Read MUKANDA WANZAMBI Lisamu 38 Bible Online

Lisamu 38 - MUKANDA WANZAMBI bible

Lisamu 38

¹Isamu daDavidi, kulonda kwanukisha nachu. Eyi Yehova, bayi wunhoshola nanochu chiwunazuwuku; bayi wumbabesha nanochu chiwunahiluku.

²Nyivu yeyi yinankwati; chikasa cheyi chinanchiki.

³Ochu chiwunazuwi mumujimba wami mwosi kukolaku, hela mumafwaha natiyi zo-o nanoyu nshidi yami.

⁴Kuluwaluwa kwami kunabadiki nihanamutu wami; kuneli neyi chiteli chalema, kunabadiki nimuŊovu jami.

⁵Yitu yami hiyikununka, yatoka dehi bu-lu-lu, nanochu chinasupa kwami.

⁶Nazembami, nanoŋami nankashi; hinukwenda nakudila mwaanawejima.

⁷Munkuma jami mudi neyi kesi hohu; mumujimba wami mwosi kukolaku.

⁸Nazeyi, natiyi mabinjila nankashi. Nabulumi chakubuluma nakutazamu muchima wami.

⁹Eyi Mwanta, mwejima munakeŋi chidi kumesu eyi; nikwaba kwamihiwunayambi mwoku.

¹⁰Muchima wami hiwukuluza, Ŋovu jami jinankumi; hela kumona to-onamesu ami chinanfumi.

¹¹Niankeŋa niamabwambu jami hiyakuŋimena hahalehi nachipupu chinankwati; niawusoku wami hiyakwimana kwakulehi.

¹²Akepaŋa wumi wami kuwujaha antilaŋa nyihetu; akeŋi kunkatisha ahoshaŋi jakukisaŋana, atoŋojokaŋa yakutwamba hohu mwaanawejima.

¹³Ilaŋa ami nidi neyi muntu wajika matu, hinachitiyaŋiku, nidi neyikamama wabulaŋa kwasama nimukanwa.

¹⁴Mwalala nidi neyi muntu wabulaŋa kutiya, wabulaŋa niyakwakula mukanwakindi.

¹⁵Muloŋa eyi Yehova, yeyi nachiŋeja, yeyi wukwakula, eyi Mwanta, eyiNzambi yami.

¹⁶Muloŋa nelili nami, akenza katiya kuwaha nsaŋu yamami; chiwukuselu muka mwendu wami hiyakudisamba nanami.

¹⁷Nakeŋi kudimbuka, niyihuŋu yami yidi kumuchima wami hefukuhefuku.

¹⁸Nukushimuna kuluwa kwami, nukutiya chikela nanshidi yami.

¹⁹Ilaŋa yilumbu jami akola, akweti Ŋovu; anhelaŋi chakadi muloŋa navuli.

²⁰Áhiŋishaŋamu akwawu katama nayayiwahi yayikoŋawu, diwu ayilumbujami, nanochu chinalondaŋa chuma chachiwahi.

²¹Bayi wunshiyaku, eyi Yehova; eyi Nzambi yami, bayi wikala kwakulehinanamuku.

²²Nyakalaŋa, wunkwashuku, eyi Mwanta, yeyi wamwinu wami.