Read MUKANDA WANZAMBI Lisamu 17 Bible Online

Lisamu 17 - MUKANDA WANZAMBI bible

Lisamu 17

¹Kubomba kwaDavidi. Tiyaku mwaloŋaela nsaŋu, eyi Yehova, atiyilili chachiwahi munukubilela; ashuku matu wutiyi kulomba kunukulomba nanyivumbuyákubula kutwamba.

²Kunketwila muloŋa wami chifumi kuwudeyi aweni; mesu eyi amoni yuma yesekana hohu.

³Muchima wami eyi wawutompa dehi; wunenzi nakunhempula nawufuku; wunaŋeseki, hiwunawani chumaku; kwonti kwami kanwa kamikuputola.

⁴Neyi nukutena mwelaŋawu antu, nadi hembi kwami nakababela mukwamadombu, nezu dakunyivumbu yeyi.

⁵Mahaji ami analamati munjila jeyi, nyendu yami hiyinaselumoki mwoku.

⁶Ami nakutambiki, muloŋa eyi wukwitiya, eyi Nzambi, nteŋelekeli itudeyi, wutiyi munukuhosha.

⁷Amwekeshi chachiwahi luwi lweyi lwasweja, eyi Chamwinu chawabatamaŋamu deyi, wayamwinaŋ kudi antu ayinyamukilaŋa nachikasa cheyi chachidiilu.

⁸Nhembi chachiwahi neyi kantu kadisu, mbatamishi muwulelu wamumpuula jeyi,

⁹Nanawa atama ankabishaŋi wowu ayilumbu jami, akunnyeŋumuka kwi-ndo.

¹⁰Nyichima yawu yinajiki mbe namanji awu; natunwa twawu anahoshiyakudinka wanta.

¹¹Anatujikilili kutwendelaŋi; hiyakututala kulonda atudimbwishi hamaseki.

¹²Chikwamutupa wafwila kutabola, neyi kwiji mutupa wamwenzi wabatajalaŋi kwajika.

¹³Nyamukaku eyi Yehova, wumukonkololi, wumunati hamaseki; amwinakuwu mi wami kudi muntu watama nampoku yeyi yakabali;

¹⁴Ŋamwini kudi antu, eyi Yehova, nachikasa cheyi, kudi antu amakonu, yadyaŋawu yamuwumi wunu wakatataka hohu, wenzeshaŋa mumavumu awu yuma yeyi yakusweka; anyanawu avula dehi, niyuma yawuyanahetuwu yinashaluhu, hiyakuyishila anyikeki yawu.

¹⁵Hakwinza ami kwami nukutala mesu eyi mukuloŋa hohu; chinakahinduka mutulu nakatiya kuwaha nakukumona chiwekala.