Read MUKANDA WANZAMBI Lisamu 148 Bible Online

Lisamu 148 - MUKANDA WANZAMBI bible

Lisamu 148

¹Aleluya. Hamekenu Yehova mumawulu. Muhamekenu hewulu hahalehi.

²Muhamekenu, enu aŋelu jindi ejima. Muhamekenu, enu yileŋaleŋa yindi yejima.

³Muhamekenu, nineyi itaŋwa, nineyi kakweji. Muhamekenu enu tutumbwa twachejeji twejima.

⁴Muhamekenu, enu mawulu amumawulu, ninenu meji mwekala hewuludamawulu.

⁵Ahameki ijina daYehova; muloŋa diyi wahosheli, ayileŋa nikuyileŋa.

⁶Diyi wayikolesha dehi nawa chahaya nyaka nanyaka; welili ŋinza yawu akabuli kuyimotoka.

⁷Hamekenu Yehova hanu hamaseki, ninenu anyama akala amukaluŋalwiji, ninenu manyiŋi ejima.

⁸Kesi, ninvula yamalola, nvula yachisika, niluya, mpepela yazuwa, yelaŋi mwaya izu dindi,

⁹Mapidi amaneni, nimpidi janyanya jejima, nyitondu yemaŋi nyikabu, ninyisida yejima,

¹⁰Anyama, ni ayimuna ejima, yuma yakayilaŋa hamaseki, nitujila tukweti mpuula,

¹¹Anyanta ankanu, ninyuza yawantu, atulamba niansompeshi ahamaseki,

¹²Anyikwenzi nayaji ŋadima; amapala, niatwansi:

¹³Ahameki ijina daYehova, muŋa ijina dindi dabadika hewulu kankawadu, mpuhu yindi yabadika nimaseki niiwulu.

¹⁴Nanyamuni kwiwulu luseŋu lwawantu indi, lwakushimeka kudi antu indi ajila ejima, wowu anyana kaIsarela, antu ekala kwakwihi nayena. Aleluya.