Read MUKANDA WANZAMBI Lisamu 21 Bible Online

Lisamu 21 - MUKANDA WANZAMBI bible

Lisamu 21

¹Damukulumpi wawakwakwimba. Isamu daDavidi. Mwanta wukuzaŋalala naŋovu yeyi, eyi Yehova; wukutiya kuwaha chakubadika nawamwinu weyi.

²Wunamwinki chuma chakeŋeliyi mumuchima windi, hiwunamubondi chuma chalombeliyi nanyivumbu yinduku. Sela.

³Watwami nambu dehi kumbidi nakumukoolekesha nayuma yayiwahi; hiwukumushila hanamutu windi chibaŋula chawuru wakoseka.

⁴Wakulombeli wumi, wunamwinkuwu; nikuvula mafuku ahaya nyakayakadi kukuma.

⁵Kulema kwindi kunatohi nawamwinu weyi; wunamushili niwanta, nilubanji,

⁶Wunamukoolekeshi nankashi chahaya nyaka, wunamutiyishi kuwa hanamuzaŋilu wakutala kumesu eyi.

⁷Mwanta wamukuhwelelaŋa Yehova, naluwi lwaMukwakubadika Kwiwulu wakakola ngu, hakaswilaku.

⁸Chikasa cheyi chakashika hadi ayilumbu jeyi ejima: chikasa cheyichachidiilu chakashintakesha akuhelaŋa.

⁹Hiwakadimwekesha wakayila neyi luteŋi lwakesi. Yehova chakazu wayi wakayi minya, ni kesi kakayinoŋesha.

¹⁰Nyikabu yawu wakayikisaŋga puchi hanu hamaseki, ni anyanawu wakayijilu muna mukachi kawanyana kawantu.

¹¹Wena atoŋweli kukwila chatama; afuukwili kafuta kawu katama, anakakaŋanyi hohu.

¹²Eyi wakayitemuna, wakayasa wuta weyi wamukunji kumesu awu.

¹³Ikalaku watúumbakana, eyi Yehova, kuŊovu jeyi; dichi tukutweshakusambilila Ŋovu yeyi.