Read MUKANDA WANZAMBI Lisamu 109 Bible Online

Lisamu 109 - MUKANDA WANZAMBI bible

Lisamu 109

¹Damukulumpi wawakwakwimba. Isamu daDavidi. Eyi Nzambi yami inashimekaŋa, bayi wumwenaŋi zoŋuku;

²Muntu watama nimukwakudimbana anaŋasamini namutunwatwawu; anantupuli nedimi dakutwamba.

³Hiya ku nyeŋu mwisha namazu ankunyi, alwaji nanami chakubula muloŋa.

⁴Chinukuyikeŋi hiyakwiltala akwankunyi nami; ilaŋa ami kwami kwakulomba hohu.

⁵Chinukuyila chachiwahi hiya kunfuntishilamu katama, chinu kuyi keji hiya kunfuntishilamu nkunyi.

⁶Mushili muntu watama ekali mwanta windi; Satana amwimeni kuchi kasachindi chachidiilu.

⁷Chiya kumusompeshawu muloŋa windi afwi nachu; nikulomba kwindikubalumuki hinshidi.

⁸Mafuku indi akehi; mudimu windi awutambuli kudi wacheŋi.

⁹Anyanindi ekali anshona; ŋiŋodindi ekali ntuluwa.

¹⁰Anyanindi ekali ayipwapoki alombaŋa yuma yakulomba; ayi nakubwitatu nyikamba twawu muyihembi.

¹¹Wadyaŋa yanyilami amudiili yuma yindi yejima; enyi amubuwi yumayindi yanaheteliyi kunyidimu yindi.

¹²Bayi hamwekana muntu wakumumwekeshela luwuku; hela anyanindi ashala dehi anshona bayi hamwekana wakuyitoŋahu.

¹³Chisaka chindi chiŋiyi chikupu; aha hamba kavwalikawu antu akunyakayacheŋi yakulondelamu, ijina dawu akadijimi chikupu puchi.

¹⁴Yaluwilaŋawu ankakulula jindi ayanuki kudi Yehova; ninshidi yamamayindi bayi ayiŋimaku.

¹⁵Akekali kumesu aYehova hefuku hefuku, kulonda akumishi chikupukuyanuka cheŋi hanu hamaseki.

¹⁶Muloŋa haanukili kuyi mwekeshela akwawu luwuku, wakabishili nikazwepiwabula yuma, niabaluka dehi munyichima, walondeli nindi ayiŋahi.

¹⁷Eŋi, wakeŋeli kushiŋana, kwamulubukilili; hatiyili kuwaha nankisuku, hiyi kumwambuka nihahalehi.

¹⁸Kushiŋana wachivweli neyi chavwalaŋayi ihina, hichikwijila nimwivu mudindi neyi meji, hichikwijila nimumafwahindi neyi manji.

¹⁹Chakekali ihina dindi dadibutaŋayi nachu, nimukwatu windi wavwalapayihefuku hefuku.

²⁰Diwu wuloku wakudi Yehova wakatambulawu akwankunyi nami, diwu wakatambulawu antuŋi ilaŋa chatama.

²¹Ilaŋa eyi Nzambi Mwanta nkalakeluku kulonda ijina deyi ditiyakani; mpulwishi muloŋa luwi lweyi lwaluwahi.

²²Ami kazweŋi nabula yuma, muchima wami mwivumu anawukatishi.

²³Ami nayi neyi chikwawulelu wukuya nakuleha, hiyakunhaŋa ninikuniniku neyi kabola.

²⁴Mumanuŋu ami munalehuki lehu nanzala, mujimba wami hiwukuzeya hiwukukosa.

²⁵Ami anansehi dehi kwawu, chiyakunmonawu hiyakunlembola nanyitu yawu.

²⁶Nkwashuku, eyi Yehova Nzambi yami; ŋamwini mwomwesekela luwilweyi;

²⁷Kulonda eluki kwawu nawu chenichi chinamonami hichikasa cheyi, eluki nawu eyi Yehova yeyi wunachili.

²⁸Wenawa ashiŋeni kwawu, ilaŋa eyi kweyi wunkiswili nkisu; chiya kunya mukawu akutiya nsonyi, ilaŋa kambuŋeyi wukutiya kuwaha.

²⁹Akwankunyi nami avwali kusawuka, adibuti nsonyi yawu neyi chakudibuta ihina.

³⁰Nukumusakilila Yehova chacheni nakanwa kami; mwalala, nukumuhameka hadi antu amavulu.

³¹Muloŋa yena wukumwimena wabula yuma kuchikasa chindi chachidiilu, kulonda amwamwini kudi awa anakeŋi kumusompesha.