Read MUKANDA WANZAMBI Lisamu 132 Bible Online

Lisamu 132 - MUKANDA WANZAMBI bible

Lisamu 132

¹Kamina kakukandama nachu. Eyi Yehova, mwanuki Davidi, anuka niyihuŋu yamonayi yejima;

²Nichichamusanyikililiyi Yehova, nakudishiila kudi Mukwaŋovu waYakoba,

³Nindi, Chalala hinakeŋila mwitala dami detenti, hela kukama hachikaŋa chami hakadidi kami;

⁴Hela kukamika mesu ami namutulu, hela kujika kunlabu jami jatuluku,

⁵Chiŋa nakawana hakutupila tabanaka yakushakama Yehova, diyi Mukwaŋovu waYakoba.

⁶Tiyenu, tunachitiyi muEfwarata; tunachiwani mwiha dekala mwihumbu.

⁷Tukuya mumatabanaka indi, tukudifukula kwitanda dakunyendu yindi.

⁸Nyamukaku, eyi Yehova, wuyi mweyi mwakunookela; nineyi nichimbaŋu cheyi chaŋovu yeyi.

⁹Atupristu tweyi ayivwiki kuloŋa, eyi ajila adikuwi nakuzapalala.

¹⁰Nansaŋu yakambuŋeyi Davidi bayi wutalisha mesu aweyi wawayishamanji kwacheŋuku.

¹¹Yehova namusanyikili Davidi mwalala, hakabalumuna mwokuku; Kudi akavwalika kwivumu deyeyi nakashakamishahu wumu mwitandala deyi dawanta.

¹²Nindi, Neyi anyaneyi akahemba chitiyaŋenu chami niwunsahu wami wunakayileja, anyanawu nawa amba kashakama mwitanda deyi dawanta

¹³Muloŋa Yehova natondi dehi Ziyona; nakeŋi nindi hekali hindi hakushakama.

¹⁴Henahanu hami hakunookela haya nyaka; nukushakama hanu; muloŋadihu nakeŋi kwami.

¹⁵Nukumukoolekesha nankashi kukudya kwindi; nukwikutisha tuzweŋi twindi nayakudya.

¹⁶Atupristu twindi nukuyivwika wamwinu, indi ajila akudikuwa naŋovu nakuzaŋala.

¹⁷Kwenoku diku nakamenesha luseŋu lwaDavidi; wami nawayisha dehi manji nukumuloŋa ŋeshela inoŋu dindi.

¹⁸Ayilumbu jindi nukuyivwika nsonyi; hakwinza hadi yena hakukekema chibaŋula.