Read MUKANDA WANZAMBI Lisamu 145 Bible Online

Lisamu 145 - MUKANDA WANZAMBI bible

Lisamu 145

¹Dakushimeka nachu. DaDavidi. Nukukutúumbakesha, eyi Nzambi yami, eyi Mwanta walukanu; nukukiswila ijina deyi nkisu haya nyaka nanyaka,

²Nukukukiswila nkisu hefuku hefuku; nukuhameka ijina deyi haya nyakananyaka,

³Yehova himuneni, chiŋa kumuhameka nankashi; chatohayi, antu kutwesha kwesekamu nehi.

⁴Ikiŋu dawantu dimu mwavwalikilawu akahameka nyidimu yeyi kudiikiŋu di kwawu dakalondelamu, akashimuna yiwelaŋa yaŋovu.

⁵Nukutoŋojoka niwanta weyi walema wampuhu, ninyidimu yeyi yakuhayamisha.

⁶Antu akatena yuma yiwelaŋa yaŋovu yikweti niwoma; nukushimunakutoha kweyi.

⁷Antu akaanakana chiwasweja nankashi kuwaha, akemba tumina twakutenakuloŋa kweyi.

⁸Yehova watoŋi, wenzala mbe nawushona; hazuwaŋa swayuku, wasweja nikwanakena.

⁹Yehova himuwahi kudi antu ejima; wushona windi wekala kunyidimu yindi yejima.

¹⁰Nyidimu yeyi yejima yakakusakilila, eyi Yehova; antu eyi ajila akakukiswila nkisu.

¹¹Akatena kulema kwawanta weyi, akashimuna Ŋovu yeyi,

¹²Kulonda kutiyakesha kudi anyana kawantu niyelaŋayi yaŋovu, nimpuhuyakulema kwawanta windi.

¹³Wanta weyi hiwanta wakunyaka yejima, nichiwakayula chakashika kumakiŋu ejima mwamba kavwalikilaŋawu antu.

¹⁴Yehova wayikwataŋi chachiwahi ejima adimbukaŋa, wayihindwishaŋa wejima wawu anoŋamaŋa.

¹⁵Mesu awu ejima atalaŋa kudeyi, wayinkaŋa a yakudya yawu hachila akahachila aka.

¹⁶Wakamununaŋa muchikasa cheyi, yuma yejima yikweti wumi wayiikutishaŋa nayuma yakeŋawu.

¹⁷Yehova waloŋa munjila jindi jejima, wukweti luwi munyidimu yindi yejima.

¹⁸Yehova wudi kwakwihi nawantu ejima akumutambika, nawejima akumutambika chalala chakubula kutwamba.

¹⁹Wukwila mwakeŋa awu amwakama, wukutiya nawa chakubilelawu, wukuyamwina.

²⁰Yehova wahembaŋa antu ejima amukeŋa, ilaŋa antu atama wukuyijilumuna.

²¹Kanwa kami kakuhosha yakushimeka Yehova; antu ejima akukiswila ijina dindi dajila nkisu, haya nyaka nanyaka.