Read MUKANDA WANZAMBI Lisamu 31 Bible Online

Lisamu 31 - MUKANDA WANZAMBI bible

Lisamu 31

¹Damukulumpi viawakwakwimba. Isamu daDavidi. Eyi Yehova, nabatami mudeyi, bayi nakatiya nsonyuku hayanyaka; mpulwishi nanochu chiwaloŋa.

²Nteŋelekeli itu deyi; nyakalaŋai wumpulwishi; ikalaku ilola dami dakola, niitala dami dakutuŋila muchipaka kulonda kuŋmwina;

³Muloŋa yeyi ilola dami, yeyi mpwembu yami, dichi nlomboli, ntwali chachiwahi munjila nanochu chidalema ijina deyi.

⁴Nhukuli muwanda wantilawu chakujinda; muloŋa eyi yeyi ŋovu yami.

⁵Nashi spiritu yami muchikasa cheyi; yeyi wunankúuli, eyi Yehova Nzambi yansaŋu yalala.

⁶Ami nayiheli mbe antu akeŋa yuma yakutwamba yakuhemesha, ilaŋa ami namukuhweleli Yehova.

⁷Nukutiya kuwaha, nukuzaŋalala naluwi lweyi; muloŋa wamweni yihuŋuyami; welukili munamwenaŋi kukala.

⁸Hiwunaŋenzeleli muchikasa chachilumbu chamuku; wunanshili nyenduyami mulubanza lweneni.

⁹Ntoŋuhu, eyi Yehova, ami namoni kukala; mesu ami hiyakupokokana chikela, mwalala, nimuchima wami nimujimba kumu.

¹⁰Mafuku ami ahitaŋa mukumona lukadi hohu, ninyaka yami mukushikokahohu. Ŋovu jami hiŋikukuma nakuluwa kwami, nimafwahami hiyakuuma chani.

¹¹Ami nasawuki hohu nanochu chanasweji kuvulawu akwankunyi nami, hela hadi akwetu twatuŋa nawu nasawuki nankashi, niakwetu twadilukanawu anantiyi woma; niantu akunmona hanzi hiya kimtemuka.

¹²Ananvulameni dehi neyi mufu wafuma dehi kumuchima; nidi neyiiniuju yafumpika dehi.

¹³Natiyi mwakudiwujolawu antu amavulu, mbadi jejima kudi woma hohu; chankwatiluwu mpùŋa, antiyaŋeneni kuntambula wumi wami.

¹⁴Ilaŋai ami nakukuhweleli, eyi Yehova; nelili nami, eyi yeyi Nzambi yami.

¹⁵Mafuku ami adi mumakaseyi; mpulwishi mumakasa awayilumbu jami, nikudi antu ankabishaŋi.

¹⁶Ami kambuŋeyi ntoŋekeli mesu eyi; jimwini naluwi lweyi.

¹⁷Eyi Yehova, bayi wuntiyisha nsonyuku; muloŋa nakutambiki; antu atama yitiyishi nsonyi, ayimweneshi zo-o mukaluŋa.

¹⁸Nyivumbu yakutwamba yikarinyi kuhosha; yamuhoshaŋi muntuwaloŋa chatama nakudinka wanta, yahoshaŋi nakuditohesha nakudiwula akwawu.

¹⁹O kuwaha kweyi chikunasweji! Kuwaha kuwunayitentekeli akwakama! Kuwaha kweyi kuwunayikoŋeli awa abatamaŋa mudeyi, kwakuyi kope la kumesu awanyana kawantu!

²⁰Wakayibatamisha muchiswamu chakumesu eyi Ituchina mpùŋa jatamajayi kwatilaŋawu antu; wakayihemba nakuyibatamisha zo-o mwitenti kuchina ipumba dawantu.

²¹Kisu kisu Yehova; muloŋa yena namwekesheli luwi lwindi lwaku hayamishahohu mumukala wakujika mumpwembu.

²²Ami kwami nahosheli lufuchi nami, ananfumishi dehi kumesu eyi; ilaŋa eyi watiyili izu dami dinalembeleleli hinabileleli kudeyi.

²³Mukeŋenu Yehova, enu antu indi ajila ejima; Yehova wahembaŋa ashinshika, hakwila akwakukoŋa yakudinka wanta wayifwetaŋa mwamuvulu.

²⁴Dikoleshenu, dikwatishenu munyichima yenu, enu ejima mwamu chiŋe jaŋi Yehova.