Read MUKANDA WANZAMBI Lisamu 140 Bible Online

Lisamu 140 - MUKANDA WANZAMBI bible

Lisamu 140

¹Damukulumpi wawakwakwimba. Isamui daDavidi. Eyi Yehova, mpulwishi kudi muntu watama; nkiŋi chachiwahi kudi muntu wamadombu;

²Wenawa afuukulaŋa yatama munyichima yawu, adipompeshaŋa hefukuhefuku kulonda kudasa njita.

³Anahotoli madimi awu neyi kapela, wulembi watubandayula wudi kunyivumbu yawu. Sela.

⁴Eyi Yehova, nhembi kumakasa amuntu watama, nkiŋi nikudi muntu wamadombu; wenawa anatoŋojoki kunshinjikila nyendu yami mumbadi.

⁵Adinka wanta anantili chikuluku, anantili ninyonji; anatanjiki wandakunsa yanjila; anantili niyidiya. Sela.

⁶Namwilili Yehova nami, Eyi yeyi Nzambi yami; chinukulembelela tiyiiilaku izu dami, eyi Yehova.

⁷Eyi Yehova, eyi Mwanta wami, yeyi Ŋovu yawamwinu wami, wunambuti kunamutu hefuku danjita.

⁸Eyi Yehova bayi wumwinka muntu watama yakeŋayuku; bayi wumukwasha mwafuukulayi mwatamaku; akenda kaditohesha. Sela.

⁹Yatama yakunyivumbu yawu yilumbami hanyitu yanawa ananwuŋili

¹⁰Makala akesi ayiholokeli; ayinatili mukesi; ayinatili mumena akunamakulonda abuli kukandukamu cheŋi.

¹¹Muntu wukweti kanwa bayi wumukolesha hanu hesekuku; kutama kwakamuhaŋa muntu wandombu kulonda kumubula heseki.

¹²Neluki nami Yehova wukumuhakwila muntu wamona yihuŋu nsaŋuyindi, wakamuhakwila mulanda muloŋa windi wutooka.

¹³Chalala antu aloŋa akasakilila ijina deyi; antu oloka akashakama naneyi.