Read MUKANDA WANZAMBI Lisamu 116 Bible Online

Lisamu 116 - MUKANDA WANZAMBI bible

Lisamu 116

¹Ami namukeŋi Yehova nanichi chanantiyililiyi izu dami nikulembelela kwami.

²Naka mutambi kaŋi mafuku ejima inichidi wamumi, muloŋa yena nanteŋelekeli itu dindi.

³Nyonji yakufwa yanjiŋili kwi-ndo, nyisoŋu yakaluŋa yankwatili; namweni niyihuŋu nimakabi;

⁴Nitambika ijina daYehova, nami, Eyi Yehova, nalembi, ampulwishi.

⁵Yehova watoŋapa, waloŋa; mwalala, Nzambi yetu waanakenaŋa.

⁶Yehova wayihembapa akadi maana; nadipi mwakala, yena wapamwinini.

⁷Funtaku wunooki, eyi muchima wami; muloŋa Yehova nakwili chachiwahi.

⁸Muloŋa eyi wunapulwishi niwumi wami mukufwa, nimesu ami mukudila, ninyendu yami mukudi mbuka.

⁹Nukwendela kumesu aYehova mumatuŋa awantu amomi.

¹⁰Netiyili, dichi chinahoshi; ami nakabakeni nankashi.

¹¹Nahosheli lufuchi, nami, Antu ejima hiyantwambi hohu.

¹²Yehova nukumwinkadi nayuma yayiwahi yejima yanaŋiliyi?

¹³Nukunona lupasa lwawamwinu, nukutambika ijina daYehova.

¹⁴Nukumufuta Yehova yuma yinadishiilili, mwalala nukufutila kumesu awantu indi ejima.

¹⁵Chafwaŋawu antu indi ajila chalema kumesu aYehova.

¹⁶Eyi Yehova, chalala yami kambuŋeyi; yami kambuŋeyi, ni mwana kakambu ŋeyi wamumbanda; wunansubuli munyonji yami.

¹⁷Chimuna chinukukuketwila yowu kusakilila, nukutambika ijina daYehova.

¹⁸Nukumufuta Yehova yinadishiilili, mwalala nukufutila kumesu awantu indi ejima,

¹⁹Muyipaŋu yakwitala daYehova, mukachi keyeyi, eyi Yerusalema. Aleluya.