Read MUKANDA WANZAMBI Lisamu 19 Bible Online

Lisamu 19 - MUKANDA WANZAMBI bible

Lisamu 19

¹Damukulumpi wawakwakwimba. Isamu daDavidi. Mawulu ashimunaŋa kulema kwaNzambi, luzwizu lwamwekeshaŋa wukalawenu windi.

²Ifuku dimu dahoshaŋa nakuleja di kwawu, wufuku wumu waleja ŋawu kwawu maana.

³Kwosi mazuku, kwosi idimuku, izu dawu hidatiyakanaŋku.

⁴Chipimu chawu chinayi kwejima kwahita iseki, mazu awu anashiki kunsayamatuŋi. Mwenomu dimu mwanatuŋiliyi itenti detaŋwa.

⁵Yena, neyi iyala nasumbuli mumbanda, hakwidika mwitala dindi mwakamayi, hakuluŋa nikuluŋa neyi iyala daŊovu wukukeŋa kutemuka njilayakweseka lufuchi.

⁶Chakufumayi kunsa yewulu yimu, hakunyeŋumuka nakuya kunsa yaduyikwawu; kwosi chuma chikubatama iyena daduku.

⁷Nshimbi jaYehova jalala hohu, jahandishaŋa muchima wamuntu; yuma yashimunanyi Yehova yakashinshi, yalejaŋi wakadi maana;

⁸Yafumbapayi Yehova yaloŋa, yaluŋishapa muchima wamuntu; yaleja ŋayi Yehova yayiwahi chikupu, yatoneshaŋa mesu amuntu;

⁹Woma waYehova wutooka to-o wakadi majilu, wahaya nyaka kwawu; wuŋaji waYehova wakadi kutwamba, waloŋa chikupu.

¹⁰Awukeŋaŋa nankashi, wabadika wuru, mwalala wabadika hela wuruwawuwahi wawuvulu; wasweja kutowala, wabadika wuchi, helawakasemu.

¹¹Wenowu diwu wakwatilaŋa ayi kambuŋeyi maana, hakuhembamu hadiwuloku weneni.

¹²Mwaluwaŋayi muntu wunatweshi kwilukamu hinyi? Nfumishi kuluwakwakujinda.

¹³Nhembi chachiwahi ami kambuŋeyi, nibuli kwila nyiloŋa yawinyi; yibulikwikala mwanta wami; neyi chochina nukwi kala walala; nakayiŋi nikuyiŋa hamuloŋa weneni.

¹⁴Nimazu amukanwa kami, niyitoŋojoka yamumuchima wami yiikali yakukutiyisha kuwaha, eyi Yehova, yeyi ilola dami, yeyi nkúuli yami.