila kamina kakumushimeka.

¹³Avulameneni swayi swayi nyidimu yindi, hiya muchiŋi lilili yena ayilejima anaku.

¹⁴Atiyili lwisu nankashi muna mwisaŋa, amwesekeli Nzambi muna mwikuna.

¹⁵Wayinkeli chuma chalombeluwu, ilaŋa awakosesheli nyichima yawu.

¹⁶Atiyilili niMosi ichima muchilombu, niAroni wajila waYehova amutiyilili nawa ichima.

¹⁷Iseki dabalukili, daminyini Datani, dajikili mukanka wawantu aAbirami.

¹⁸Kesi kabutukili mukachi kamukanka wawu, nyilaŋu yakesi yocheli antu atama bwi.

¹⁹Elili mwana kaŋombi muHorebi, adifukwili kudi mukishi wawu wakweŋununa.

²⁰Kulema kwawu akubalumwini kwikali neyi chifwikija chaŋombi wadyaŋi matahu.

²¹Amuvulameneni Nzambi chamwinu chawu, welili yuma yamaneni muEjipitu,

²²Ninyidimu yakuhayamisha mwituŋa daHami, niyuma yikweti woma kuKalujililwiji Kachinana.

²³Dichi cheliliyi nindi wukuyijilumuna, kushelahu Mosi windi atondeliyi wemeni kumesu indi nakujika mumpwembu mwahumukili, kulonda atambuli kuzuwa kwindi kuchina kuyijilumuna.

²⁴Mwalala, asekesheli ituŋa dadiwahi, hiyetiyili izu dinduku.

²⁵Atobeli mumatenti awu, hiyatiyililili izu daYehovaku.

²⁶Wayinya mwinini chikasa chindi, kulonda ayidimbwishili mwisaŋa,

²⁷Kulonda kudimbwisha anyanawu mwahita nyuza, ayipalapeshi mwahita matuŋi ndu-ndu.

²⁸Adibombeli naBayali Peyori, adiili yimuna yaketwililuwu afu.

²⁹Amuvulokeli azuwi nayuma yeliluwu, chipupu chayiholokeleli.

³⁰Fwineha si wanyamukili welili mwawuŋaji, nichipupu chihita nikuhita.

³¹Chuma cheliliyi amufuukwililichu nawu hikuloŋa, nochu amba kamufu ukwilachu kumakiŋu ejima mwamba kavwalikilaŋawu antu.

³²Amuzuwishili nikumeji akuMeriba, Mosi wamweni kukala hanyijimba yawu;

³³Muloŋa wena aleteli chibeŋu nayena, niyena hakuhosha lufuchi nakanwakindi.

³⁴Ninyuza yawantu hiyayiilu mwini, muna mwalejeliyi Yehovaku;

³⁵Hiya kudi vwaŋi nanyuza, nakudiza nyidimu yawu.

³⁶Apesheli akishi awu akutuŋa, abalumukili nyihetu yakufwa wena;

³⁷Mwalala anyanawu amayala nawambanda ayiketwilili ademoni,

³⁸Apwekesheli mashi akadi muloŋa, wowu mashi awanya nawu amayalana wambanda, aketwililuwu akishi akutuŋa akuKenani; ituŋa adijiloleli namashi.

³⁹Adijiloleli awenawu nanyidimu yawu, ayili nakwila wuvumbi nanyidi mukawu yeliluwu.

⁴⁰Kuzuwa kwaYehova kwabutukilili antu indi, niwuswana windi wawutiyili kumuchima bwi.

⁴¹Wayihanini kudi nyuza ayikwati; ayiheleli wowu elili anyanta jawu.

⁴²Ayilumbu jawu ayikabishili hiya kufwomokela kumakasawu.

⁴³Wayipulwishili kakavulu, ilaŋa awena amutiyaŋeneni mpupa jakudi kajihohu, kuluwa kwawu kuyizeyesha nikuyizeyesha.

⁴⁴Hakwila yena wamweni chamwenuwu kukala, watiyili chadililuwu;

⁴⁵Wa anukili chitiyaŋenu chindi wayitoŋeli, wabalumukili mumuchi mawindi nanochu chaswejeliyi nankashi luwi.

⁴⁶Wabalumwini nyichima yawena ayikwatili ayitweli muwukoli kulonda ayitiyi wushona.

⁴⁷Twamwini, eyi Yehova Nzambi yetu, tufumishi munyuza wutupompeshi hamu, kulonda tusakilili ijina deyi dajila, kulonda tudisambi nakukushimeka eyi.

⁴⁸Kisu kisu Yehova, diyi Nzambi yawaIsarela, kufumisha kunyaka yeji mana kutwala kunyaka yahaya nyaka.

⁴⁹Antu ejima ahoshi nawu, Amena. Aleluya.