Read MUKANDA WANZAMBI Lisamu 40 Bible Online

Lisamu 40 - MUKANDA WANZAMBI bible

Lisamu 40

¹Damukulumpi ulazva kwakwimba. Isamu daDavidi. Namuchiŋejeli Yehova chiŋeje-e; yena wambandaminini namutuwindi, watiyili chinadilili.

²Yena wantupwili muwina wafwana, nimumalowa; washili nyendu yamihelola, wankolesheli munendeli.

³Mukanwa kami nashumu kamina kakaha, yowu kumushimeka Nzambi yetu: amavulu akuchimona, akutiya woma, akumukuhwelela Yehova.

⁴Muntu wukumukuhwelela kwaYehova hohu nakooleki, wukubula kushakumuchima niadinka wanta niasenuka munjila nakwila yakutwamba.

⁵Eyi Yehova Nzambi yami, nyidimu yeyi yakuhayama yiwuneli yinavuli, niyitoŋojoka yeyi yiwatu topojokaŋa, hiyakutwesha kukuchindilayuku, hela neyi nakeŋa kuyishimuna nakuyitena, yinasweji kuvula, kutweshakuyichinda nehi.

⁶Eyi hiwatiyaŋa kuwaha hela nakukuketwila chimuna hela nahimulambu ku; wunajikuli dehi matu ami; eyi hiwunakeŋi hela himulambu wakushitahela himulambu wahanshiduku.

⁷Henohu nelili nami, Tala, ami nenzi dehi; mumukanda wakuvuŋa ana chisoneki ananteni ami.

⁸Natiyi kuwaha nakwila muchima weyi, eyi Nzambi yami, mwalala, nshimbi jeyi jidi mukachi kamuchima wami.

⁹Nashimuni nsaŋu yayiwahi yakuloŋa muchipompelu cheneni; tala, hinukumwenesha nyivumbu yamuku, eyi Yehova, wuneluki.

¹⁰Kuloŋa kweyi hinakusweki mukachi kamuchima wamuku; nashimuni nikashinshi keyi niwamwinu weyi; hela luwi lweyi hela nsaŋu yeyi yalala hinayijindi chipompelu chenenuku.

¹¹Bayi wuŋuminaŋa wushona weyuku, eyi Yehova; niluwi lweyi ninsaŋuyeyi yalala yinhembapa hefuku hefuku.

¹²Yuma yatama yayivulu yinanjiki kwi-ndo kutwesha kuyichinda nehi, yuma yineli yakuluwa yinanshintakeshi, hinatweshi nawa kubandukamesu kwiwuluku; yinasweji kuvula hela nsuki jakunamutu wami jinakehi, mumuchima wami munakumi hohu.

¹³Eyi Yehova, itiyaku kumpulwisha, eyi Yehova, nyakalapa wunkwashuku.

¹⁴Awa akukeŋakeŋa wumi wami kulonda kuwukisapana, atiyi nsonyi, abayili kwawu hamu; awa atiyaŋa kuwaha nakunkatisha, ayi funtishiha nyima asawuki kwawu.

¹⁵Awa akuŋila nawu, Ehe-e! Ehe-e! ahayami nankashi nansonyi yawu.

¹⁶Antu ejima akukukeŋakeŋa eyi atiyi kuwaha nakuzaŋalala naneyi; awaakeŋa wamwinu weyi ahoshi hefuku hefuku, nawu, Yehova atohi.

¹⁷Ilaŋa ami kwami nikazweŋi wabula yuma; hela chochu, Mwanta wantoŋwelaŋahu; yeyi nkwashi yami, yeyi mukwakumpulwisha; bayi wulabaku, eyi Nzambi yami.