Read MUKANDA WANZAMBI Lisamu 16 Bible Online

Lisamu 16 - MUKANDA WANZAMBI bible

Lisamu 16

¹Mikitami yaDavidi Nhembi chachiwahi, eyi Nzambi, muloŋa mudeyi dimu nabatamaŋi.

²Ami namwili Yehova, nami, Eyi yeyi Mwanta wami, hinikweti chuma chacheŋi chachiwahi huku, chiŋa yeyi hohu bweŋi,

³Hakwinza akwakujila adi hanu hamaseki, diwu alema, diwu natiyaŋkumuchima to-o hachikupu.

⁴Ana akumuhimpa Yehova nawacheŋi akamona yuma yakala yayivulu. Nyilambu yawu yakuhuŋununa yamashi hinukuyilambulaku, helamajinawu hinukuyitena nanyivumbu yamuku.

⁵Yehova diyi iseka dami danaŋimbwiluwu, diyi iseka damulupasa lwami; yeyi wankwatilaŋa chinjikijilu chami chakusakula nachu.

⁶Ŋinza jami anampimini kwakuwahi cheŋi; chalala ni kweti wuswanawami walubanji hohu.

⁷Nukumukiswila Yehova nkisu, diyi nanleji maana: chalala muchimawami wanlejaŋ kashinshi nawufuku.

⁸Namushi Yehova kumesu ami mafuku ejima. Chadiyi yena kuchikasachami chachidiilu hijikunkumaku.

⁹Dichi chiwunazaŋilali muchima wami, ni kulema kwami hikukutiyakuwaha; nimujimba wami kuwukushakama nakudiwunjika zo-o.

¹⁰Hiwakanshiya mukaluŋi ku; hela kumwiteja weyi wajila kumona kutokaku.

¹¹Wakanleja njila yawumi; hakushakama kumesu eyi kudi kuzaŋilalakwakweni kwamana; muchikasa cheyi chachidiilu mudi yakutiyisha nachu kuwaha haya nyaka.