Read MUKANDA WANZAMBI Lisamu 30 Bible Online

Lisamu 30 - MUKANDA WANZAMBI bible

Lisamu 30

¹Isamu. Hikamina kakujilika nachu Itala. DaDavidi. Nukukutúumbakesha, eyi Yehova, nanichi chiwunanhindwishi cheŋi, hiwunayiiteji ayilumbu jami kulupa nanamuku.

²Eyi Yehova Nzambi yami, nakaluki nyiteti kudeyi, wunankoleshi dehi.

³Eyi Yehova, wunafumishi dehi wumi wami mukaluŋi; wunanhandishi dehi nibuli kuya muwina.

⁴Museŋenu Yehova, enu akwakujila ambala, musakililenu hakwanu kachaji layi.

⁵Muloŋa chazuwaŋayi kwahitaŋi mpinji yantesha hohu, ilaŋa wuselewa wutwawanaŋa kudi yena wanyaka yejima yahandaŋa muntu; kudilawukudila dile-e wufuku wejima, ilaŋa kubudidi kukwinza kuzapalala.

⁶Hakwinza ami kwami chinamweni nashakami dehi chachiwahi, nelilinami, nakoli ngu, hiyamba kanswijaku haya nyaka.

⁷Eyi Yehova, nawuselewa weyi wunakoleshi mpidi yami hiyikushimata ngu; eyi wanswekeleli mesu eyi, ami hinukuzaaza nikuzaaza.

⁸Nakutambikili, eyi Yehova; nalembeleli kudi Yehova.

⁹Indi chinakaya mwibuku kumashi ami akadiila kwodi? Lunkuŋu lukutwesha kukusakilila? Lukutwesha kushimuna nsaŋu yeyi yalala?

¹⁰Itiyaku kumutambi wami, eyi Yehova, wuntiyili luwi; eyi Yehova, ikalaku nkwashi yami.

¹¹Kudila kwami wunakubalumuni dehi hikuhaŋga; wunanvúuli yikeleyi yami, wunanvwiki kuzaŋlala;

¹²Kulonda muchima wami wukuseŋi, wubuli kumwena. Eyi Yehova Nzambi yami, ami nukukusakililaŋa haya nyaka.