Read MUKANDA WANZAMBI Lisamu 22 Bible Online

Lisamu 22 - MUKANDA WANZAMBI bible

Lisamu 22

¹Damukulumpi wawakwakwimba. DamuAyeleti hasha-shahara. Isamu daDavidi. Nzambi yami, Nzambi yami, wunanshiyilidi kanka wami? Wunemenidi kwakulehi nanami nákubula kunkwasha, nákubula kutiyamazu ami inukwaba?

²Eyi Nzambi yami, ami hinukutambika namwa ana ilaŋa eyi kwitiya nehi; niwufuku mwomu, hinamwenaŋaku.

³Ilaŋa eyi wajila, eyi washakamaŋa mukachi kawaIsarela, nakukushimeka kudi wena.

⁴Ankakulula jetu akukuhweleleleyi; akuhweleleli, eyi wayipulwishili.

⁵Abileleli kudeyi, apulukili; akukuhweleleli, hiyatiyili nsonyuku.

⁶Ilaŋa ami kwami nikabubu hohu, hinimuntuku; nasawuki hohu kudiantu, anandiwuli kudi antu.

⁷Antu ejima akunmona hiyakunseha nakunyiŋila hohu; hiyakuŋolwela nyivumbu yawu nakunlembula nanyitu, nakwila nawu,

⁸Yena wakuhweleleli Yehova, nindi wukumupulwisha; amupulwishi dinu, neyi namutiyi kuwaha.

⁹Ilaŋa eyi yeyi wanfumishili mwivumu damama; yeyi wanlejeli kukuhwelelani chidi kumayeli amama yami.

¹⁰Anshili kumakaseyi kufumisha hinavwalikili, yeyi Nzambi yami hohukufumisha hinafumini mwivumu damama yami.

¹¹Bayi wikala kwakulehi nanamuku, muloŋa kukala kunenzi kwakwihi; kwosi wakunkwasha hokuku.

¹²Aŋombi amayala ananyeŋumuki hinidi kwi-ndo: aŋombi amayala akola akuBashani anankumaŋeni,

¹³Hiyakuŋsamina namutunwa twawu, neyi chaasamaŋayi mutupa natiyi nzalahakubuluma.

¹⁴Ami namwaŋiki neyi meji hohu, mafwahami ejima anazokoki zokuzoku; muchima wami wudi neyi nsela hohu, wunasuŋunuki dehi mukachi kevumu dami.

¹⁵Ŋovu yami yinomi dehi chau neyi chizanda; idimi dami dina kakeli kuyi baŋi yami; wunanshikŋai dehi mulunkuŋu lwakufwa.

¹⁶Muloŋa tuwa ananyeŋumuki hinidi kwi-ndo; izaza dawakwakwila chatama anankumaŋeni, analokoli nimakasami ninyendu yami.

¹⁷Natweshi kuchinda mafwahami ejima; hiyakuntala nakunshinshika

¹⁸Yuma yami yakuvwala anadipaŋili mukachi kawu, mupila wami hiyakusakula nachinjikijilu chakusakula nachu.

¹⁹Ilaŋai eyi bayi wikala kwakulehuku, eyi Yehova: yeyi nkwashi yami, nyakalapa wunkwashuku.

²⁰Pulwishaku wumi wami kumpoku yakabali, niwami wumu hohu mupulwishi kuŋovu yakawa.

²¹Ŋamwini kukanwa kamutupa; nikunseŋu jawaŋombi amumpata wunaŋitiyi hohu.

²²Ami nukushimwina anakwami ijina deyi; mukachikachipompelu nukukushimeka hohu.

²³Enu mwa-mwakama Yehova, mushimekenu; mulemeshenu enu anyana kaYakoba ejima. Imanenu nakumuzaala woma, wejima wenu yenu anyana kaIsarela.

²⁴Muloŋa makabi anowu akukabishawu, hanadiwuli mwokuku hela kutiyamukutama; hanamuswekeli mesu induku; ilaŋa chana mubileliyinatiyi.

²⁵Yeyi nukushimeka muchipompelu cheneni; munadishiilumu nakafutamu, nakafutila kumesu anowu amwakama.

²⁶Ádizoza akadya akekuta. Akumukeŋakeŋa Yehova akamuhameka. Muchima wenu wuhandi haya nyaka.

²⁷Insa jampata jejima jakaanuka, jakabalumuka nakutala kudi Yehova; yisaka yanyuza yawantu yejima yakadifukula kumesu eyi.

²⁸Muloŋa wanta waYehova; yena diyi nyuli yanyuza.

²⁹Antu ahamaseki atoha nyijimba akadya, akadifukula; antu ejima ayapamulunkuŋu akamubandamina, mwalala niyenowu wakapanyapakuhemba wumi windi wawumi.

³⁰Hakekala anyana akamukalakela; nsaŋu yamwanta amba kayilejamu amba kavwalika.

³¹Amba kenza nakuyishimwina antu amba kavwalika kuloŋa kwindi, nawu, Yena diyi nachikoŋi.