Read MUKANDA WANZAMBI Lisamu 107 Bible Online

Lisamu 107 - MUKANDA WANZAMBI bible

Lisamu 107

¹Musakililenu Yehova, himuwahi; luwi lwindi lwahaya nyaka.

²Ambala aYehova akúulawu dehi niwena ahoshi mwomumu, wowu akúuliliyi kudi mukwankunyi nawu;

³Afumishiliyi mumatuŋa nikumusela nikumujika, nikukabeta kakuchi munswa nikukabeta kakuchidiilu, nakuyipompesha hamu.

⁴Alulutili mwisapa munjila yabunda, hiyamweni mukala wakushakamaku.

⁵Atiyili ninzala nimpwila, nyichima yawu mumavumu yafwili chinzeya.

⁶Henohu hiyakubilela kudi Yehova neliuŋu damwenuwu, niyena wayi pulwishilimu yuma yakala yamwenuwu.

⁷Wayilombweli munjila yaloŋa, kulonda ayi kumukala wakushakama.

⁸Antu mutenowu adi kumusakilila Yehova chaswejayi luwi! O chelilanyi anyana kawantu nyidimu yindi yakuhayamisha!

⁹Muloŋa yena wawundishaŋi muchima wamuntu wafwa mpwila, nimuchima wamuntu watiya nzala wawikutishaŋa yuma yayiwahi.

¹⁰Ashakamini mumwidima muwulelu wakufwa, akasiluwu nakuyi kabishamu yikuŋu,

¹¹Nanochu chadikaŋiluwu namazu aNzambi, nanochu chasekesheluwu mpùŋa yaMukwakubadika Kwiwulu.

¹²Yena wanoŋamishili nyichima yawu nanyidimu yakala, adimbukili, hiyamweni wakuyikwashaku.

¹³Henohu hiyakubilela kudi Yehova neliuŋu damwenuwu, niyena waya mwinini muyuma yakala yamwenuwu.

¹⁴Wayifumishili mumwidima muwulelu wakufwa, waketwili nyonji yawuniŋwanwa.

¹⁵Antu mutenowu adi kumusakilila Yehova chaswejayi luwi! O chelilaŋayi anyana kawantu nyidimu yindi yakuhayamisha!

¹⁶Muloŋa yena nakotoli dehi yenzelu yawuneŋu, nakotoli nyikomenuyayi kuŋu kotu-kotu.

¹⁷Ayisupi nachina chaputolaŋawu, nachina chaluwaŋawu, hiyakukabakana.

¹⁸Nyichima yawu yalekaŋa yakudya yejima; hiyakuswila kwakwihi nayisuyakufwa.

¹⁹Henohu hiyakubilela kudi Yehova neliupu danamonuwu, niyena hakuya mwina muyuma yakala yanamonuwu.

²⁰Hakutemesha izu dindi, hakuyuka, hakuyipulwisha mumabuku mwanakulukiluwu.

²¹Antu mutenowu adi kumusakilila Yehova chaswejayi luwi! O chelila ŋayi anyana kawantu nyidimu yindi yakuhayamisha!

²²Amuketwili yimuna yakumusakilila, ashimuni nyidimu yindi nakwimbatumina.

²³Antu akunku mukaŋa mukaluŋalwiji nakwenda muma atu, ayaŋa nakulandalanda kutuloŋa twamaneni;

²⁴Wenawa diwu amonaŋa nyidimu yaYehova niyuma yindi yakuhayami shayekala kumeji akunama.

²⁵Muloŋa yena hakutambika nakukunkisha mpepela yeneni yaŋovu, hiyi kunyamuna kwiwulu mankanda adumu.

²⁶Hiyakuya mwiwulu mwamweni, hiyakukunkumuka cheŋi mumanyipi, ninyichima yawu mumavumu hiyikunowa nelituju.

²⁷Apedaŋila nikupedaŋila niniku niniku, ahinoka nikuhinoka neyi muntunasheti dehi walwa, maana awu akuma nikukuma.

²⁸Henohu hiyakubilela kudi Yehova nehuŋu dawu, niyena hakuyi fumishamu yuma yakala yanamonuwu.

²⁹Aha hanazuwi meji hakumweneshahu nizo-o, kulonda mankandawu emani hamu zo-o.

³⁰Antu atiya nikuwaha muloŋa mankanda anamweni dehi; hakuyi shikiku chikumu kwamwena kwakukeŋi kuyawu.

³¹Antu mutenowu adi kumusakilila Yehova chaswejayi luwi! O chelila ŋayi anyana kawantu nyidimu yindi yakuhayamisha!

³²Amutúumbakeshi nawa muchipompelu chawantu, amuhameki nimuchota chawawakulumpi.

³³Kwadiŋi tuloŋa wabalumunaŋi hiisaŋa dakadi meji, kwadiŋi tusuluwabalu munaŋa himaseki awuma chani;

³⁴Kwadiŋi mpata yawushi wakudima wabalumunari aku hikukwi kala ikula, nakutama kwawantu ashakamamu.

³⁵Niisaji dakadi meji wabalumunaŋi hiŋiya dameji, nimaseki awuma wabalumunaŋi hitusulu hohu,

³⁶Kwenoku hakushaka mishaku niakwanzala, kulonda atuŋi mukala wakushakama.

³⁷Adimi maha, adimi nimatempa anyivinyu, kulonda adiyi yakudya yikusoŋamu.

³⁸Hakuyikiswila nkisu nawa kulonda asweji kusemununa; hetuji ŋombiwu kufwaku.

³⁹Cheŋi nawa hiyakukeha, hiyakunojima hohu, nakumona nikuyi kabishani ihuŋu nikutiya chikela.

⁴⁰Ayilolu alema wayisekeshaji nankashi, hakuyimwapa mwisaji aluluti mwakadi njila.

⁴¹Ilaŋa mulanda wamwimikaŋa hewulu hahalehi hákubula kumona ikabisha, wamuvulishilaŋa anyana neyi mukanka wanyikoku.

⁴²Aloŋa akachimona akatiya kuwaha; nikuheŋa kwejima kwakajika kukanwakaku.

⁴³Akwama ana akasha muchima kuyumiyi, akatoŋojoka chachiwahi luwi lwaYehova lwaluvulu.