Read MUKANDA WANZAMBI Lisamu 37 Bible Online

Lisamu 37 - MUKANDA WANZAMBI bible

Lisamu 37

¹Isamu daDavidi. Muchima weyi bayi wubimbaŋa hansaŋu yawakwakwila chatamaku; bayi wuyitiya ichima elaŋa yuma yaheŋi ku;

²Muloŋa wena keŋi ayikesi neyi chakesaŋawu matahu, keŋi alepuki neyimafu atuuta.

³Kuhwelelaku Yehova, ilaku chachiwahi, chochina wakashakama mwituŋa, wakadya chachiwahi.

⁴Tiyaku Yehova kuwaha, wakakwinka yakeŋi muchima weyi.

⁵Kunjikaku njila yeyi kudi Yehova, mukuhweleli, yena wakachi mwekesha.

⁶Yena wakedisha kuloŋa kweyi hatooka neyi chejeji, niwuŋaji weyi neyi mwaana wetaŋwa mwiwulu.

⁷Diwunjiki zo-o mudi Yehova, muchiŋilili; muchima weyi bayi wubimbaŋi hansaŋu yamuntu wukukupuka munjila yindi hela hansaŋuya muntu wukwila yuma yatama yanafuukuliyuku.

⁸Lekaku kuzuwa, shiyaku ndombu; muchima weyi bayi wubimbaŋaku, chaleta kwila yuma yatama.

⁹Muloŋa antu elaŋ yuma yatama akayifumishamu; ilaŋa akumuchiŋeja. Yehova akaswana ituŋa.

¹⁰Hakuleha chanti muntu watama hakekala nawa mwokuku; mwalala, wakakeŋakeŋi hindi hadiŋilaŋayi, hihakamwekanaku.

¹¹Ilaŋa akwakudizoza akaswana ituŋa, akatiya kuwaha nankashi nakushakama chachiwahi chamwena.

¹²Muntu watama wamupampata waloŋa, wamusu manenaŋi kumaji indi.

¹³Mwanta wakamuseha; muloŋa namoni ifuku dindi hidikuya nakushika.

¹⁴Antu atama anaholi dehi mpoku jawu jatubali, anapachikiji dehi nyivuyawu, kulonda adimbwishi heseki kazweŋi wabula yuma, kulonda ajahi antu oloka mukwenda kwawu.

¹⁵Mpoku jawu jatubali jikwijila munyi chima yawu awenawu, nimata awu anyikunji akukotoka.

¹⁶Mukwa kuloŋa kindi kanti kabadika yayivulu yahetawu antu atama amavulu.

¹⁷Muloŋa makasa awantu atama akakotoka; ilaŋa aYehova wakayikwata chachiwahi akwakuloŋa.

¹⁸Yehova weluka mafuku awantu alala; niwuswana wawu wena wakekalawahaya nyaka.

¹⁹Hiyakatiya nsonyi hamwaka watamaku; hela hamwaka wanzala akekutakwawu.

²⁰Ilaŋa antu atama akajilumuka, ayilumbu jaYehova akekala neyi manji awanyana kanyikoku; akanoŋa hohu, akanoŋa zo-o kwawishi hohu.

²¹Muntu watama wasondamaŋi, hafwetapa cheŋuku; ilaŋa waloŋa welaŋaluwi, wahanaŋi.

²²Antu anakiswiliyi nkisu akaswana ituŋa, ilaŋa ashiŋeyi akayifumishamu.

²³Mwendapayi muntu Yehova diyi wakoleshaŋaamu, yena njila yindi wayitiyaŋ kuwaha;

²⁴Hela wukudimbuka, hakudimbuka chikupu hamasekuku; muloŋa Yehova namukwati chachiwahi nachikasa chindi.

²⁵Nadiŋi kansi, hanu nakula dehi nankashi, kanda nimonaŋahu dehi hashiyilawu muntu waloŋa, hela anyanindi nakulomba yakudyaku.

²⁶Mwaana wejima welaŋa luwi hohu, wasondamishaŋi kudi akwawu; ni anyanindi akooleka.

²⁷Fumenu kukutama, ilenu chachiwahi, mushakami haya nyaka.

²⁸Yehova wakeŋa wuŋaji, hashiyaŋi antu indi ajilaku, wayihembaŋa nyaka yejima, ilaŋa anyana kawantu atama akayifumishamu.

²⁹Akwakuloŋa akaswana ituŋa, akashakamamu haya nyaka.

³⁰Kanwa kamuntu waloŋa kahoshaŋa yama ana, niidimi dindi dahoshaŋa yawuŋaji.

³¹Nshimbi jaNzambi yindi jidi mumuchima windi, nyendu yindi hiyakaselumukaku.

³²Muntu watama wamwebaŋi waloŋa, wakeŋa a hakumujahila.

³³Yehova hakamulekela muchikasa chinduku, hakamutanyisha hiyakamusompesha wuku.

³⁴Muchipeji Yehova, wulami munjila yindi, wakakutohesha kulondawuswani ituŋa. Chiya kayi fumishamu antu atama, wakachimona.

³⁵Namumweni muntu watama hakulema nankashi, hakuditanda neyiilembalemba mumaseki indi ameneniyi.

³⁶Ilaŋa wahitili zwi-i, kumukasumuka hikwosi. Mwalala namukeŋa keŋeli, hinatwesheli kumumonaku.

³⁷Mutali chachiwahi muntu walala, mushinshiki muntu woloka; onamuntu kwakakuminayi wakamona kwawunda.

³⁸Akwakuputola akayijilumwina hamu; kwakakuminawu antu atama akamona kuyifumishamu.

³⁹Ilaŋa wamwinu wamonawu akwakuloŋa wafuma kudi Yehova, diyimpwembu yawu hamwaka wakumona kukala.

⁴⁰Yehova wayikwashapaku, wayipulwishapa; wayipulwishaŋi kudi antuatama, wayihandishaŋa, muŋa wena anabatami dehi mudi yena.