Read MUKANDA WANZAMBI Lisamu 119 Bible Online

Lisamu 119 - MUKANDA WANZAMBI bible

Lisamu 119

¹Anakooleki ashinshika munjila, endaŋi munshimbi jaYehova.

²Anakooleki elaŋa mwanashi muniyi, amukeŋi kejiŋa namuchi mawejima.

³Mwalala, wena hiyelaŋa mwaheŋaku, endaŋi munjila jindi.

⁴Wunatuleji kulonda twili muwuna tufumbi, kulonda twilumu chakashinshi.

⁵Njila jami mutenowu ajihwekesha nakwililamu yidika yeyi!

⁶Chinukusha muchima kukuleja kweyi kwejima, hinukutiya nsonyuku.

⁷Chinu kudileja mwaya wuŋaji weyi waloŋa, nukukusakililaŋa anamuchima woloka.

⁸Nukwila mwaya yidika yeyi; bayi wunshiya chikupuku.

⁹Mukwenzi njila yindi yakwendayi wukuyitookesha nadi? Chiŋa nakusha muchima kukwila mwaya izu deyi.

¹⁰Nakukeŋakeŋa namuchima wami wejima, bayi wuŋiteja kujimbela mwamulehi namuwafumbaŋaku.

¹¹Izu deyi nadisweki mumuchima wami, kulonda nibulaŋi kukuvulumuna.

¹²Anakukiswili nkisu eyi Yehova, nleji yidika yeyi.

¹³Nanyivumbu yami nashimuni wuŋaji wejima wamukanwa keyi.

¹⁴Natiyi kuwaha munjila yawunsahu weyi, neyi chakuheta maheta ejima.

¹⁵Nukutoŋojoka muwafumbaŋa, nukusha muchima mwaya njila jeyi.

¹⁶Nukudiluŋisha nayidika yeyi; hinukuvulamena izu deyuku.

¹⁷Aŋili ami kambuŋeyi chachiwahi, kulonda nihandi nihembi izu deyi.

¹⁸Ntonesheli mesu ami, nimoni yuma yakuhayamisha munshimbi jeyi.

¹⁹Ni mwenyi hohu hanu hamaseki, bayi wunjinda kuleja kweyuku.

²⁰Muchima wami wafwaŋa puchi nakufwila wuŋaji weyi mafuku ejima.

²¹Wunayihosholi adinka wanta ashiŋewa, asenukaŋa muwalejaŋa.

²²Nfumishili nikusawuka nikunsekesha muloŋa neli muwashimunaŋa.

²³Atulamba ashakamini nakuntuŋiula, ilaŋa ami kambuŋeyi natoŋojokeli yidika yeyi.

²⁴Yuma yiwashimunaŋa diyi natiyaŋa kuwaha, diyi yanlejaŋa maana.

²⁵Muchima wami wunavumbami mulunkuŋu, nhizumwishi mwomwaya izu deyi.

²⁶Nashimuni njila jami, wunaŋakuli; nleji yidika yeyi.

²⁷Ŋilukishi chachiwahi njila yakufumba kuwafumbaŋeyi; neyi chochu nakatoŋojoka nyidimu yeyi yakuhayamisha.

²⁸Muchima wami hiwukunowa nachikela; nkoleshi mwomwaya izu deyi.

²⁹Nfumishili njila yakutwamba, ntiyili luwi; wunyinki nshimbi jeyi.

³⁰Natondi njila yakashinshi, wuŋaji weyi nawishi kumuchima wami.

³¹Nalamataji muwashimunaŋa; eyi Yehova bayi wuntiyisha nsonyuku.

³²Neyi wunatoheshi dehi muchima wami, nakatemuka lufuchi munjilayakuleja kweyi.

³³Nleji, eyi Yehova, njila yayidika yeyi, nakayihemba ndo nikunsa.

³⁴Ŋilukishi kashinshi, nakahemba nshimbi jeyi, mwalala nakajovwa hilana muchima wami wejima.

³⁵Ŋendeshi munjila yakuleja kweyi; dimu naluŋilaŋa.

³⁶Nfumbili muchima wami wuyi muwashimunaŋa, wubuli kuya mulwisu.

³⁷Mbalumwini mesu ami abuli kutala yuma yamukunkulwayi, wunhizumwishimunjila jeyi.

³⁸Muwahosha nkoleshelumu ami kambuŋeyi, ami nakwakama nankashi.

³⁹Mbalumwini kusawuka kwami kunatiyi woma, muloŋa wupaji weyiwawuwahi.

⁴⁰Natiyi mpwila yayuma yiwafumbaŋi, nhizumwishi mukuloŋa kweyi.

⁴¹Eyi Yehova, luwi lweyi lwaluvulu lushiki kudami, wowu wamwinu weyi, mwomuwahosha.

⁴²Neyi chochu nakamona mwakwakwila awa akunhosha chatama; muloŋa mi nakuhweleli izu deyi.

⁴³Izu dansaŋu yalala bayi wudinfumishila chikupu mukanwa kamuku; muloŋa mi nachiŋeji wuŋaji weyi.

⁴⁴Neyi chochu nakahemba nshimbi jeyi hefuku hefuku haya nyaka.

⁴⁵Nukwenda mutooka, muloŋa nakeŋakeŋaŋa muwafumbaŋ.

⁴⁶Nukuhosha kumesu awanyanta nakutena muwashimunaŋa, hinukutiyansonyuku.

⁴⁷Nukudiluŋisha nakuleja kweyi kunakeŋi.

⁴⁸Kuleja kweyi kunakeŋi, nukukunyamwina makasa kwiwulu; nukutoŋojokaŋyidika yeyi.

⁴⁹Anukaku izu diwaŋila ami kambuŋeyi, diwanleja dehi neyi nishukumuchima nidichiŋeji.

⁵⁰Namoni chakunkundeja nachu muyihuŋu yami muloŋa izu diwahosha dinanhizumwishi.

⁵¹Hela neyi adinka wanta anansehi nankashi, ami hinasenuki munshimbi jeyuku.

⁵²Na anuki dehi wuŋaji weyi wakumwaka, eyi Yehova, nidikundeja nikudikundeja.

⁵³Natiyi kutama nankashi muloŋa antu atama hiyakuleka nshimbi jeyi.

⁵⁴Yidika yeyi yinekali tumina twami mwitala dami dawenyi.

⁵⁵Na anuki ijina deyi nawufuku, eyi Yehova, nahembi nshimbi jeyi.

⁵⁶Nadiŋi nachumichi, muloŋa nahembeli muwanfumbili.

⁵⁷Yehova diyi iseka dami; nahoshi dehi nami nukuhemba mazu eyi.

⁵⁸Nalembeli namuchima wami wejima nami niwani wuselewa kudeyi; aŋili luwi mwomuwahosha.

⁵⁹Natoŋojokeli munendelaŋa, hinukutalisha ninyendu yami yiyi muwashimunaŋa,

⁶⁰Nanyakeli hohu, hinalabiluku, nami nihembi muwalejaŋa.

⁶¹Ananjiŋi munyonji yawantu atama; hela chochu, hinavulameni nshimbi jeyuku.

⁶²Nukuhinduka hakachi kawufuku kulonda nikusakilili nawuŋaji weyiwaloŋa.

⁶³Nadikata nanawa akwakameyi, ninanawa ahembaŋa muwafumbaŋa.

⁶⁴Eyi Yehova, hamaseki hanenzali luwi lweyi, nleji yidika yeyi.

⁶⁵Eyi Yehova, ami kambuŋeyi wunaŋili chachiwahi mwomwaya izu deyi.

⁶⁶Nleji niwuŋaji wawuwahi nima ana; muloŋa netiyi muwanlejaŋi.

⁶⁷Hinachidiŋi kanda nimoni yihuŋu najimbelaŋa munjila, ichi dinunahembaŋi muwahoshaŋa.

⁶⁸Eyi wumuwahi, welaŋa chachiwahi; nleji yidika yeyi.

⁶⁹Adinka wanta ananlamekeli chuma chakutwamba, ami nukuhemba muwafumbaŋa namuchima wami wejima.

⁷⁰Muchima wawu wunajiki mbe namanji; ilaŋa ami nukudiluŋisha nanshimbi jeyi.

⁷¹Chachiwahi chinamoni dehi yihuŋu kulonda nidizi yidika yeyi.

⁷²Kudami nshimbi jamukanwa keyi jinabadiki kuwaha nankashi; makombakaji awuru nasiliva anakuminumu.

⁷³Wunantuŋi namakaseyi, wunankoleshi; ŋilukishi kashinshi kulondanidizi kuleja kweyi.

⁷⁴Antu akwakama akunmona akuzaŋalala; nanichi chinachiŋeji izu deyi.

⁷⁵Eyi Yehova, ami neluki nami wuŋaji weyi waloŋa, nami ichi chiwashinshika, dichi chiwunankabishili.

⁷⁶Luwi lweyi lunkundeji mwani, mwomuna muwanhosha ami kambuŋeyi.

⁷⁷Wushona weyi wunwani, kulonda nihandi; muloŋa nadi luŋishaŋa nanshimbi jeyi.

⁷⁸Adinka wanta atiyi nsonyi, ankoŋeli chatama chakadi nimuloŋa; amikwami nukutoŋojoka yiwafumbaŋi.

⁷⁹Akwakameyi afunti kudami, akeluki nimuwashimunaŋa.

⁸⁰Muchima wami wudololi chalala muyidika yeyi; kulonda nibuli kutiyansonyi.

⁸¹Muchima wami hiwukuhwidela nakufwila wamwinu weyi, ami nachiŋeji izu deyi.

⁸²Mumesu muneliyi nakutalila chiwakahosha, nami, Ifukwinyi diwakankundeja?

⁸³Ami nabalumuki neyi nswaha yafwindila dehi wishi; hela chochu, hinavulamenaŋa yidika yeyuku.

⁸⁴Mafuku anashali kudami kambuŋeyi ajihi? Wakayisompesha awaankabishaŋa ifukwinyi?

⁸⁵Adinka wanta abulaŋi kuya mwaya nshimbi jeyi anampundili mabuku.

⁸⁶Mwejima muwalejaŋi mwakashinshi hohu; ankabishaŋi chakubula muloŋa; nkwashuku.

⁸⁷Akeŋeli kumonesha hanu hamaseki, ilaŋa ami kwami hinalekeli muwafumbaŋiku.

⁸⁸Nilizumwishi mwomwaya luwi lweyi; dichi nukuhemba muwashimuna mukanwa keyi.

⁸⁹Eyi Yehova, izu deyi dashimata mwiwulu chahaya nyaka.

⁹⁰Kashinshi keyi kumakiŋu ejima mwamba kavwalikilaŋawu antu. Wakolesheli iseki, saŋi dekalila nihanu.

⁹¹Yumiyi saŋi yekalila lelu mwomwaya wuŋaji weyi; muloŋa yuma yejima yinekali kwayu hiyambuŋeyi.

⁹²Chákubula ami kudiluŋisha nanshimbi jeyi, mutenowu najilumukili dehi nayihuŋu yami.

⁹³Muwafumbaŋa hinamba kavulamena mwokuku, muloŋa mwenimu dimuna hizumukilaŋa.

⁹⁴Ami niweyi, jimwini; nakeŋakeŋa muwafumbaŋi.

⁹⁵Antu atama ananchiŋilili kulonda ankisaŋani; ami nukutoŋojoka chachiwahi muwashimunaŋa.

⁹⁶Yuma yalala yejima nayimoni yakumaŋa, ilaŋa kuleja kweyi kweneninankashi.

⁹⁷Nshimbi jeyi o chinajikeŋa! Najitoŋojokaŋa mwaana wejima.

⁹⁸Kuleja kweyi kunanleji maana akubadika awayilumbu jami; nidi nawuhefuku hefuku.

⁹⁹Ami nashinshika chakubadika anlejaŋa ejima; muloŋa muwashimunaŋa natoŋojokaŋamu.

¹⁰⁰Ami neluki kashinshi chakubadika tushinakaji, muloŋa nahembi muwafumbaŋi.

¹⁰¹Nalekeshi nyendu yami kuya munjila jatama jejima, kulonda nihembiizu deyi.

¹⁰²Hinaambuki muwuŋaji weyi nisenuki mumbaduku; muloŋa eyi wunanleji.

¹⁰³Mazu eyi iwahoshaŋi nayitiyaŋi o kutowala! Kutowala kunayitiyaŋi mukanwa kami niwuchi hanyima!

¹⁰⁴Muwafumbaŋa dimu nahetelaŋi maana, dichi chinahelelaŋi njila jejima jakutwamba.

¹⁰⁵Izu deyi hiinoŋu dakunyendu yami, hichejeji chamunjila yami.

¹⁰⁶Nasanyiki dehi, nakoleshumu nikukoleshamu, nami, Nukuhemba mwayawuŋaji weyi waloŋa.

¹⁰⁷Namoni yihuŋu nankashi; eyi Yehova, nhizumwishi mwomwaya izudeyi.

¹⁰⁸Eyi Yehova, atambuli mwani, nyilambu yamukanwa kami yakudilambwila namuchima wamami aweni, anleji nimwaya wuŋaji weyi.

¹⁰⁹Muchima wami wekala haswala hefuku hefuku, hela chochu, hinavula mena nshimbi jeyuku.

¹¹⁰Antu atama anantili muhetu, hela chochu, hinasenuki nakufuma muwafumbaŋaku.

¹¹¹Wunsahu weyi washimunaŋi nawidyi neyi wuswana wahaya nyaka; muloŋa natiyaŋamu kuwaha mumuchima wami.

¹¹²Natwala dehi muchima wami mukwila yidika yeyi haya nyaka, mafuku ejima nikunsa.

¹¹³Akwanyi chima yiyedi nayihela, ilaŋa nshimbi jeyi najikeŋi.

¹¹⁴Yeyi chiswamu chami, yeyi nkebu yami, nakuhwelelaŋ izu deyi.

¹¹⁵Nfumenu, enu akwakukoŋi chatama, kulonda nihembi mwalejanyi Nzambi yami.

¹¹⁶Nkwati chachiwahi mwomuwahosha, kulonda nihandi; munakuhwelelajibayi nitiyilaŋamu nsonyuku.

¹¹⁷Nkwatishi nishakami chachiwahi, nitalishi mesu kuyidika yeyi hefukuhefuku.

¹¹⁸Eyi wunayidatoli ejima asenukaŋa muyidika yeyi; mwatwambaŋawu mwamukunkulwayi.

¹¹⁹Antu atama ejima ahamaseki wayimanishaŋamu zo neyi mazozu hohu, dichi chinakeŋela wunsahu weyi.

¹²⁰Mujimba wami wakuzaala eyi woma hohu; natiyi woma wawuŋajiweyi.

¹²¹Neli muwuŋaji mwaloŋa; bayi wunlekela akwakunkabishaku.

¹²²Ikalaku kapopu kamami kambuŋeyi kulonda nimoni kuwaha, adiŋi kawanta bayi ankabishaku.

¹²³Mumesu ami muneliyi nakutalila niwamwinu weyi, niizu deyi daloŋa diwashiika.

¹²⁴Aŋili ami kambuŋeyi mwomwaya luwi lweyi, anleji yidika yeyi.

¹²⁵Ami nidi kambuŋeyi, nyinki kashinshi, kulonda niiluki muwashimunaŋa.

¹²⁶Hakukoŋelayi Yehova hanashiki dehi! Anajahi nshimbi jeyi puchi.

¹²⁷Dichi chinakeŋa kuleja kweyi kubadika wuru, mwalala, kubadika wuruwutooka nankashi.

¹²⁸Dichi chinatoŋojokelaŋa nami mwejima muwafumbaŋa mwaloŋa hohu; njila jakutwamba najihelaŋi.

¹²⁹Muwashimunaŋa mwakuhayama hohu, dichi muchima wami hiwukuhembamu.

¹³⁰Chalumbulukaji mazu eyi chaletaŋa chejeji, chamwinkaŋa wakadi maana kashinshi.

¹³¹Naasamini mukanwa kami nakuhaakwila muloŋa nadiŋi nampwilayakuleja kweyi.

¹³²Inzaŋa wuntali, wuntiyili luwi, neyi chiwatiyilaŋa akeŋa ijina deyi.

¹³³Nyendu yami yidati chovu chovu mwaya izu deyi, bayi witŋi kuluwanikwanti kwikala mwanta wamuku.

¹³⁴Nkúuli mwikabisna dawantu, neyi chochu nukuhemba muwafumbapa.

¹³⁵Ntoŋekeli ami kambuŋeyi chejeji chakumesu eyi; nleji yidika yeyi.

¹³⁶Mesu ami hiyakupweka madilu tuloŋa twatweni pwa-pwa-pwa, muloŋa wanawa abulaŋi kuhemba nshimbi jeyi.

¹³⁷Eyi waloŋa, eyi Yehova, niwuŋaji weyi woloka.

¹³⁸Washiika dehi mwakushimuna wunsahu weyi mwaloŋa mwamweni mwakashinshi.

¹³⁹Iyena kumuchima dinanjahi muloŋa wawakwankunyi nami avulamena dehi mazu eyi.

¹⁴⁰Izu deyi diwunahoshi ditooka nankashi, dichi chinadikepela ami kambuŋeyi.

¹⁴¹Niwanyanya nadiwulewa; hela chochu, hinavulamenaŋi muwafumbaŋaku.

¹⁴²Kuloŋa kweyi hikuloŋa kwahaya nyaka, ninshimbi jeyi hinsaŋu yalala.

¹⁴³Nikukala ni kukabakana kunanwani; hela chochu, nadiluŋishaŋa nakulejakweyi.

¹⁴⁴Muwashimunaŋa mwaloŋa haya nyaka; nyinki kashinshi, nihandaŋi.

¹⁴⁵Natambiki namuchima wami wejima; ŋitiyi eyi Yehova; nukuhemba yidika yeyi.

¹⁴⁶Nakutambiki; ŋamwini, nihembaŋi muwashimunaŋa.

¹⁴⁷Nadanukili nakubilela, nikucha kanda, nakuhweleleli mazu eyi.

¹⁴⁸Yilu yejima nakonkamini nakutona, kulonda nitoŋojoki izu deyi diwahosha.

¹⁴⁹Tiya izu dami mwomwesekela luwi lweyi; nhizumwishi, eyi Yehova, mwomwaya wuŋaji weyi.

¹⁵⁰Antu alondaŋi kukoŋi chatama hiyakukundama kwakwihi; adi kwakulehinanshimbi jeyi.

¹⁵¹Wudi kwakwihi, eyi Yehova; kuleja kweyi kwejima liinsaŋu yalala.

¹⁵²Kufumisha kunyaka nelukili dehi nachina chiwashimunaŋi, nami, eyiwayikolesheli chahaya nyaka.

¹⁵³Nshinshiki yihuŋu yami wumpulwishi, muloŋa hinavulamenaŋa nshimbiŋeyuku.

¹⁵⁴Nhakwili muloŋa wami wunkúuli; nhizumwishi mwomwaya izu diwahosha.

¹⁵⁵Wamwinu wudi kwakulehi nawantu atama; muloŋa bulaŋa kukeŋakeŋa yidika yeyi.

¹⁵⁶Wushona weyi wasweja, eyi Yehova; nhizumwishi mwomwesekelawuŋaji weyi.

¹⁵⁷Niakwakunkabisha niakwankunyi nami anavuli; hela chochu, hinasenu kimu washimuna ŋaku.

¹⁵⁸Namweni akwakukwatila akwawu makasu, natiyili kumuchima bwi; muloŋa hiyahembeli izu deyuku.

¹⁵⁹Nshinshiki chinakeŋi muwafumbaŋi; eyi Yehova, nhizumwishi mwomweseka luwi lweyi.

¹⁶⁰Mwakuma izu deyi hinsaŋu yalala; wuŋaji weyi wejima waloŋa wahayanyaka.

¹⁶¹Atulamba anankabishi chakadi muloŋa, ilaŋa muchima wami watiyaŋwoma wamazu eyi.

¹⁶²Izu deyi diwahosha naditiyaŋa kuwaha, neyi muntu nawani maheta amavulu akupupa kunjita.

¹⁶³Nahelapa kutwamba natiyaŋamu kutama nankashi; nshimbi jeyi najikeŋa.

¹⁶⁴Nakuhamekaŋi mapampa katanu nakayedi ifuku dimu, nanowu wuŋajiweyi waloŋa.

¹⁶⁵Akeŋi nshimbi jeyi amonaŋa kumwena zo-o nankashi; hiyakwetihakudi mbukilaku.

¹⁶⁶Yehova, ami nakuhweleli wamwinu weyi, neli muwalejapa.

¹⁶⁷Muchima wami wunahembi muwashimunaŋa; nakeŋamu nankashi.

¹⁶⁸Nahembi nimuwafumbaŋa nimuwashi munaŋa wunsahu; muloŋa njilajami jejima jidi kumesu eyi.

¹⁶⁹Kubilela kwami kushiki kwakwihi naneyi, eyi Yehova; nyinki kashinshimwomwaya izu deyi.

¹⁷⁰Kulembelela kwami kushiki kudeyi; mpulwishi mwomwaya izu deyi.

¹⁷¹Nyivumbu yami yihoshi yakushimeka; muloŋa eyi wanlejaŋa yidika yeyi.

¹⁷²Idimi dami diimbi kamina kakutena muwahosha; muloŋa kuleja kweyi kwejima hikuloŋa hohu.

¹⁷³Chikasa cheyi chinyakali kunkwashaku; muloŋa ami natondi muwafumbaŋa.

¹⁷⁴Natiyi mpwila yawamwinu weyi, eyi Yehova; nadiluŋishaŋa nanshimbŋeyi.

¹⁷⁵Nihandi kulonda nikuhameki; wuŋaji weyi wunkwashuku.

¹⁷⁶Napwapuki neyi mukoku wajimbala; nkeŋakeŋi ami kambuŋeyi; muloŋa ami hinavulamenaŋi muwalejaŋaku.