Read MUKANDA WANZAMBI Lisamu 112 Bible Online

Lisamu 112 - MUKANDA WANZAMBI bible

Lisamu 112

¹Aleluya. Muntu wamwakamaŋa Yehova, watiyaŋa mwalejeliyi kuwaha nankashi, nakooleki.

²Anyanindi akekala alema hanu hamaseki; ikiŋu dawantu oloka akakooleka.

³Mwitala dindi mudi maheta, mudi yuma yayivulu: kuloŋa kwindi kwa haya nyaka.

⁴Muntu woloka wamonaŋa mumwidima himukucha to-o; yena watoŋaŋa kwawu, wenzala wushona, waloŋa.

⁵Muntu watoŋaŋi akwawu, wasondami shaŋa akwawu, wamonaŋi kuwaha; hiyamba kamusompeshawu muloŋa windi, wamba kayiŋa.

⁶Hiyamba kamuswoku; waloŋa akamwanukaŋi kunyaka yejima.

⁷Haka akama nsaŋu jatamaku; muchima windi washimata dehi hamumbe nakumukuhwelela Yehova.

⁸Muchima windi awukolesha dehi mbe, hakatiya nawa womaku, nichichaka monayi chatoŋwele liyi akwankunyi nindi.

⁹Namwaŋi mwaŋi yuma yindi, nayinki atuzwepi; kuloŋi kwindi kwahayanyaka; luseŋu lwindi akalwimika kwiwulu nakulema.

¹⁰Muntu watama wakachimona, wakatiya chikela; wakadisumona kumaji, wakanowa, yakeŋawu antu atama yakakisika.