Read MUKANDA WANZAMBI Lisamu 118 Bible Online

Lisamu 118 - MUKANDA WANZAMBI bible

Lisamu 118

¹Sakililenu Yehova, himuwahi, luwi lwindi lwahaya nyaka.

²AIsarela ahoshi nawu, Luwi lwindi lwahaya nyaka.

³Akwamutaŋa waAroni ahoshi nawu, Luwi lwindi lwahaya nyaka.

⁴Antu aakamaŋa Yehova ahoshi nawu, Luwi lwindi lwahaya nyaka.

⁵Chinamweni lukadi natambikili Yehova; Yehova wantiyili, wanshilimweneni mutooka.

⁶Yehova wadikuma nanami; hinukutiya womaku; chumanyi chakaŋila wuantu?

⁷Yehova wadikuma nanami hamu nanawa ankwashaŋaku; dichi china kamona munayitoŋaweli akwankunyi nami.

⁸Chachiwahi kumukuhwelela Yehova, bayi kukuhwelela antuku.

⁹Chachiwahi kumukuhwelela Yehova, bayi kukuhwelela ayiloluku.

¹⁰Akwanyuza yejima ankumaŋeneni kwi-ndo, nukuyijilisha mwijina daYehova.

¹¹Ankumaŋeneni kwi-ndo, mwalala, ankumaŋeneni; nukuyijilisha mwijina daYehova.

¹²Ankumaŋeneni neyi ampuka; anajimi puchi neyi kesi kansonsu; nukuyijilisha mwijina daYehova.

¹³Eyi wanshinjikili chakola kulonda nidimbuki, ilaŋa Yehova wankwashiluku.

¹⁴Yehova diyi ŋovu yami, diyi kamina kami, nabalumuki dehi diyi wamwinuwami.

¹⁵Mumatenti awaloŋa mudi mazu akuzaŋajala awamwinu; chikasa chaYehova chachidiilu hichikwila yawulobu.

¹⁶Chikasa chaYehova chachidiilu chinoloki kwiwulu, chikasa chaYehova chachidiilu hichikwila yawulobu.

¹⁷Hinukufwaku, nukuhanda, nakashimuna nyidimu yaYehova.

¹⁸Hela neyi Yehova nambabeshi nankashi, hananhani mukufwaku.

¹⁹Ŋenzu lwilenu kuyisu yakuloŋa, nukwijila mu, nukusakilila Yehova.

²⁰Dimu muchisu chaYehova, aloŋa akeŋilamu.

²¹Nukukusakilila, muloŋa wunantiyi, wunabalumuki dehi hiwuwamwinu wami.

²²Ilola dalekeli antuŋi dinabalumuki dehi hinamutu wakwiwombu.

²³Yehova diyi nachikoŋi, chakuhayama kumesu etu.

²⁴Denidi hiifuku deliliyi Yehova; tukutiyilamu kuwaha tukuzaŋalelamu.

²⁵Atwamwini tunalembi, eyi Yehova; atushakamishi chachiwahi tunalembi, eyi Yehova.

²⁶Kisu kisu yenowu wukwinza mwijina daYehova; tunayikiswili nkisuchamwitala daYehova.

²⁷Yehova hiNzambi natwinki chejeji; kasenu chimuna nanyonji, mukasilenu kwokunseŋu jakukameŋa.

²⁸Eyi yeyi Nzambi yami, nukukusakilila; eyi yeyi Nzambi yami, nukukutu umbakesha.

²⁹Musakililenu Yehova himuwahi; luwi lwindi lwahaya nyaka.