Read MUKANDA WANZAMBI Lisamu 18 Bible Online

Lisamu 18 - MUKANDA WANZAMBI bible

Lisamu 18

¹Damukulumpi wawakwakwimba. Isamu daDavidi kambuŋi Yehova, zoahosheli naYehova mazu akamina kanu, mwifuku ditia deliliyi yehova namupulwishi dehi kudi ayilumbu jindi ejima, nikudi Sawulu; hakuliosha nindi: Nakukeŋi, eyi Yehova, yeyi ŋovu yami.

²Yehova diyi ilola dami, diyi mpwembu yami, diyi wampulwishaŋa, diyi Nzambi yami, diyi ilola dami dakola ngu, dimu nukubatamina, diyi nkebu yami, diyi luseŋu lwami lwakuŋimwina, diyikaposhi kami kakale hikakutemukila.

³Chinu kumu tambika Yehova watela kumuhameka, akapamwina nikudiayilumbu jami.

⁴Anjiŋili nyonji yakufwa kwi-ndo, dibaji dadeni dakuluwa dinantiyishiwoma.

⁵Nyonji yakaluŋi yinankasi niniku niniku; yidiya yakufwa yinankulukili.

⁶Chinamweni kukala namutambikili Yehova, hinukumubilela Nzambi yami; watiyili izu dami mutembeli yindi, niikumbu dami nadililidashikili kumatu indi.

⁷Niiseki hidikukanka hidikuzaala nikuzaala, nimashina ampidi hiyakwenda, hiyakunyika nanochu chazuwiliyi.

⁸Mumazulu indi mwedikili wishi, mukanwa kindi mwafumini kesi kayi lina kunoŋesha hohu, hikakukwatisha nimakala.

⁹Wazembeli mawulu, wakunkumukili, mwishina danyendu yindi mwadiŋimwidima washishita.

¹⁰Wendeli hakerubi, hakutúuka nikutúuka: mwalala watúukili lufuchihohu wendeli hampuula jampepela.

¹¹Welili mwidima himwakubatamina yena, chisolu chindi chamujikilikwi-ndo, wowu mwidima wameji amavulu, namavu amwiwulu ajikanankashi.

¹²Kumesu indi kwakuyayi kutooka to-o, mavu indi ajika hiyakuhita nikuhita, ninvula yamalola nimakala akesi.

¹³Yehova wafumishili nvula mwiwulu bulu-u, Mukwakubadika wahosheli, nvula yamalola, nimakala akesi.

¹⁴Waasili nyivu yindi, wayimwaŋili mwa-mwa; mwalala wakena shanini kukena shana kakavulu, wayibazumwishili hohu.

¹⁵Chiwukuzuwa eyi Yehova, chiwukwonashana mumazulu eyi nakuhila, ninyihopi yahitaŋa meji hiyikumwekana, nimashina ampata hiyakwidikahatooka.

¹⁶Yena wolweli chikasa chindi mwiwulu, wankwatili, wanzambwili mumeji amavulu.

¹⁷Wampulwishili nikudi chilumbu chami waŋovu, nikudi anheleli, ambadikili nankashi Ŋovu.

¹⁸Ifuku dinamweni kukala ankumaŋeneni, ilaŋa Yehova diyi wadiŋinkwashi yami.

¹⁹Wanhanwishili mwavumba nakupusha mweneni mutooka to-o, wampulwishilina nochu chantiyiliyi kuwaha.

²⁰Yehova nanfweti mwomwaya kuloŋi kwami, nanyinki wuloku mwomwayakutooka kwamakasami.

²¹Muloŋa ami nalamatili munjila jaYehova, hinafumi kudi Nzambi yamichatamaku.

²²Mwejima mwasompaŋyi nashuku muchima wami hohu, hinanatinshimbi jinduku.

²³Kudi yena nadipi walala hohu, nadihembeli kukuluwa kwami.

²⁴Dichi chananfwetiyi Yehova mwomwaya kuloŋi kwami, mwomwayakutooka kwamakasami kumesu indi.

²⁵Kudi muntu mukwaluwi eyi wukudimwekesha wumukwaluwi; kudi muntu walala eyi wukudimwekesha wuwalala;

²⁶Kudi muntu wutooka mumuchima eyi wukudimwekesha wutooka mumuchima; kudi muntu waluwalala eyi wukudimwekesha wumukwakulwishahohu.

²⁷Amweshaŋawu ihuŋu eyi wukuyamwina, ilaŋa adimujola kumesu wukuyinopamishamesu awu heseki.

²⁸Muloŋa eyi wukubutula inopu dami; Yehova Nzambi yami wukuntopekelamumwidima wami.

²⁹Muloŋa naneyi hinukulotokela mukanka; naNzambi yami hinukumotokaikoli.

³⁰Hakwila Nzambi, njila yindi yalala; izu daYehova dakweseka dehi; hinkebu yawantu ejima akubatama mudi yena.

³¹Ochu kudi Nzambi wacheŋi? Hidiyi Yehovaku? Ochu kudi ilola dacheŋi? Hidiyi Nzambi yetuku?

³²Diyi Nzambi wanvwikapa Ŋovu, waŋolwelapa ninjila yami.

³³Wambalumwinaŋa nyendu yami yiikali neyi yankayi; waŋimikaŋa ngu-u ninaha ninaha hinemanaŋa hewulu hahalehi.

³⁴Wafundishaŋa makasami kwasa njita, hinukwevula hela wuta wamukunji wachikuŋu namakasami.

³⁵Wunanyinki ninkebu yawamwinu weyi; chikasa cheyi chachidiilu chinankwatishi; kuwunda kweyi kunanyinki kulema.

³⁶Wunantohesheli munukwenda, ninyendu yami hiyinaselumukuku.

³⁷Nukuyihaŋa ayilumbu jami nakuyikwata hohu, hinukufunta kwamicheŋuku chiŋa anajili to-o.

³⁸Nukuyihanwisha mpoku zwa hamuchima, hiyakatwesha kunyamukaku; nukuyidata nanyendu yami.

³⁹Muloŋa wunanvwiki dehi Ŋovu yakuya nachu kunjita; wunanfwomweni dehi awa annyamukilili.

⁴⁰Wunantemwini ayilumbu jami, hiyakuntalisha chanyima hohu, kulondani yiji lumuni awa akunhela.

⁴¹Atambikili, ilaŋa hiyamweni wakuyamwinaku; amutambikili Yehova, ilaŋa yena kwindi hetiyiluku.

⁴²Hinukuyichika kwami puchi-puchi neyi lunkupu lwalelukapa nampepela, hinukuyinata kwami neyi chikwamajilu akunatawu hanzi.

⁴³Hakufwilape nawu antu wunampulwishuhu; wunapili mwanta wanyuza; antu inabulili kwiluka akankalakela.

⁴⁴Chakantiyawu hohenohu akaŋovwahila nikupovwahila; niantu amwacheŋi akenza nakulemba kudami.

⁴⁵Antu amwacheŋi akafwomoka, akedikamu nakuzaala hohu mwawu mwadika ŋililuwu.

⁴⁶Yehova wamumi; kisu kisu ilola dami; Nzambi yawamwinu wamiatúumbakani kwindi,

⁴⁷Diyi Nzambi wantendapa, diyi wapovwahishilaŋa antu.

⁴⁸Diyi wampulwishapa hadi ayilumbu jami: mwalala, eyi wannyamunaŋakwiwulu nakunmotwesha hadi antu akunnyamukila; eyi wampulwishapakudi mukwandombu.

⁴⁹Eyi Yehova dichi chinukukusakilila mukachi kanyuza, nukuseŋa ijina deyi.

⁵⁰Wamwinu wana amwiniyi mwanta windi walukanu weneni; wamwilaŋa aluwi windi awayishayi dehi manji, yowu Davidi nawanyanindi, haya nyaka.