Read MUKANDA WANZAMBI Lisamu 27 Bible Online

Lisamu 27 - MUKANDA WANZAMBI bible

Lisamu 27

¹Isamu daDavidi. Yehova diyi chejeji chami, diyi wamwinu wami; muntwinyi inukwakamami? Mudi Yehova dimu mwakolela wumi wami, indi muntwinyi inukutiyami woma?

²Akwakukoŋa chatama wowu akwankunyi nami, wowu ampunda, chiyanlotokeleluwuna kuntena chatama, adihumini, adimbukili.

³Hela kukunte-ekelela izaza danjita, muchima wami hiwukwakamaku. Hela antu akumbutula njita, mwenimu dimu nukukuhwelela.

⁴Kudi chuma chimu chinamulombi Yehova, nafwili nami nichimoni; dichenichi nami, nishakami mwitala daYehova mafuku ejima inukwikala wamumi, nami nibanjili Yehova chawahayi, nimwihuli chachiwahi mutembeli yindi.

⁵Muloŋa mwifuku dinakamona yatama wakambatamisha muchiswamuchindi zo-o; mwomuchiswamu chamutabanaka yindi dimu mwakambatamishayi; wakannyamuna kwiwulu, wakaŋusha helola.

⁶Ichi dinu wukunyamuna namutu wami kwiwulu nakuwubadisha ayilumbujami anankumaŋeni kwi-ndo; mutabanaka yindi nukuketula yimu naya kuzaŋilala; nukumuseŋa Yehova, mwalala nukumuseŋ hohu.

⁷Eyi Yehova, tiyaku izu dami, yami nukutambika owu; ntiyili luwi, itiyaku.

⁸Chiwelili neyi, Keŋakeŋaku mesu ami; muchima wami wakwilili nindi, Mesu eyi nukuyikeŋakeŋa, eyi Yehova.

⁹Bayi wunswekela mesu eyuku; bayi wuzuwa nakunhaŋa ami kambuŋeyuku; yeyi wadiŋi nkwashi yami; bayi wuŋumba, hela kunshiyaku, yeyi Nzambi yami waŋamwinaŋa.

¹⁰Neyi tata namama akunshiya, Yehova wukuntambula.

¹¹Nleji munjila yeyi, eyi Yehova; nlomboli chachiwahi muwendeluwalumbuluka, muloŋa kwakuŋeba adi kwoku.

¹²Bayi wunhana kudi akwankunyi nami ankoŋi mwaya nyichima yawuku; muloŋa yinsahu akuntwambila anannyamukili dehi, onashanaŋa kwandombu.

¹³Neyi nabuli kwitiya nami nukumona kuwaha kwaYehova munu mwituŋa dawakwakuhanda, mutenowu jinakumi dehi.

¹⁴Muchiŋeji Yehova, dikwatishi wudikoleshi mumuchima; mwalala, mutalileŋa Yehova.