Read MUKANDA WANZAMBI Lisamu 135 Bible Online

Lisamu 135 - MUKANDA WANZAMBI bible

Lisamu 135

¹Aleluya. Hamekenu ijina daYehova, muhamekenu enu ambuŋaYehova;

²Enu mwemanaŋa mwitala daYehova, muyipaŋu yetala daNzambi yetu,

³Muhamekenu Yehova; muloŋa Yehova himuwahi; seŋenu ijina dindi, muloŋa datowala.

⁴Yehova natondi Yakoba ekali windi, niIsarela ekali chozelu chambala.

⁵Neluki nami Yehova mimeni, nami Mwanta wetu nabadiki amaneni ejima.

⁶Yehova neli mwejima mwakeŋa eli muchima windi, nimwiwulu, nihamaseki, nimukaluŋalwiji, nimumanyiŋi ejima.

⁷Wakákumwishaŋa luya kunsa jeseki; wakeneshaŋa kulonda nvula; wedishaŋa mpepela mwaswekapayi yuma yindi yalema.

⁸Watapili awedi amuEjipitu, ni awantu ni awanyama.

⁹Watemesheli niyinjikijilu niyihayamisha mukachi keyi, eyi Ejipitu, nihadi Fwaro, nihadi ambuŋindi ejima.

¹⁰Watapili nyuza yayivulu, wajahili anyanta amaneni;

¹¹NiSihoni mwanta wawaAmori, niOgi mwanta wakuBashani, nimawanta ejima amuKenani;

¹²Wayinkeli aIsarela ituŋa dawu diikali wuswana, diikali wuswana wambala wawantu indi aIsarela.

¹³Ijina deyi, eyi Yehova, dahaya nyaka, amba kadanukaŋa, eyi Yehova kumakiŋu ejima mwamba kavwalikilaŋawu antu.

¹⁴Yehova wakasompesha antu indi, wakadikundeja kumuchima nansaŋu yawambuŋindi.

¹⁵Akishi anyuza hisiliva nawuru, hinyidimu yakumakasa awantu.

¹⁶Akweti tunwa, hiyahoshaŋku; akweti mesu, hiyamonaŋaku;

¹⁷Akweti matu, hiyatiyaŋaku; namutunwa twawu mwosi muuya ku.

¹⁸Ayituŋaŋa akadifwana nawu; mwalala, dichi chaduwu niejima ayikuhwelelaŋi.

¹⁹Enu akwamutaŋa waIsarela, mukiswilenu Yehova nkisu; enu akwamutaŋa waAroni, mukiswilenu Yehova nkisu;

²⁰Enu akwamutaŋa waLevi, mukiswilenu Yehova nkisu; enu mwa-mwaka maYehova, mukiswilenu Yehova nkisu.

²¹Kisu kisu Yehova muZiyona, diyi washakama kuYerusalema. Aleluya.