Read MUKANDA WANZAMBI Lisamu 25 Bible Online

Lisamu 25 - MUKANDA WANZAMBI bible

Lisamu 25

¹Isamu daDavidi. Kudeyi, eyi Yehova, diku natalishaŋa muchima wami.

²Eyi Nzambi yami, yeyi nakuhwelela, bayi nitiya nsonyuku, ayilumbujami bayi akaŋimika mushinduku.

³Mwalala, awa akukushakaminaŋa nakutala kudeyi hosi wakatiya nsonyuku; akatiya nsonyi awa akwatilaŋa akwawu makasu akadi muloŋa.

⁴Ŋilukishi muwendelapa, eyi Yehova; nleji njila jeyi.

⁵Nlomboli mwaya nsaŋu yeyi yalala, nleji; muloŋa eyi yeyi yawamwinu wami; yeyi nachipejaŋa mwaana wonsu.

⁶Anukaku, eyi Yehova, niwushona weyi niluwi lweyi lwaluvulu; muloŋaniwushona weyi niluwi lweyi lwela dehi lwanyaka nanyaka.

⁷Bayi wanuka nshidi jami jawukwenzi, hela nyiŋa yamuku; ŋanuki chakweseka mwomweseka luwi lweyi, nanochu wawaha, eyi Yehova.

⁸Yehova himuwahi, woloka; dichi chakuyilejelayi chachiwahi akwanshidi munjila.

⁹Antu adizoza wukuyilombola muwupaji; antu adizoza wukuyileja chachiwahi njila yindi.

¹⁰Antu ahembaŋa chitiyaŋenu chindi niyashimunaŋyi, amonaŋa njila jaYehova jejima jaluwi, jalala.

¹¹Ŋanakeni mwani, kuluwa kwami, kunasweji nankashi, nanochu chidalema ijina deyi, eyi Yehova.

¹²Iyalanyi wamwakamaŋ Yehova? Diyi akalejayi munjila yindi yakatondayi.

¹³Wakashakama chachiwahi, anyanindi akaswana mpata.

¹⁴Mpuŋ yanatiyaŋaniyi Yehova yidi nawenawa amwakamaŋa; wakayilukisha mwaya chitiyaŋenu chindi.

¹⁵Mesu ami mafuku ejima atala kudi Yehova; diyi wakafumisha nyenduyami muwanda.

¹⁶Balumukaku wutali kunidami, wuntiyili luwi; muloŋa nidi kanka wamihohu, namoni ihuŋu.

¹⁷Yuma yinukutiya chikela mumuchima wami yinasweji; anfumishi mwani, muyuma yakala yinamoni.

¹⁸Talaku chachiwahi yihuŋu yamu ni kukabakana kunukukabakana; aŋanakeni nshidi jami jejima.

¹⁹Tala owu ayilumbu jami o kuvula! anankwatili nkunyi mbe, nkunyiyandulu yayeni.

²⁰Anhembeli chachiwahi wumi wami, ampulwishi, bayi wuntiyishansonyuku, muloŋa nabatami mudeyi.

²¹Nikuwaha nikwoloka kunhembi chachiwahi, muloŋa nakuchiŋeji.

²²Mukúuli Isarela, eyi Nzambi, mukúuli mukukala kwejima kwanamoniyi.